පරණ මතක අභියස

මේ දවස් වල මම වැඩියේ steemit platform එකේ වැඩ කරන්නේ නැහැ. මොකද මේක මම පාවිච්චි කරන්නේ මගේ ඒකාකාරී ජිවිතයට පොඩි වෙනසක් වෙන්න. පහු ගිය දවස් වල ස්ටීමිට් මගේ අංක එක වුණාට මේ දවස් වල ඒක මගේ අංක පහට විතර බැහැල. ඒ මොකද කියනවනම් මගේ රට ඉන්න චූටි පුතා අපිව බලල යන්න අවුරුද්දයි මාස තුනකට පස්සේ අපි ගාවට ඇවිත්. අද යාලුවෝ එක්ක හොටෙල් එකකට ගියා විනෝද වෙන්න. ගෙදර ආවේ නම් ජනවාරි අට වෙනිදා. ඉතින් දරුවෙක් කාලෙට පස්සේ අම්ම ළගට ආවම ඒ අම්මට ඊට වඩා දෙයක් තියනවද නේද? එයා කැමති කෑම බීම හදල දෙන එක, කැමති ගමන් බිමන් එක්ක යන එක, නිදහසේ එයා එක්ක කතා කර කරා ඉන්න එක. ඔයිටත් වඩා මට කරන්න වැඩ තියනවද?

මාසයක්ම ඉන්න නිසා මටත් හරිම සතුටුයි. අපේ ගෙදර කාමරයක් ගානේ කුස්සියේ හැම තැනම සතුට ඉතිරෙනවා. ගේ පුරා විහිදෙන අළුත් අළුත් කෑම වර්ග වල සුවදින් ගේ පිරිලා ඉතිරිලා ගිහින්. අයියයි අක්කත් නිතරම අපේ ගෙදර නිසා ගේ සතුටෙන් ඉතිරිලා ගිහින්.

එයාව පිළිගන්න පහු ගිය දවස් ටිකේම මම හරියට මහන්සි වුණා. එයාගේ කාමරය එයා යනකොට තිබුණ විදියටම නැවත සකස් කළා ඒ මතක අලුත් කරන්න. එයා පාවිච්චි කරපු වතුර බෝතලේ පවා මම නැවත අළුත් කරලා ඒ විදියටම හදල තිබ්බ. ඒක දැකල එයාට හරි සතුටුයි. ආහ් මගේ වතුර බෝතලෙත් තාම තියනවා නේද කියල එයා ගොඩාක් සතුටින් කීවම ඉතින් මටත් හරිම සතුටුයි.

මට ගොඩාක්ම ඕනේ වුණේ එයාගේ පරණ මතකය අළුත් කරලා ඒ සතුට එයාට ඒ විදියටම විදින්න සලස්වන්නයි. එයාගේ ඇඳුම් පවා මම හොදට අළුතින් හෝදලා එයා අල්මාරියේ තැන්පත් කරල තිබුණ විදියටම තිබ්බ. එයාට තිබුණේ අල්මාරිය ඇරලා එයා කැමති එකක් අරන් අදින්න විතරයි. මගේ පුතා කොහොමත් ලස්සනට අදින්න හරි කැමතියි. එක ඇඳුමක් උදේ ඇන්දොත් හවසට වෙන ඇඳුමක් අදිනවමයි. හරි පිරිසිදුයි. නාන්න ගියත් වරුවක් නානවා. ඒ තමා එයාගේ විදිය. කොහොම හරි මගේ වැඩේ ගොඩාක් සාර්ථකයි කියල මට හිතුණා. මොකද එයාගේ ඒ මතක නැවත ආවර්ජනය වන විට මුහුණේ තියන සතුට මට විස්තර ඇතිව කියවන්න පුළුවන්.

කොහොමත් මම ටිකක් වෙනස් අම්ම කෙනෙක්. අලුත් විදියට හිතන දරුවන්ගේ නිදහස, සතුට, සහ හිතන පතන විදියට උදව්වක් වෙන විදියට ජිවත් වෙන කොටින්ම කියනවා නම් සාම්ප්‍රධායික අදහස් කර ගහගෙන ඉන්න අම්ම කෙනෙක් නොවේ. වැල යන පැත්තට මැස්ස ගහන අම්ම කෙනෙක් කීවොත් නිවැරදියි. ඒකනේ ජොබ් එකක් කරන්නෙත් නැතිව සල්ලි එකතු කරලා අපිව බලල යන්න එන්නේ.

ඉතින් මට තව දවස් කීපයක් තියනවා එයත් එක්ක කාලය ගත කරන්න. ඒ කාලය පුරාම එයාගේ සතුට උපරිමව විදින්න පුළුවන් විදියට අපේ ගෙදර පරිසරය ගොඩ නගන එක තමා ,මගේ මූලික පැතුම. ඉතින් තවත් විස්තර ටිකකින් නැවත හමු වෙන්නම්.

ස්තුතියි.

--