හෙටක් තියේවිද මන්දා 🥀
"ජීවිතය සෑම මොහොතකම වෙනස් වෙනවා
සමහර විට ජීවිතය සෙවනක් වන මුත් විටෙක එය හිරු රශ්මියක් වෙනවා
සෑම මොහොතකම, ජීවිතය සම්පූර්ණයෙන් භුක්ති විඳින්න
මොකද, හෙට ඔබට අද මෙන් කාලය නොතිබෙන්නට පුළුවන්"
Screenshot
එකපාරටම මෙහෙම කිව්වම ඔයාලා බලනවා ඇති මේ මොකක්ද කියලා. ඒකේ ලස්සනට පද පේළි ගලපලා කවියක් වගේ ලියාගන්න බැරි වුණ එක ගැන කණගාටුයි. මේක මගේ ප්‍රියතම ගීතයක්. ඒ කටහඬට වගේම තාලෙටත් මම පුදුම විදියට ආස කරනවා. ඒ සියල්ලටම වඩා මම ආස කරන්නේ ඒ ගීතයේ පද පේළි වල තියන අර්ථයට.
මේ ගීතය තමයි Kal Ho Naa Ho. එතකොට මේ ගීතය ඇතුළත් වෙන්නෙ 2003 වසරේදී තිරගත වුණ Kal Ho Naa Ho චිත්‍රපටයේ. මේක තමයි ඒ චිත්‍රපටයේ Title track එක. චිත්‍රපටය බලපු කෙනෙක්ට දැන් නම් ඒ ගීතය මතක් වෙනවා ඇති ඒ කටහඬ, තාලෙත් එක්කම. ඒ හිත නිවන කටහඬ අයිති සෝනු නිගම්ට. ඒ වගේම ඒ පද පේළි Javed Akhtar ගේ.
මම මේ චිත්‍රපටය ඉස්සෙල්ලම බැලුවේ film hall එකේ. හැබැයි ඒ මට තේරෙන වයසකදී නෙමෙයි. කොහොම වුණත් ඒකේ අවසානේ හරිම දුක හිතෙනවා කියලා නම් හොඳට මතකයි. ඒ වගේම ලස්සන සින්දු ටිකකුත් තිබ්බා කියලා මතකයි. TV එකෙත් මේක කීප වතාවක් පෙන්නුවා වගේ කියලා මතකයක් තියෙනවා. කොහොම වුණත් ඒ එක වතාවකදීවත් මේක ආයේ පාරක් බලන්න ඉඩ ලැබුනේ නෑ. ඉතින්, කාලයක් තිස්සේ ඉඳලා මේක ආයේ පාරක් බලන්න ඕනකම තිබුණ නිසා download කරගත්තා.
කතාව බලාගෙන යද්දී තැනින් මතක තිබුණ කොටස් එකින් එක එකතු වෙද්දී කතාව ටික ටික මට මතක් වෙන්න ගත්තා. හිනාවෙන්න අමතක වෙලා තිබුණ Naina ටත් එයාගේ පවුලේ අයටත් කොහෙදෝ ඉඳලා ආපු සුර දූතයෙක් ආයේ හිනා වෙන්න පුරුදු කරා. ඒ තමයි Aman. තනි වෙන්න හදපු Naina ගේ ජීවිතේට ආදරයක් හොයලා දුන්නෙ Aman. හැමෝටම හැමවෙලේම සතුට ගෙනත් දීලා හැමෝගෙම ජීවිත වලට එළියක් ගෙනාපු Aman ට දෙවියෝ ද්‍රෝහී වුණා. එයාට ජීවිතේ වැඩි කාලයක් ඉතුරු වෙලා තිබුණේ නෑ. Naina ට කෙටි කාලෙකට හමු වෙලා ඇය කෙරෙහි ආදරයක් ඇති වුණත් ඒ ආදරයත් Rohit ට පරිත්‍යාග කරලා Aman අන්තිමට හැමෝගෙම හිතේ මතකයක් විතරක්ම බවට පත් වෙලා හැමෝවම දාලා යනවා. චිත්‍රපටය බලලා ඉවර වෙද්දී මමත් දන්නෙම නැතුව ඉකි ගගහා අඬන්න පටන් අරන්. නළුවෙක් විදියට සාරුක් මහත්තයට අපිව අඬවන්න තියෙන්නෙ මහ අරුම පුදුම හැකියාවක්නේ ඉතින්.
මේ ලැබිලා තියෙන ජීවිතය උපරිමයෙන් විඳින්න. මේ ජීවිතේදි ලැබිලා තියන දේවල් උපරිමෙන් භුක්ති විඳින්න. යන කාලේ ආපහු එන්නෙ නෑ ගන්නත් බෑ. ඒ නිසා හැම මොහොතෙම හිනා වෙලා සතුටින් ඉන්න බලන්න. කවුද දන්නේ හෙටක් තියේවිද කියලා! 💫
Mamath asama sinduwak tamai Kal Ho Naa Ho. nama mathak karaddith melody eka hithe auto play wenawa 💕