Soruşmasanız da olar..

Salamlar, Steemit Azerbaijan ailəsi. Necəsiz? Günləriniz necə keçir? Xatırlıyırsınızsa bir neçə post əvvəl " Verdiyimiz suallar" haqqında yazmışdım. Hansı ki, onlar bizim kəmiyyətlə maraqlandığımızın açıq göstəricisi idi.

Gəlin indi də biraz "Verməməli olduğumuz" suallardan danışaq. Əslində daha düzgünün desək vurğulayacağım sualları siz yaxınlarınıza, çox uzun müddət tanıdığınız birinə uyğun üslubda verə bilərsiniz. Uyğun üslubu xüsusi vurğulamaq istəyirəm, çünki həyatın hər anında ən çox fikir verdiklərimdən biridir danışarkən ən düzgün, ən uyğun ifadəni seçmək. Bəzən düşünmədən dediyimiz söz, qarşıdaki insanın bəlkə də uzun zaman ərzində ilmə-ilmə işlədiyi xəyalını yerlə-yeksan edir.

Həyatımız sadəcə yaxınlarımızdan, tanışlarımızdan ibarət deyil ki. Həyatlarını, yaşam tərzlərini, məcburiyyətlərini, istəklərini bilmədiyimiz, daha yeni tanış olduğumuz insanlara yönəltdiyimiz suallarda diqqətli olmaq lazımdır. Bizim çox səthi yanaşdığımız hadisə bir başqası üçün eyni formada ola bilməz. Cavablamaq o qədər də asan olunmayan və ya istənməyən suallar vardır.
Soruşmasanız da olar..
📍Hələ işə girməmisən?
📍Universitet oxumamısan? Niyə?
📍Hələ də ailə qurmayıbsan?
📍Biraz kökəlmisən?
📍Uşağınız olmur, hə?
İnsanlardan hal-əhval bilin, necə olduqlarını soruşun, söhbət tapmırsınız havadan-sudan danışın, başa düşək ki, bəzi məlumatları bilməsək də olar☺️
Belə, dəyərli Steemit Azerbaijan ailəsi, görüşənədək oxuduğunuz üçün, minnətdaram🙏🏻