තුම්පනේ බලන ගමන් | 5% to SL Charity
ITN එකෙයි ජාතික රූපවාහිනියෙයි ලස්සන ලස්සන කතා ගොඩාක් telecast වෙනවා මේ දවස් වල. ඒව මගේ රසයට ගැළපෙනවා. ඒ චැනල් දෙකම ආණ්ඩුවට කඩේ යන ගමන් ලංකාවෙ මිනිස්සුන්ගෙ මොළ තාමත් ජරා විදියට හෝදන එක මට පිළිකුල් එක වෙනම කතාවක්. හැබැයි ලස්සන කතා ටෙලිකාස්ට් කරනවා.
අඳුන්ගිර, මෙට්‍රො හීන, සකර්ම, මහපොළොව, දැන් මං කියන්න යන ජාතික රූපවාහිනියෙ විකාශනය වුණ තුම්පනේ ඒවයින් චුට්ටක්. තුම්පනේ කියන්නෙ ලස්සන කතාවක්. පොලිටිකල් ගේම්ස් ගැන කතා කරන සමාජ ප්‍රශ්න ගැන කතා කරන හොඳයි කියන්න පුලුවන් කතාවක්. නලු නිළියො ටික නියමයි. ඒ ගොල්ලො රඟපානවා කියලා හිතෙන් නෑ.
මේ ඉන්නෙ මදූශානි මිස්
ඉලක්ශ කියන මාධ්‍යවේදියා, එතකොට කුණු ට්‍රැක්ටරේ වැඩ කරන ඇන්ටන්, නිමලෙ අයියා සහ විකුම්සිරි, විකුම්සිරිගෙ අම්මා, මධුශානි මිස්, නගරාපතිතුමා, ඩොමිනික් තමයි මේ කතාව කියන්නෙ. ඒක ටෙලිකාස්ට් වුණේ මේ අර්බුදය එන්න කලින් වුණාට මේ රටට මෙහෙම වුණේ ඇයි කියන්න හේතු එකේ තියෙනවා.
අද්‍යාපනයට, සමාජ සාරධර්ම වලට වඩා, සුදුසුකම් නැතිව මැති ඇමතිවරු පස්සෙ ගිහින් රස්සා අරගෙන, ඡන්ද කාලෙට ලැබෙන සල්ලි,බත් පැකට් එකක් හින්දා මිනිස්සුන්ගෙ ඡන්දෙන්ම මැති ඇමතිකම් අරගත්ත මිනිස්සුන්ට දෙයියොන්ට වඩා සලකන මිනිස්සු හිටිය පරම්පරාවකින් අපිට ලැබුණ දේ මේක කියලා මට නම් ඒක බලනකොට දැනෙනවා.
එහෙම සමාජෙක උඩුගම් බලා පීනන්න හදන ඉලක්ශ වගේ මිනිස්සුන්ව මේ සමාජෙ මිනිස්සුන්ට පේන්නෙ පිස්සො වගේ. අනෙක් අතට බහුතරයකට දේශපාලනෙ කියන්නෙ පවුල් පිටින් ගොඩ යන්න යොදන තුරුම්පුවක් මිසක් ඊට එහා වටිනකමක් ඇති යමක් නෙමෙයි කියලා කතාවෙන් කියනවා. අද ඒක ඔප්පු වෙලා ඉවරයි.
ඇන්ටන් විමලෙ සහ විකුම්සිරි කියන්නෙ නගර සභාවෙ කුණු ට්‍රැක්ටරේ වැඩ කරන තුන් දෙනා. තුන් දෙනා තුන් විදියක්. ඒත් මරු. විකුම්සිරි කවි ලියනවා.( ඇත්තටම ඒවා ඉලක්ශ ජයවර්ධනගෙ කවි) ටිකක් මෝඩ ඒත් නියම සාහිත්‍යකාරයෙක් වගේ මට පේනවා. ඇන්ටන් සැහැල්ලුයි විනෝදයි. ඊට වඩා ලියන්න ගියොත් කතාව ස්පොයිල් කරා වගේ. මේ සමාජෙන් මිනිස්සුන්ට ගහන සමාජ තත්ව ලේබල් එක කොහොම වුණත් කුණු ට්‍රැක්ටරේ වැඩ කරන ඒ තුන් දෙනාගෙ පුදුමාකාර සුන්දරත්වයක් මට පේනවා.
කොහොම වුණත් කතාව බලන්න කියලා කියලා ලියලා තියන්නම්. ඒ හොඳ සමාජ දේශපාලන කියවීමක් කියලා මට හිතෙනවා!
mamath tika dawask youtube eken baluwa eka digata oke eposod 20 k wage. niyama katwak, විකුම්සිරි thamayi mn asama. anija me kathwa wena katha wage adenne na. ikmnta wenwa wenn ona ewa. honda kathwak
Matath ahamben me kathawa hambune you tube eken. Upahasaya hodata yodala tibunata api danna nodanna peththa samajayata hodin pennawa.
ඇත්තටම කියනවනම් කුණු ලොරියේ වැඩ කරණ, පිරිසිදු කරණ රැකියාවල නියුතු වෙලා ඉන්න මිනිස්සු අපට වඩා හරි සැහැල්ලුවෙන් ජිවත් වෙනවා. මොකද කියනවනම් එයාලගේ ජිවිත හරි සරළයි. අවශ්‍යතා අඩුයි. සිහින අඩුයි. ඒ වගේම අනෙක් මිනිස්සු ගැන දක්වන ගරුත්වය හරිම ඉහලයි. මගේ කාර්යාලයේ හිටපු cleaning staff එකේ අයගෙන් තමා මම මේක අත්වින්දේ. එයාල ලග තියන ආදරය, ගරුත්වය, සෙනහස මේ ඔක්කොම හරිම අව්‍යාජයි. ඒ වගේ මිනිස්සු අපිට අපේ සමාජයෙන් ලැබෙනවා අඩුයි.