Aaj ek train haadsa ho gaya

in accident •  17 days ago

Aap logo ne suna ki nahi aaj Bihar ke Hajipur me train haadsa ho gaya yaha par 11 dabbe train ki patri se niche utar gaye aur kayi logo ki jaan bhi chali gayi. Ye bahut hi dukhad ghatna hai abhi haal hi me dussehra me bhi kuch aisa hi hua tha waha to train logo par hi chadh gayi thi waha bhi kayi logo ki jaan gayi thi abhi uska dukh khatam hua nahi tha aur ye dusra train haadsha ho gaya. 

Ye photo mere dost ne bheji hai wo wahi rahta hai maine ye photo nahi li hai. News to maine nahi dekha lekin uss bande ne kaha hai ki 50 se jyada logo maare gaye hai. Train ki patri niche aa gayi thi aur train speed me chal rahi thi. Rail mantri piyush goyal ne kaha hai jo log maare gaye hai unke parivaar waalo ko 5-5 lakh rupya diya jaayega aur jo log jakhmi huye hai unke pariwar waalo ko 50 hazar rupya diya jaayega. 

Paise to diya jaayega lekin unki jaan chali gayi uska kya yaar. Itne log bechaare bemout maare gaye. Wo train delhi jaa rahi thi aur jaise hi Hajipur tak pahuchi thi ye haadsa ho gaya. Bahut dukhad ghatna hui hai yaar sun kar bahut dukh ho raha hai aisa hota hai to sala train me safar karne me bhi darr lagta hai. Ab kaise safar kare log train me bhi khatra gaadi me bhi khatra aur plane me bhi khatra hi hai. 

Ye dekhiye kuch aur tasveere dekh lijiye accident ki

Authors get paid when people like you upvote their post.
If you enjoyed what you read here, create your account today and start earning FREE STEEM!