ည

photo credit - google image

"ဘုတ် ဘုတ် ဘုတ် ဘုတ်"
(အိမ်ရှေ့ဆိုင်ကယ်ရပ်သံ)
"အထွန်းရေ ကျေးဇူးပဲကွာ သီတာ့ကိုလိုက်ပို့တာ ဂွတ်နိုက်နော်အထွန်း"
"ရပါတယ်ကွာသီတာကလဲအတွင်းသိအဆင်းသိတွေတောင်ဖြစ်နေပြီပဲကွာ ဟင်းဟင်း"
"ဘိုင့်အထွန်း"
"ဘိုင့် သီတာ"
..........................................................................................
"သီတာ"
"ပြောကိုမြင့်"
"ဘယ်ကပြန်လာလဲ"
"အပြင်ကပေါ့ကိုမြင့် ဘာလို့လဲ"
"အပြင်ကတော့သိတာပေါ့ကွ မင်းဘာလုပ်ပြီးတော့ပြန်လာလဲမေးတာ"
"သိချင်လား..သိချင်ရင်ပြောပြမယ်။ကျွန်မဒီခြံနဲ့ လယ်တွေကိုသွားရောင်းတာ"
"ဘယ်သူ့ခွင့်ပြုချက်နဲ့မင်းကသွားရောင်းတာလဲ"
"ရှင်ခွင့်ပြုနေမှလား ရှင်ခွင့်ပြုတာစောင့်နေရင် ကျွန်မဒီတစ်သက်ရောင်းရမှာကိုမဟုတ်ဘူး"
"ရှင်ကရောင်းမှာမှမဟုတ်တာ။ဒါပဲနော် ကျွန်မ တောမှာမနေနိုင်ဘူး ဒါတွေအကုန်ရောင်းပြီးတော့မြို့မှာသွားနေကြမယ်။ရှင်ရော သားရောလိုက်ခဲ့ရမယ်။"
"မင်းလုပ်ချင်တာလုပ်လို့မရဘူး ငါမလိုက်နိုင်ဘူး"
"လိုက်ရမယ်ကိုမြင့်။ကျွန်မတိုးတတ်ချင်တယ်။ရှင်နဲ့သားနဲ့အေးဆေးနေလို့ရတယ်။ကျွန်မသူငယ်ချင်းနဲ့အထည်ဆိုင်စပ်တူဖွင့်မယ်။ကျွန်မရှင်တို့သားအဖကိုရှာကျွေးမယ်။"
"ပြီးတော့မင်းကနောက်လင်ယူမယ်ပေါ့ သီတာ။ငါမသိဘူးထင်နေလို့လားမင်းသူငယ်ချင်းဆိုတဲ့ကောင်ကို"
"ရှင်မဟုတ်တာတွေမပြောနဲ့။ဒါအလုပ်သဘောအရတွဲရတာရှင့်"
"မင်းတို့အလုပ်သဘောက ဆိုင်ကယ်တစ်စီးနဲ့ ခါးဖက်ပြီးလေညှင်းခံတာကိုပြောတာလား ဟားဟားဟား"

photo credit - google image

ဒါကအဖေနဲ့အမေနဲ့ ပြောနေတဲ့စကားတွေ။အဖေက လယ်သမား။ခုအမေက ကျွန်တော့်ရဲ့ဒုတိယအမေ။အမေအရင်းက ကင်ဆာနဲ့ဆုံးသွားတာ ကျွန်တော် ၇တန်းမှာ။ခု ကျွန်တော်က ၁၀တန်းစာမေးပွဲဖြေထားတာ။ခုပြသနာက ကျွန်တော့်မိထွေးကတောမှာမနေချင်ဘူး မြို့မှာနေချင်တယ်။အဖေကလဲမြို့မှာမနေချင်ဘူး လယ်ပဲလုပ်ချင်တယ်။မြို့မှာလဲအဖေကမလုပ်တတ်ဘူး ဘာလုပ်လို့လုပ်ရမှန်းမသိဘူး။ဒီပြဿနာကတစ်ရက်ခြားလောက်ဖြစ်နေကြတာ။
ကျွန်တော်လဲမြို့မှာမနေချင်ဘူး။ကျွန်တော်တို့အိမ်ကအေးချမ်းတယ် လယ်ထဲမှာ ဘာမှပူပင်စရာမရှိဘူး။ မိထွေးကငွေရှိချင်တယ်။အဖေကအေးအေးချမ်းချမ်းပဲနေချင်တယ်။ငွေတအားမမက်ဘူး။လယ်၁၅ဧကကို ကျွန်တော်နဲ့အဖေ နဲ့လုပ်တာ အားလုံးအေးချမ်းပါတယ်။ခုမိထွေးကလဲကျန်တဲ့ပြဿနာတော့မရှိဘူး။ကျွန်တော်နဲ့လဲတည့်တယ်။ခုလောလောဆယ်တော့အဖေနဲ့မတည့်ဘူးပေါ့လေ။ကျွန်တော်တို့အိမ်ကလယ်တွေရဲ့နောက်မှာ ဘယ်သူမှတကူးတကမလာဘူး။တိတ်ဆိတ်တယ်။ခုရန်ဖြစ်နေကြတာလဲဘယ်သူမှမသိဘူး။ကျွန်တော်တို့သုံးယောက်ပဲကြားတာ။အင်း..ကျန်တာတော့နွားတွေလဲကြားတယ်ခွေးတွေရောပေါ့လေ။သူတို့ကတော့လူစကားနားမလည်တော့ အစာပဲစားနေကြတယ်။ခက်တာကကျွန်တော်ပဲ။တော်တော်လေးနားညည်းနေပြီဒီပြဿနာက။တော်တော်နဲ့လဲပြီးမှာမဟုတ်ဘူး။မိထွေးကတော့အိတ်တစ်လုံးယူပြီးပြန်ထွက်သွားပြီ။

photo credit - google image

"သားမိုးဇော်"
"ဟုတ်ကဲ့အဖေ"
"အဖေ့ကိုတစ်ခုကူညီစမ်းပါ"
"ပြောပါအဖေ"
"ညကျရင်လာခဲ့ အဖေ့အခန်းထဲကို အဖေအချက်ပြလိုက်မယ် တံခါးသုံးချက်ခေါက်လိုက်တာနဲ့သားအထဲဝင်လာ"
"ဟုတ်ကဲ့"
"ဘာသံမှမထွက်စေနဲ့သား"
"ဟုတ်ကဲ့ပါအဖေ"
"အဖေခိုင်းတာလုပ်ပေးဒါပဲ သေချာပါစေနော်ငါ့သား"
"ဟုတ်ကဲ့"
....................................................................................................................

photo credit - google image

ည........လကြီးကပြည့်ပြီးတော့သာလို့
တိတ်ဆိတ်လွန်းတဲ့ညပါပဲ။
အဖေဘာများခိုင်းမလဲတွေးရင်းအဖေနဲ့မိထွေးအိပ်နေတဲ့အခန်းအပြင်မှာလှဲနေတာကျွန်တော်။
ည ၁၁ နာရီထိုးနေပြီ ဘာသံမှမကြားရ။
ကျွန်တော်လဲအိပ်လို့မပျော် တံခါးခေါက်ရင်မကြားမှာစိုးတာရော အဖေ့ကိုငယ်ငယ်ထဲကကြောက်ရတာရော။
ဟူးးးးးးးးးးးး
ကျွန်တော်သက်ပြင်းတွေပဲချနေမိတယ်။
လက်ကနာရီကိုကြည့်လိုက်တော့ ၁၂နာရီထိုးပြီပဲဘာလိုလိုနဲ့။

"ဒေါက် ဒေါက် ဒေါက်"
တံခါးခေါက်သံနဲ့အတူ အဖေ့အိပ်ခန်းတံခါးကပွင့်လာတယ် ဖြေးဖြေးလေးပဲ အကုန်တိတ်ဆိတ်နေတယ်။
မိထွေးကတော့ကုတင်ပေါ်မှာ။
အဖေကအေးနေတာကိုချွေးနည်းနည်းစိုနေတာတွေ့တယ်အဖေ့မျက်နှာမှာ။
ကျွန်တော့်ကိုခေါင်းအုံးတစ်လုံးပေးတယ်။
ကျွန်တော်လှမ်းယူလိုက်တယ်။
အဖေကမျက်ရိပ်ပြတယ် မိထွေးရဲ့မျက်နှာပေါ်ကိုအုပ်ပြီးဖိထားဖို့။
အိုးးး..ကျွန်တော်လန့်လိုက်တာဗျာ ဒူးတွေပါတုန်လာတာ။
အဖေကမြန်မြန်လုပ်ဆိုပြီးတော့မျက်နှာရိပ်မျက်နှာကဲနဲ့ပြတယ်။
မလုပ်လို့ကလဲမရ။ကျွန်တော်မိထွေးအပေါ်ကိုတတ်ခွလိုက်တယ် ပြီးတော့ခေါင်းအုံးနဲ့မျက်နှာကိုဖိလိုက်တယ်တစ်ကိုယ်လုံးအားနဲ့။
မိထွေးကျွန်တော့ပုခုံးလက်တွေကျောတွေနေရာအနှံ့လိုက်ကုတ်နေတယ် ဖျင်းခနဲဖျင်းခနဲ စပ်လိုက်တာ။
အဖေကသူ့မိန်းမလည်ပင်းကိုညှစ်တယ်အားကုန်။
မိထွေးတစ်ယောက် တဖြည်းဖြည်းနဲ့ကုတ်အားတွေလျော့လာတယ်။
အောက်ခင်းထားတဲ့စောင်တွေတွန့်ကြေ။
ရိုက်ခတ်သံတွေတဖြည်းဖြည်းတိတ်ဆိတ်သွားတယ်။
မိထွေးလက်တွေလဲပြုတ်ကျပုံရက်။
အရာအားလုံးခနလေးပါပဲ။အလွန်ဆုံးငါးမိနစ်။
မိထွေးသေပြီ။အဖေကကုတင်ဘေးဘောင်မှာ ခနနားရင်း ဖက်ကြမ်းဆေးလိပ်ကိုသောက်နေတယ်။
အရာအားလုံးပြန်လည်တိတ်ဆိတ်သွားတယ်။ကျွန်တော်လဲဖြစ်ပျက်သွားတာတွေကိုကြောင်တောင်တောင်နဲ့ဖြစ်နေရင်းပဲခုထိ။
အရာအားလုံးပြန်လည်ငြိမ်သက်။
တစ်သက်မမေ့နိုင်တဲ့ညပါပဲ။
"သားခနနားလိုက်အုံး။ပြီးရင်ဒီအလောင်းကိုရှင်းမယ်"

ဆက်ရန်......................

Author :zarmanizawlinn

MSC-210
@zarmanizawlinn
https://steemit.com/@zarmanizawlinn