Missing 2023 🎬🍿
Missing කියලා කියන්නේ 2023 ජනවාරි වල release වුණ ආකර්ශනීය ත්‍රාසජනක චිත්‍රපටයක්. ඒක ආරම්භයේ සිට අවසානය දක්වා mystery/thriller ගතිය ඒ විදියටම ලබා දෙනවා. චිත්‍රපටයේ අධ්‍යක්ෂකවරු වෙන්නෙ Nicholas D. Johnson සහ Will Merrick. ඔයාලා 2018 දී ආපු Searching ෆිල්ම් එක බලලා තියනවද? Missing, ඒකෙ sequel එකක් විදියට තමයි නිර්මාණය වෙලා තියෙන්නේ. මේ ෆිල්ම් එක mystery genre එකේ නැවුම් බවක් ලබා දෙන, සැකයන්, කුතුහලය සහ අනපේක්ෂිත සිදුවීම් සහිත rollercoaster සවාරියක්.
මේකෙ කතන්දරය ගැන කතා කළොත්, ප්‍රධාන චරිතය June. එයා ජීවත් වෙන්නේ අම්මත් එක්ක. June දන්න විදියට තාත්තා June චූටි කාලෙදි නැති වෙලා. ඉතිං, June ගේ අම්මා Grace එයාගේ අලුත් පෙම්වතා Kevin එක්ක කොලොම්බියා වල vacation එකකට යනවා. Kevin, නිවාඩුවේ ගන්න photos Juneටත් එවනවා එයාලා හොඳින් ඉන්නවා කියලා පෙන්නන්න. නිවාඩුව ඉවර වෙලා Grace සහ Kevin එන දවසට airport එකෙන් එයාලව ගන්න June වෙලාවට එතෙන්ට යනවා. ඒත් එයාලා ආවේ නැහැ. June ට තේරුම් යනවා එයාගේ අම්මා අතුරුදහන් වෙලා කියලා.
මේ ෆිල්ම් එකේ interesting දේ තමයි මුළු ෆිල්ම් එකම පෙන්වන්නේ found footages වලින්. සාමාන්‍යයෙන් මම found footages movies බලන්න කැමති කෙනෙක් නෙමෙයි. ඒත් Missing සහ Searching ෆිල්ම්ස් දෙකටම මම කැමතියි. කොහොමහරි, June එයාගේ අම්මාව හොයන්න පටන් ගන්නවා. කොලොම්බියා වලදී මේක සිද්ධ වුණ නිසා වැඩේ අමාරු වුණත් June, එයාගේ computer skills සහ online tools යොදා ගෙන Grace ට වුණේ මොකක්ද කියලා හොයන්න පටන් ගන්නවා. මුකුත්ම හෝඩුවාවක් නැතුව හෙම්බත් වෙලා ඉද්දී එයා Kevin එවපු photos ආපහු බලනවා. එතකොට තමයි June ට තේරෙන්නෙ ඒ photos වල Grace ගේ මුහුණ පේන්නේ නෑ කියලා, ඒ ඉන්නෙ Grace නෙමෙයි වෙනත් කාන්තාවක් කියලා, Grace එදා කොලොම්බියා වලට ගිහින්වත් නැහැ කියලා!
නවීන තාක්ෂණයත් එක්ක කරන්න පුළුවන් දේ බලන්නකෝ. අපි දෙන්නා නම් මේ movie එක ගොඩක් enjoy කරා.
Matat me movie eka balanna asa hithuna dn.