Saatlının Orta Muğan kəndinə doğru...

Gənclərin İnkişaf və Karyera Mərkəzi olaraq rayonumuzun bütün şəhidlərinin ad günlərində məzarlarını ziyarət edirik. Təbii ki, yeni işçi olsam da, Mərkəzin əməkdaşı olaraq mən də bütün ziyarətlərdə iştirak edirəm.

Keçən həftə Vətən Müharibəsidə şəhid olan Xəzri Sarıyevin ad günü ilə bağlı məzarını ziyarət üçün Saatlının çox ucqar, kənar kəndlərindən biri olan Orta Muğan kəndinə yol aldıq.

Orta Muğan kəndindən sonra Salyandır. Rayonumuzun o tərəflərinə keç keçməmişdim. Yolumuzun üstündə Azadkənd, Fətəlikənd, Qara Nuru kimi kəndlər vardı, hansı ki bu vaxta qədər yalnızca adını eşitmişdim. Canlı görmək isə bir başqa idi, həqiqətən.

Keçdiyimiz yollar o qədər gözəl, tənha, ıssız idi ki, şəkillər çəkmədən dayana bilmədik. Xeyli şəkillər çəkdim. Bəzilərini sizlərlə də paylaşmaq istədim.

Mənimçün çox maraqlı, həyəcan verici bir təcrübə oldu. Deyirəm da, mən yol insanıyam. Yollar mənim evim... :)