Jak Beu To, Kaloen Beu Deuh, Jak Ta #pehtem Lom!

in #aceh6 years ago (edited)

Saleum Rakan Steemit Meutuwah!

hxh0b9r9j5.jpg

Assalammuálaikum warrahmatullahi wabarrakatuh!

Neu jaweub hai saleum, wajeb nyan hukom jih..
Ka leubeh nibak 10 urou hana Uloen Tuwan Peudong Konteh #pehtem saweub na bacut hai nyang pereulee uloen peu bereih. Hana that serius sebeutoi jih, teuma na saja nyou jeh alasan nyang awak droun han that pereulee teupeu, hahaha. Pokok jih meuno, wa urou teuk pih ka final Piala Dunia, ka hana lee bhah gura-gura bak fb, ladom ureung chit ka sasabee geu seumeugah bhah Gubernur. Mumang teuh bak tabaca, macam dum cara ureung peusiblah drou atawa ureung bla.

Boh ka, Nyou niet loen peudong Konteh Jak Ta #pehtem lom saweub Uloen Tuwan pikee, syit pereulee ta tre kiban awak Aceh bak Steemit nyou watee yum SBD hana Menggiurkan lagee bibi dek Steffy, hahahaha. Astaghfirullah, brat meuchap kak nyou rupajih. meuseunda sagai hai... miseu meheut nak ikot konteh nyou, neu baca beu troih akhee beuh.

2zbs8km08v.gif

Peu Konteh Jak Ta #pehtem?

Jak Ta #pehtem na keuh saboih konteh lam Basa Aceh nyang Uloen Tuwan Peugot keu peuseunang atee nak jeut ta meuturi sabee kawom teuh. Konteh awai loen peugot ngon syarat ureung seureuta suwah peugot postingan sesuai ngen bhah surah nyang loen seudia bak maseng-maseng blog geuh. tapi kali nyou loen peugot cara laen, keumeung kalon syit kiban kira-kira minat droun.

Syarat Konteh Jak Ta #pehtem kali nyou

Ureung Seureuta

  • Mandum ureung jeut Seureuta, Han meuceh Aneuk Seurideng

Peu laen Syarat?

  • Komen mantong
  • Neu komen bak postingan nyou, saboh komen utama seubagoe komen seureuta.
  • Asoe Komen lam bentuk Panton atawa caé atra drou bek tuleh ulang atra gob
  • Panyang panton atawa caé ta batasi sampoán 16 Bareh sagai, paleng nit 8 bareh
  • Jeut meubalah panton atawa meutunang caé lam komen
  • Hanjeut vote komen drou tapi jeut vote komen gob miseu galak, bek kriet that keu sabee keudrou teuh.
  • Hana si pakek akun laen jak vote, loen dis aju miseu meunan
  • Bhah komen keu panton atawa caé kali nyou bhah kondisi Nanggroe teuh, pileh salah saboh dari:
    1. Gubernur jidrop lee KPK (jeut syit neu tuleh panton dukongan keu kak ti, inong BW)
    2. Payong Meuseujid Raya
    3. Ureung Jak ek keu Waki lam Pileg 2019
    4. Naseb rakyat oh ji ek yum boh manok ngen yum jeulamei
  • Ka jeut nyan mantong.

Peu Hadiah?

HadiahYum
Steem-bounty2 SBD
DustsweeperStarter pack 0.50 SBD keu 2 drou Ureung Seureuta
Meunang Tunang1 SBD
Meunang Panton/Caé1 SBI
Hiboran1 SBD bagi keu 4 drou Ureung Seureuta

Sponsor Hadiah

Peu Nyan Hadiah SBi, Steem-bounty ngen Dustsweeper?

  1. SBI nyan Steem Basic Income, ureung nyang meunang nteuk meteumeung saboh share/saham SBI yang disponsori lee @el-nailul bernilai 1 Steem. miseu ka na share SBI, tiep postingan droun ji vote lee akun @steembasicincome sesuai yum saham droun sampoe pajan-pajan droun aktif bak steemit.
  2. Steem-bounty nyan akan dibayeu watee akhee dari konteh nyou sesuai dengan jumlah vote nyang loen brie keu ureung nyang layak meunang. bisa jadi mandum ureung akan loen vote dan tapi persentase jih beda-beda. keu leubeh jelaih jeut neu baca how to create a bounty.
  3. Dustsweeper nyan na keuh akun keu vote komen tanyou dumpat mantong nyang yum vote dasar jih minimum 0.001 SBD tapi han jeut vote keudroe, nyang vote suwah ureung laen upvote, miseu ta vote keudrou teuh .. han ji sampoh. jadi adak pih droun cuma na nilai vote 0.001 miseu neu vote comment gob nyang disampoh lee akun nyan, neu teumeung 0.001 SP dudoe. Jadi ureung nyang galak komen bak gob panyang-panyang dan di vote bacut han troih 0.003 akan disampoh lee akun nyan dan droun jeut neu teumeung bacut kureung 0.003 SBD dudoe.

Sampo'an Pajan Konteh nyou?

Mulai Urou Nyou 12/7/2018 sampo'an 18/07/2018

Komen laen kiban?

Miseu neu nak komen, silakan mantong, loen seunang that, akan loen balaih seulama kon lakee vote, hahahaha. Nyang Uloen Tuwan kira seubagoe ureung seureuta na keuh nyang ikot syarat di ateuh nyan. Eek na meurumpok Steem-bounty teuma ureung komen seulaen keu konteh? kemungkenan rayeuk that nyan, kiban meunurot loen hayeu, loen jok lah.

2zbs8km08v.gif

This Is a Comment Contest in Acehnese Language for the Achenese Steemians only, all you have to do is create a poem or lyric about one of 4 themes related to Aceh's situation nowadays, the poem or lyrics shall be an original written by the contestants at least 8 lines and not longer than 16 lines in this post comment section below.

The rewards of this contest includes:

  • 2 Starter pack of @dustsweeper each 0.50 SBD which are sponsored by @thedarkhorse ✌ thank you
  • 2 SBD of @steem-bounty
  • 1 sponsorship share on @steembasicincome for 1 winner (will ad more if anyone would like to sponsor too)
  • 1 SBD for 4 winners each 0.25 SBD
  • 1 SBD for 1 winner who win the contest in contest of poem through comments
  • If you want to participate on sponsorship, you can let me know through the comment section

For more information about @dustsweeper account you can follow and read through this update [Dustsweeper FAQ](https://steemit.com/dustsweeper/@dustsweeper/dustsweeper-faq) and more information about @steem-bounty that running by @knircky you can read [how to create a bounty](https://steemit.com/bounty/@steem-bounty/how-to-create-a-bounty) you'd better check this information about @steembasicincome that running by @josephsavage. if you have any question about it, make sure you read this [Steem Basic Income FAQ](https://steemit.com/steembasicincome/@steembasicincome/steem-basic-income-frequently-asked-questions)


OKMK beuh, Sabah ateuh dukongan Rakan Meutuwah. Thank you, any Upvote and Resteem would be highly appreciated!

r61metb487.gif

Newbies who want to join the #ccc, make sure that you understand and follow the creed that you can find it here >> curation circle creed

Sort:  
Loading...

Allah ta,ala geubagi bagi..
Geubi raseuki kepada hamba..
Contoh uroe nyoe takalon dali..
Lagot serambi perlee berita..

Karna ka jidrop ramee petinggi...
Kasus korupsi kaji periksa..
Mulai beuklam ka meunan dali..
Dijak polisi dengon KPK...

Narit si tiyong galak meu tiru
Narit tan haru hana lom guna
Narit si carong chit hana rancu
Narit nyak bungsu peuturot beuna

Bila meu jika dali meu baki
Bak buet korupsi han pue ta peukra
Awai ngon dudoe akan terbukti
Pue lom nek waki hana geu bila

Udep si uroe didalam donya
Beuna meuguna keu asoe nanggroe
Daripada tanyoe jidrop le kapeka
Udep sengsara rasa meubagoe

Steemian di jawa na mbak cici
Steemian di idi tgk lamkote nama
Steemian laen na sidroteuk lon turi
Steemian sigli munawar 87 yang kha

Ureung nyan ban 3 ulon neuk peuturi
Calon keu waki bak istana Raja
caleg lam steemit lon neuk peumeuri
pue keuh ureung droneuh ban 3 na seureuta?

Steemian Aceh kon cuma lhee droe
Lam tiep-tiep sagoe ramee nyang jaya
Bek that neu rawi haba neu pujoe
Kareuna kamoe kon aneuek raja

Kamoe ban mandum aneuek seurideng
Meukali bangkeng hana soe kira
Meupeugot postingan tan soe keureuleng
Beu sampoe juleng hana trouh kada

Watee kompanye mameh that bibi
Pileh pang nanggroe nyang ka na bukti
Away na ji pareksa seubagoe saksi
Jinou ka gob nyan ka rhoih korupsi

Oh ka rhap pemilu chit ka na raseuki
Keu awak cetak spanduk ngon tukang surak
Watee teupileh tuwoe keu janji di teungku waki
Ladom timses duek keudroe teusangak-sangak

na lagoe bahan bk cutnyak??

Pakon hana teuma😉 tanyou peu muree musti na bahan lah, teuma meunyo mandum loen tunang.. so cok hadiah?

oow..ya sit!!!

Raseuki Allah bri ta jaga beugot
bek mandum ta rot hana pike keu dasya
Raseuki yang haleue nyan keuh yang get
nyan yang geuridha le Allah ta 'ala

Haleu ngon hareum bek jampu lawok
bek oh uroe geu sudok dalam nuraka
Bek peng korupsi nyan pih ta cok
oh saboh saat ji sawok buet KPK

Ji ikat jaro gaki lam peunjara ji culok
nyan baro teulah hana le guna
Buet ka leupah hana pat elak
atra nyan buet galak peuturot hawa

Donya ka akhe jinoe ka meuri
kadeuh dum dali takalon nyata
Meuseunoh seunoh bak calon keu waki
meu iri deungki seusama syedara

Abeh aneuk itek ngen aneuk keubiri
demi ji neuk ek keu waki publoe dum hareuta
Ji peungeut dum rakyat meuribee janji
oh jih jeut keu waki ji buka lapangan keurija

Oh ban ka lewat jih keu waki
ji wet wet gaki keu rakyat hana le ji kira
Janji yang dilee ka jipeu basi
yang peunteng keu pribadi droe jih beu kaya

Oh troh KPK nyan baro jithee droe
jidrop bak jaroe ji pasoe lam cintra
nyan ban cara baro ka mangat asoe
oh watee meunoe ka meunyesai teuma....

saleum meuturi dari @bigbos99 bersama @fauzan11

Dikota petro dolar lhokseumawe.

Loading...

Jroih.. ta kaloen nteuk so tem meu tunang ngon panton nyou.sabah👏

ta jak u lampoh pula bak kacang,
ta jak u blang padee tapula,

nibak malam nyoe hate loen bimbang,
pikiran mumang hana ceuria ,

dalam panton nyoe haba loen sayang,
ngon peurasaan lon tuleh kata,

keu sidroe ureung yang that loen sayang,
kadang dek intan na lam anggota, ,

Menyoe na ta tabaca pantoen cut abang,
ta balah rijang wahe adinda,

Mnyoe memang adoe gaseih ka leukang, ,
peugah hai intan bek meunan cara,

uloen sadar droe kon ureung seunang,
rupa tan tampan ganteng pieh hana,

meunyeo di adoe na laein cut bang,,
rela loen tuan asai na haba,,

Bereih2... adak loen carong meu panton.. ka jeut ta meutunang bhah nyou😁

Thanks atas support nya

Kru seumangat rahmat Tuhan bri
Hate nyang suci beu get ta jaga
Panton neu peugot indah han sakri
Keu sinyak dek ti hate lam mala.

Sya-e meu atou meususon banja
Tanda digata bereh bak haba
Sayang teuh bacut kureung neu jaga
Kureueng seuksama ngon syarat tema

Judol geupeuget le cicisaja
Na peuet boh tema nyang jeut seureuta
Suwah neu pikee seusuai tema
Bek ji plueng haba sayang that raya

Bak 3 thon janji'lon intat peuha,
Ta anggok gata'senyuman indah,
Minat ta meuduek'lam saboh betra,
Hudep derita'hana masalah..

Suci lam puteh'gaseh ulon ba,
Demi dek cinta'payong beu teuhah,
Hana arti lee'janji lam haba,
Di ujong cita'hajad meu siblah..

Adak pih susah'hana meu daya,
Mungken dek gata'laen po asah,
Adak meucupet'laen useha,
Semoga dinda'hudep beu cerah..

Cuma nyan madu'beugot tajaga,
Walau pemuda'laen yg gagah,
Sibarang meukhop'cukop meu harga,
Sampoe trok masa'beu got takeubah..

Peu phoun keulai keumusoe rasa
Miyup bak pala dara meudoa
Adak pih meujan thoun dalam asmara
Meunyou kon judo hana pue kira

Udep geutanyie di dalam donya
Kalheueh geu rika le po rabbana
Langkah ngon judi peuteumuen gata
Ka lheuh geutuleh seugohlom masa

Kru seumangat hai aneuek nanggroe
Pucok bak limo layee ka mala
Hana pu ta preh nyak dara sidroe
Mita geulantoe nyang ceudah rupa

Ta mita saboh lagee buleuen trang
Beu ta peurijang meusandeng dua
Nek neumita nyang lagee ija krang
Hate neuh bimbang si umu masa

Loading...

Na lon dengo ureng kabari
Ideh cot idi rame anek dara
Na yang pagah lagak hana hi
Sang biadari penghuni syurga

Bacut lon pagh wahe rekan loen
Jinoe lon hadir kenek lon puja
Sang sidara cukop that tari
Menyoe jet lon turi ureng jih teka

Pe kaleh tamat beut
kitab bajuri kemodal diri
wate lam rumoh tangga
Kadang glom jet masalah mecuci
Payah ne peturi hukom agama.

Kajet keuh euh nyoe haba lon hai rakan
Bentuk dukungan kagata dua
Mnyoe na slah haba lon tuan, pemeah berijang wahe cekdara.
Salam dari Aceh Utara

Bek galak that meuturi ngen dara jioh
dara di sampeng rumoh galom na soe tanda
Adak jeulamee hana payah meuhai
bah pih jih bangai cukop setia

Adak rupa jih lagak tari meuleumpah
ureung jih peuramah mameh that haba
Meunyo masalah maguen hana pue sangsi
madum kuwah kari mangat that rasa

Puelom kuwah pliek ban saboh gampong ka jithee
baro ta com bee ka teuka hawa
Sosoe yang pajoh payah lieh singkee
meusikrek gule hana teusisa

Cuma ureung jih sagai na bangai bacut
saweub yoh ubit hana si kula
Tapi menyo akhlak cukop seumateh
pupue yang ta peugah nyan hana dawa

pane teuman dawa bak ureung bangai...
haaaaaa kwkwkwkww..

leupah lon sayang lon kalen abi
mita raseuki dalam uro kha
leupah lon sayang keu bang wandi
ka ji beureukah jaro gaki oleh kapeka

kak darwati sedikit iri
geudengo bang wandi meunikah siri
kiban teupeugot teuman kak ti ka luheh bibi
meureumpok yang tari bulat ube boh giri

Oman... na bacut menyinggung perempuan nyou 😊

Ladom na nyang klik ladom gembira
Ureueng meurika gabuek jeut sagoe
Bak gara-gara saboh berita
Di cok le kapeka sang ulee nanggroe

Hana pue seudeh haba pue bimbang
Hukom ta pulang bak aparat neugara
Salah ngon beutoi kana nyang peutimang
Bek jeut keu mumang lam mara mala

Assalamualaikom,phon phon that ulon brie saleum keurakan rakan ban bandum baik droneuh agam maupun inoeng khusus jih keurakan rakan yang na baca komentar nyoe teunte jih karna meunye ureung hana baca pu tabrie man karna hana geuteupu na tabrie,jadi jino lon neuk ikot kontes pehtem yang geupeuget le cut putroe @cicisaja karna meunurot long rasa hadiah jih cocok untuk nyo kontes karna peugah haha bahasa aceh ken that mudah syit nyan but teuh si uroe uroe cuma yang hek bacut bak na geuboh judul menye hana mangat lom,jadi karna karna judul kaleuh getentukan tinggai tapileh salah saboh jino long akan long pileh judul Menye jeulame jiek yum karna long golom kawen manteng pike keu jeulame untuk long peuget saboh pantun karna meunye long peuget lam bentuk ca'e hana that long tu'oh,jadi nyo meunye panton jih hana get bek neukheun sapu karna yang mudah peugah haba bahasa aceh meupanton hana mudah.:


"Oh tapike keukawen mangat meuleumpah Tapi that sosah jeulame bak tamita Oh tapike keugadih jeulame jih limong blah Na can ta peuleupah ngen inoeng janda Di cut adek cukop mangat bak dipeugah Cut bang neulangkah nujak ba tanda Oh lheuh nibak nyan na abang yang sosah Meureuoh reuah poe umalaya Di yum jeulame ho siuroe ho meutamah Alamat meuramah yang muda muda Can suwah pajoh bu ie mon keu kuwah Mangat troh hajat keumalam pertama Yang dara dara peugah dek bak ayah Jeulame neuyu peugah seuala kada jeulame meuhai abang dek that sosah Bek sampe suwah peuleupah ngen inoeng janda.
Nyankeuh bacut panton teuntang nasip rakyat meunye yum jeulame jiek nye ken reuoh reuah kakeuh peuleupah ngen janda. Kiban meunurot gata..???

Alahai aduen panton that indah
Leupah that ceudah sang aneuek dara
Adak neu edit kalimat beu pah
Leubeih lom ceudah panton lon rasa

Nyan jelass,kakeuh jeut lage nyan ju ile..

Man miseu janda lagee nikita mirzani ek ji tem kureung dari limong blah teuma? 😂

Nyan hom,nye janda lam nanggroe biasajih item.

I have the Dust Sweeper starter packages covered for you. Best of luck with the contest.

Transfer | 1.000 SBD | To: @cicisaja 11:16
From @thedarkhorse
To @cicisaja
Amount 1.000 SBD
Memo 2 Dust Sweeper Winners

Thank you so much @thedarkhorse 😊 really appreciate that

No problem, glad to help out.

Loading...
Loading...

Bereh that lagoe cara neu suson
Lagee boh sukon masak di cong bak
Adak pih ulon galak meupanton
Han jeut ta ikot hate sep palak

#Pehtem kali nyoe kali keu dua
Ulon seureuta seubagoe janji
Lon harap ramee beu le peserta
Supaya bek mala hatee nyak cici

Vote ngon resteem ulon peusigra
Sebagoe tanda ka ta mulai
Akan ta cuba promo segera
Pakriban cara harus ta cari

sabah bang @lamkote, tugaih droun neuh bek tuwo beuh,, neu adu tunang ngon participants miseu na nyang teujeut ikot, miseu hana soe teujeut syit.. berarti memang na masalah ngen reputasi.. hahahaha, sengkiyu ka neu resteem dan surak ho nyang jeut. tanou useuha.. urosan hasee memang tergantung bak ureung nyang seureuta, hadiah na ta seudia, hana ureung hawa.. hanjeut ta paksa.. hahahha

Ka bereh nyan, asai na ongkoh tunang ta hambo laju.
Hahahaha..
Nyo mantong diluwa, enteuk watee lon duek di rumoh lon promo bak padum2 boh discord.
Ta meulakee kalinyoe beu ramee nyang ikot, ka lagee nyoe mudah hana ditem ikot, nyan hana ta tu'oh peugah le.

na aboih teuk nyang leubeh mudah.. "lomba foto flower beautiful" hahahahaha
teunang miseu soal eungkoh tunang... tinggai vote leubeh mantong enteuk, wate rhap akhee nteuk loen bagi bounty keu komentar nyang layak ... adak pih yum jih cuma 0.1, tapi hana jikouh lee.. hahahaha

hana masalah sagai... ta kaloen dilee meupadum urou, tuleh lama basa aceh mantong payah, tingat loen watee pehtem edisi kedua, nyang loen lakee pih mudah.. posting caé atawa pantong, jangeun dan hadihmaja nyang tom geu deungo atau baca.. nyan pih hana so ikot, pakon? hom syit.. loen asik-asik aja.. urosan peudong konteh, seudia hadiah... nyan mantong, hahaha

Sang meunyoe lomba foto flower beautiful yang meunang pasti flower village.
Hahahahaha

Neu bri izin keu lon, singoh #pehtem kalinyoe lon peugot postingan terpisah seubagoe bahan lon sekalian promosi

Highly appreciate😉 tidak pernah menolak bantuan promo dari siapapun, sebab bisa jadi cuma saya yg bikin kontes namun modalnya paling sedikit karena banyak dibantu kawan2 yg baik hati😊 tidak pernah mengharap balas dan terus menerus menyemangati.

Sabah meuluwah.. sukses sabee keu bang munawar!

Coin Marketplace

STEEM 0.36
TRX 0.12
JST 0.039
BTC 70112.96
ETH 3549.99
USDT 1.00
SBD 4.71