No Inherit Enemy

Inheritance of enemy na stupidity.
Greetings good people wey gather to read my blog. Wetin I want write today na about people wey dey like to inherit another person enemy as a sign of solidarity.

The truth be say, every wise man dey try everything wey him fit do make him no create enemy for himself talk more of inheriting another person own. If you truly like somebody, work hard to restore peace in the person life and stop to dey multiply the person problems by helping him maintain enemies.

First of all, you no even know wetin make them become enemies. You no know whether na your paddy find trouble, you go just go carry matter wey no concern you for your head. E no good at all. Your paddy fit dey lie give you and you go believe am. If person no do you any evil, no judge or persecute the person just because of wetin another person tell you.

Some people go just hate another person for no reason at all, then them go begin to speak evil against the person so that others go follow dem hate the person. If you come fall mugu follow dem go hate person wey no do you anything, sebi you don see say na stupidity dey worry?

My brothers and sisters ein no make sense at all to carry yourself go inherit another person enemy.

I don write finish for now. I salute una.