Peureute Steemit

Asai gamba: https://www.britannica.com/topic/war

Nyo haba Tuwanku Raja jeut neupateh jeut han. Galak-galak gata. Udep lam Steemit nyo nakeuh rab saban lage udep lam politek. Lam steemit na peurte sit. Na peurte nyo na peurte jeh. Lage lam nanggro, sabe-sabe peurte nyo tetap dimeudawa. Yang blahno peugah beutoi droe, yang blahdeh pih meunan, peugah ata dro yang beutoi. Panena teuman ureung jak peugah leumo droe ciret, pasti leumoh gop yang ciret meu pr'et-pret.

Lawetnyo pasti na neukalen keudro awak meudawa bak steemitnyo. Nyan awak nyan hana meuphom pu steemitnyo. Adak meudeh pu dijak meudawa, na yang sampe meupake. Nyan kon hanjeut keubut dum. Ka sideh dilua dimeupake, trok bak steemit pih dimeurayaraya su. Hana meupu cap.

Asai gamba: https://aeon.co/ideas/war-once-helped-build-nations-now-it-destroys-them

Nyo amanah Tuwanku Raja keu gata mandum, bek le jak peuget karu bak steemitnyo Nyan enteuh beungeh si @ned meuditop teuk steemit ka payah lih asam sunti mandum. Ka teugak-ngak teuhah babah ube raya. Makajih bek meudawa. Kapeuget laju pu yang mungkin.

Bek sagai-saga beungeh keu gop sabab hana diphoet tanyo. Dijih pih kadang tan so phoet. Pu beungeh teuh keujih. Alheuhnyan bek jak kheun keu gop macam-macam, bek jak peuget reman bak steemit. Meunyo peurle reman sideh di lua. Tanyo bek meuhi aneuk mit, gara-gara eh karet pih kapake.

Nyan na lom yang kheun keu kurator meuno meudeh sabab hana diphoet tanyo, peugah lom kurator diphoet awak drojih. Haaaaaai! Adak miseu gata jeut keu kurator meunan sit. Kapasti rakan dro dile yang neu phoet, pane mungken neujak phoet awak hana neuturi. Tanyo sama mandum akai, teuman ladon golom leumah sagai.

Meunyo Tuwanku Raja jeut keu kurator meunan sit. Kapasti yang diphoet le Tuwanku nyan awak dro dile di istana lagee perdana meuntro, meuntro peng, panglima prang, dan peurumoh raja. Pane mungkin Tuwanku jak phoet ureung hana dituri. Nyan meunan. Gata-gata mandum beujujor lage Tuwanku Raja, hana meujak som-som, meupeugah laju lageena.

Teuman di Teungku Kurator pih adak jeut geupaduli sit bacut ke mandum awak steemitnyo nak saban-saban tanyo maju. Pu hek teuman meutaphoet, puna payah takhanduri raya, tinggai tatakat ju phummm kalheuh.

Kajeut ile, Tuwanku nak jep kupi dile bek pungo. Meunyo pungo teuh mandum nyan ka meuramah.