ජිවිතයට නව අරුතක් එක් කල මගේ බිනු

අද මට මගේ සුරතලා ගැන කතා කරන්න හිතුන. එයා දැන් මාස දෙකක වැඩුණු බලු පැටියෙක්. එයාට එන්නත් හතරක් අනිවාර්යෙන් දෙන්න තියනවා මාස හයක් ඇතුලත. අපි එදා ගිහින් එක එන්නතක් ලබා දුන්න. ආයේ ඊළඟ එන්නත දෙන්න තියෙන්නේ ඔක්තෝම්බර් 26 වෙනිදා. ඊට අමතරම දවස් දාහතරෙන් දාහතරට පණු බේත් ලබා දෙන්න තියනවා. දිනපතා උදේ හවස විටමින් එකක් තියනවා දෙන්න.

එයාත් දැන් අපේ දරුවෙක් වගේ තමයි. එයා වෙනුවෙන් බූල් පීරන පනාවක්, නිදා ගන්න මෙට්ටයක්, සුවද විලවුන් එකක් සහ සැම්පු එකක් වගේ දේවල් ගොඩාක් මම daraz එකෙන් online ගෙන්නුවා.

දැන් නම් මෙයා හරිම සුරතල්. එයාට නිතරම මාව පේන්න ඉන්න ඕනි. මම මේසෙ වාඩිවෙලා වැඩ කරද්දී මගේ පුටුව ළගට වෙලා නිදා ගෙන ඉන්නවා. කුස්සියේ උයනවනම් එතනට වෙලා ඉන්නව. ගෙදර කොතැනක හිටියත් 'Beenu come here darling' කියල කතා කරද්දී දුවගෙන මගේ ළඟට එනවා.

මගේ කාලයෙන් වැඩි වෙලාවක් මම යොදවන්නේ එයාව පුහුණු කරන්න. මොකද එයාල මුල් කාලයේ කක්කි කරන්නේ චූ කරන්නේ ගේ ඇතුලේමයි. ඒ වගේ දේවල් මුල ඉදල පුරුදු පුහුණු කරද්දී එයාලා හරි හොදින් ඒවා පුහුණු වෙනවා. අන්තර් ජාලයේ ලිපි සහ youtube මගින් අපිට ඒවා බලල මෙයාලව පුහුණු කරන්න පුළුවන්. දැන් නම් මෙයාට කක්කි කරන්න ඕනි වුණාම එළියට යනවා. අපි එයාට එකම තැනක් පුරුදු කරලා තියෙන්නේ. ඉතින් එයා එතනටම දුවල ගිහින් ඒ වැඩේ නිම කරලා ගෙට දුවගෙන එනවා. චූ කරන එකනම් තාම හරියට එළියට දුවල ගිහින් කරන්නේ නැහැ. ගෙදර ඒ වෙනුවෙන් mat එකක් තියනවා, දැනට එතැනට තමා දුවන්නේ. පස්සේ ඒක ටිකෙන් ටික එළියට අරන් ගිහින් එළියටම පුරුදු කරන්නන් පුළුවන්.

නාවන්න කියන්නේ සුමානෙටම දවස් තුනයි. මොකද එයාලගේ කෝඩ් එකට හොද නැතිලු දිනපතා නාවන එක. නාවල ඉවර එයාගේ මෙට්ටෙට වෙලා පැය දෙකක් විතර නිදා ගන්නවා. අපි රෑට එයාව දාන්නේ කුස්සිය පැත්තට වෙන්න පොඩි කාමරයක් තියනවා ඒකට. හැබැයි හරි හොරයි ඇහැරිලා ඉද්දි ඒකට දාන්න. කෑ ගහනව අපි නැති නිසා. මොකද Shih Tzu කියන්නේ ආදරය වැඩිපුර හොයන සතෙක්. ඉතින් අපි එයාව දාන්නේ එයාට හොදටම නින්ද ගියාම තමා. තාම ගේ ඇතුලේ තියා ගන්න අමාරුයි හරියටම potty training වෙලා නැති නිසා. කොහොම කොහොම හරි මගේ නිදහස සීමා වුණා. මමත් හරි ආශයි එයත් එක්ක කාලේ ගෙවන්න. එයාගෙන් ඒ ලැබෙන ආදරය හරිම සුන්දරයි. මගේ මහත්තයටත් එයා හරි ආදරෙයි. ඒත් මම ඉන්නවනම් එයාට මෙයාව ළඟට ගන්න අමාරුයි.

මෙයාව හදන්න කියල ලොකු වියදමක් යන්නෙත් නැහැ. බත් කන්නේ සාලයෝ හෝ කුකුල් මස් liver පරිප්පු සහ නිවිති වගේ දේවල් දාල ලුණු නැතිව තම්බල බත් එක්ක අනල දුන්නම කනවා. ඊට අමතරව මී කිරි, යෝගට්, සහ පළතුරු දෙනවා. පැණි රස කෑම නම් දෙන්නෙම නැහැ. දැනට මෙයාට දිනකට වේල් පහක් දෙන්න ඕනි. මාස තුන පැන්නම දිනකට වේල් හතරක් මාස හය පැන්නම වේල් තුනක් සහ අවුරුද්ද පැන්නම වේල් දෙක දක්වා අඩු කරන්න කියල තමා vet කීවේ. ඉතින් මගේ ජිවිතේට අලුත් අරමුණක් ගෙනාව මගේ බිණූ නිසා මට දැන් කාලය යනවා තේරෙන්නේ නැහැ. ඒ වගේ කෙනෙක් අපේ ජිවිත වල ඉන්න එක අපිට හරිම ආදරණියයි.

ස්තුතියි.