Filipino Poetry. "Liwanag"

Sa kadiliman ng langit

Walang araw na masisilayan

Mga pangarap na nais makamit

Na wari'y ayaw pagbigyan

Doon sa di kalayuan

May mag-asawang lugmok sa hirap

Bahay na puno ng pagmamahalan

Kapisan ang nag-iisang anak

Anak nilang may angkin yaman

Yaman sa pagmamahal ng mga magulang

Talento ng katalinuhan

At walang pag-aalinlangan

Bigkas ng anak sa mga magulang

"Ama at ina hayaan nyong ako naman.

Kadiliman ng langit ay aking hahawiin,

Upang liwanag ng araw ay ating masilayan."

Mumunting tula na handog ko sa mga anak na nagsusumikap maiahon ang buhay ng kanilang mag-anak.

Kung kayo ay may komento at suhestyon hingil sa pagkakagawa at pagbuo ko nitong tula, ito'y aking lubos na ikagagalak na marinig at mabasa. 

Maraming salamat.

-Fey

Ang mga litrato sa artikulong ito ay pagmamay-ari ni @smafey

Halina't tulungan natin si @surpassinggoogle sa pamamagitan ng pagboto sa @steemgigs bilang witness.