ශරීර උෂ්ණත්වය සමනය කරණ ආහාර

අපේ ශරීරයේ උෂ්ණත්වය පුද්ගලයාගෙන් පුද්ගලයාට වෙනස් වන අතර සමහරුනට උපතින්ම ශරීරයේ උෂ්ණත්වය වැඩි වන අතර තවත් සමහරුනට එය පසු කාලීනව ඇති වේ. මෙම ශරීරයේ උෂ්ණත්වය වැඩි වීම අද බොහෝ දෙනෙකුට ඇති ප්‍රශ්නයක් බවට පත්ව ඇත. මෙය රක්ත වාතය, රක්තය එහෙම නැත්නම් රත් පිත වැනි විවිධාකාර නම් වලින් හදුන්ත්වනු ලබයි. නිතර කකුල් පැලෙන එක, දහඩිය දාන එක, හිසරදය, බඩ දැවිල්ල, කකුල් වල තුවාල එන එක වගේ විවිධ රෝග ලක්ෂණ මේ මගින් ඇති වේ. සමහරනට මේ රෝග ලක්ෂණ කිසිවක් නැතත් මගේ මුළු ඇඟම ගිනි ගන්නවා වගේ කියල කියනව අපිට ඇහිලා තියනවා. ඉතින් මේ රෝග ලක්ෂණ වලින් මිදෙන්න බෙහෙත් වර්ග පාවිච්චි කරනවා මෙන්ම ඉතා සුදුසු අහර පාන වර්ග කීපයක් ගැන කතා කිරීමටයි මම අද සුදානම් වන්නේ.

Canva with canva

මින් පළමු වැන්න ලෙස මම ඔබට හදුන්වා දෙන්නේ බෙලි කොළ ගැනයි. බෙලි ගසේ මල්, කොළ, මුල්, පොතු යනාදී සෑම දෙයක්ම ආයුර්වේද වෛද්‍ය විද්‍යාවේ භාවිතයට ගන්නා බව ඔබ අසා ඇති. ඔබ දිනකට කීප වරක්ම තේ පානය කිරීමට පුරුදු වී ඇත්නම් එය නතර කර දැමීම නිසා ඔබට ඔබගේ ශරීරයේ උෂ්ණාධික තත්වය සමනය කරගැනීමට උපකාරී වේ. තේ හෝ කෝපි වෙනුවට බෙලි කොළ තද අව්වේ වේලා කුඩු කර තේ මෙන් පිළියල කර බීමෙන් ඔබේ ශරීර උෂ්ණත්වය අඩු කර ගත හැකියි.

Source

දෙවනියට මම සදහන් කරන්නේ අළු පුහුල් ගැන. අළු පුහුල් නිතර ආහාරයට ගැනීමෙන් ශරීරයේ රුධිරය පිරිසිදු කෙරෙන අතර ශරීරය සිසිල් කිරීම සිදු කෙරෙයි. ඔබේ ශරීරයේ නිතර තුවාල හට ගන්නේ නම් මෙම අළු පුහුල් ආහාරයට ගැනීමෙන් එය සමනය කර ගත හැකියි.

දිය ලබුද මෙවන් දියර සහිත ආහාරයක්. ශරීරයේ උෂ්ණාධික පුදලයෙක් ගේ ශරීරයේ ඇති ජලය ඉක්මණින් දහනය වන බැවින් පුහුල් වගේම දිය ලබුද ආහාරයට ගැනීමෙන් මෙම තත්වය සමනය කර ගත හැකියි. ඒ වගේම වැටකොලු නිතර ආහාරයට ගැනීමෙන්ද ශරීරය සිසිල් කෙරේ. වැටකොළු වල 90% ක්ම අඩංගු වන්නේ ඖෂධිය ජලය වන අතර මේ ජලය නිසා ශරීරයේ රුධිරය පිරිසිදු කර ශරීරය සිසිල් කෙරෙයි.

කොත්තමල්ලි ශීත කෂාය මගින්ද ඔබට ඔබේ ශරීර උෂ්ණත්වය අඩු කරගත හැකයි. කොත්ත මල්ලි රැයක් එළිවන තුරා පෙගෙන්න දමා එය උදේට පෙරා ගැනීමෙන් මෙම කෂාය සකස් කර ගත හැකයි. මෙය උදේට හිස් බඩ පානය කිරීමෙන් ශරීර උෂ්ණත්වය පාලනය කර ගත හැකියි.

තැඹිලි වතුර වලටද ගත සිසිල් කිරීමේ මහගු ගුණයක් ඇත. තැඹිලි පානය කිරීමෙන් මුත්‍රා දැවිල්ල, ගත සිසිල් කිරීම, ශරීරයේ තුවාල සුව කිරීම වැනි රෝග ලක්ෂණ කීපයකටම ගුණ ලැබෙයි. මීලගට බාර්ලි තැම්බූ වතුර මගින්ද ශරීරයේ රුධිරය පිරිසිදු කර ශරීර උෂ්ණත්වය සමනය කරයි. ශරීරයේ ඇති වන තුවාල සමනය කරගැනීමට බාර්ලි තැම්බූ වතුර පානය කිරීම ඉතා සුදුසු වෙයි. කොමඩුද මෙවැනි උෂ්ණාධික ශරීර ඇති අයට ආහාරයට ගත හැකි පළතුරක් ලෙස නම් කල හැකියි. සාරන නමින් හැදින්වෙන පලා වර්ගයද මෙවැනි පුද්ගලයනට ආහාරයට ගැනීමෙන් ශරීරයේ ඇති රුධිරය පිරිසිදු කිරිමෙන් ශරීරයේ ඇති පිත තත්වය සමනය කර ශරීර උෂ්ණත්වය අඩු කර දෙනු ලබයි.

ඉතින් ඔබත් මෙලෙස ශරීර උෂ්ණත්වය අධික පුගලයෙක් නම් ශරීරය සිසිල් කර රුධිරය පිරිසිදු කර පිත තත්වය පාලනය කර ගැනීමට මෙවන් ආහාර නිතර ඔබේ ආහාරයට එක් කර ගන්නා ලෙස ඔබට පවසමින් මම නවතිනවා.

ස්තුතියි.