සුසුම් රස්තියාදුව

මම ආශාවෙන් බලපු ස්වර්ණවාහිනී නාලිකාවේ විකාශය වූ 'සුසුම් රස්තියාදුව' කියන රූපවාහිණි නාට්‍ය ඊයේ අවසන් වුණා. ඉතාම හොඳ නාට්‍යක් කියල කියනවනම් හරිම නිවැරදියි. අපේ ප්‍රවීණ නිළියක් වන චාන්දනී සෙනෙවිරත්න වෙනද වගේම විශිෂ්ඨ රංගනයක් ඉදිරිපත් කරලා තිබුණ . දිනිති වෙල්ගමත් එයාගේ චරිතයට හොද සාධාරණයක් ඉෂ්ඨ කලා කියල කීවොත් හරිම නිවැරදියි.

_{Image source}

සමාජ සේවිකාවක් ලෙස සේවය කරන මව තම පවුල කෙරෙහි දක්වන දැඩි බව නිසා පවුලක් විසිරි ගොස් ඇති ආකාරය මනාව පිළිබිඹු කරලා තියනවා. ඒ වගේම එයා පවුල් ජිවිතයට වඩා මුල් තැන දීල තිබුණේ සමාජ සේවයට. ඒ හැම දෙයකම නිස්සාර බව අවසානයේ මව තේරුම් ගන්නවා. ඒ වගේම නුසුදුසු ආදරයක පැටලුණු පියා ගැනත් කතාව ගෙතී යනවා. අවසානයේ මොකද වෙන්නේ කියල මම ඔයාලට කියන්නේ නැහැ. ඔයාලම බලල වටහා ගන්න. කතාව ඊයෙන් ඉවර වුණත් යූ ටියුබ් එකෙන් ඔයාලට බලන්න පුළුවන්.

මත් කුඩු වලට ඇබ්බැහි ප්‍රසිද්ධ ගායකයෙක් වූ සුරාජ් මාපා ගේ ආදර කතාව දෙදරා යන ආකාරයත්, ඇගෙන් සියුම් ආකාරයෙන් පලිගන්නා ආකාරයත් රචකයා ලස්සන පෙන්වල දීල තියනවා. දිනිති වෙල්ගමගේගේ බාල නංගී ලෙස රඟපාන නිළිය නවක නිළියක් වුවත් ඇය ද හොඳ රංගනයක් ඉදිරිපත් කරනවා. මෝස්‌තර නිරුපිකාවන්ගේ ජිවන රටාව ගැනත් මෙහිදී සමාජයට පණිවිඩයක් දෙනවා. ප්‍රියන්ත ප්‍රනාන්දු මහතා අධ්‍යක්ෂණය කරන ලද මෙය නිෂ්පාදනය කරන ලද්දේ කිත්සිරි ඇලෙක්ෂ්සැන්ඩර් කුරේ මහතා විසිනි. විශ්වජිත් ගුණසේකර, සුරාජ් මාපා, අනුරාධ ඉදිරිසිංහ වගේ ප්‍රවීණ රංගධරයන්ගේ ප්‍රතිභා නිරූපණය නාට්‍යයේ රසය වැඩි කිරීමට සමත් වී තියෙනව.

_{Image source}

කතාවේ අවසානය ගැන කතා කරණවානම් ප්‍රියන්ත ප්‍රනාන්දු මහතා විසින් ප්‍රේක්ෂක අපේ සිත් සනහාලන විදියේ අවසානයක් ලබා දීල තිබුණ. අද ඉන්දියාවෙන් ගෙන්වන ලද කාසි කබල් නාට්‍ය බලනවට වඩා මෙවැනි ශේෂ්ඨ නාට්‍යක් බලල රස විදින්න පුළුවනි නම් මම හිතනවා ඒ ඔය ලැබූ ජයග්‍රහණයක් කියල.

විශේෂයෙන් කියන්න ඕනි මේ නාට්‍ය සුමති සම්මාන උළෙල සදහා නිර්දේශ වී ඇති බව. එහෙනම් ඔයාලත් බලල අදහස් දක්වන්න.

ස්තුතියි.