Siyang hindi na sinikatan ng araw - IKa-apat na Bahagi

Souce

Hindi pala ako masaya. Hindi pala ito masaya! Ang dating masayang tahanan natin ay isa na lamang bahay. Isang gusali na kung saan narito lang tayo para magpahinga, matulog at magkaroon ng isang lugar na tutuluyan sa gabi at tag-ulan.

Ang ingay ng ating hagikhikan ay napalitan ng katahimikan.

Tama, pagkabukas na pagkabukas ng iyong silid hihingi ako ng kapatawaran sa lahat ng mga nagawa ko. Sa mga panahong panay sakit lang ang binigay ko sa iyo, sa bawat pagkukwento mo na hindi ko pinakinggan, sa lahat, salahat ng bagay. Sana hindi pa huli ang lahat at ang naiisip ko ay hindi sana totoo.

Nakita ko din sa wakas ang susi ng iyong silid! Mula sa tambak ng mga larawan at mga alaala na aking tinago at kinalimutan.

Hindi ko man aminin, parang nahihiya ako kay Berto sa tuwing papasok siya sa aking silid, puno ito ng mga alaala natin na ayaw kong makita niya kaya't ang lahat ng iyong larawan at bagay na nagpapa alala sa atin ay aking itinago.

Nilakad ko ang daan papunta sa iyong silid, ang bawat hakbang ay parang napakabigat at napaka bagal. Iba ito sa paglalakad ko noong mga nakaraang araw. Parang napakalayo ng iyong kwarto ngunit hindi naman talaga sa totoo.

Sa wakas nasa harap na ako ng iyong pintuan, kinakabahan parin ako. Nagkapalit na ang posisyon natin. Nakakatawa lang kasi noong mga nakaraang araw ganitong ganito tayo.

Ikaw ang nasa may pintuan ng aking kwarto, nagtatanong kung kumain na ako at nag-aaya ng kwentuhan pero ako nakahiga sa aking kama kaharap ang cellphone at nakikipag telebabad kay Berto.

Nahihiya na ako ngayon sa iyo. Iyon din ang dahilan kung bakit di ko na napansin ang iyong pagdating kagabi. Pero handa na akong tanggapin ang lahat. Kahit magalit ka, saktan mo ako, murahin mo ako tatanggapin ko iyon. Kung sabihin mong ipalaglag ko ang batang nasa aking sinapupunan gagawin ko mapatawad mo lang ako sa mga nagawa kong kasalanan sa iyo.

Ipinasok ko ang susi sa lock ng pinto at unti-unti kong binuksan ang iyong silid. Laking takot ko nung nakita na mayroong dugo sa sahig.