පවුලේ අවුරුදු උත්සවය
අද අපේ පවුලේ සහෝදර සහෝදරියෝ ඔක්කොම එකම තැනකට එකතු වෙලා අවුරුදු සැමරුවා. අපේ අම්මයි තාත්තයි දෙන්නම ජිවතුන අතර නැහැ. ඒත් ඔක්කොම සහෝදර සහෝදරියෝ හත් දෙනෙක් ඉන්නවා පවුලේ. හැමෝම විවාහ වෙලා එයාලට දරුවෝ ඉන්නවා. සමහර සහෝදර සහෝදරියන්ගේ දරුවන්ගේ දරුවන්ටත් බබාලා ඉන්නවා. කොහොමත් කට්ටිය එකතු වුණාම හතළිහක් විතර ඉන්නවා.
ඉතින් අද අපේ ඒ හොමෝම එකතු වුණා එක සහෝදරියෙක්ගේ ගෙදරට. හැම අවුරුද්දෙම එහෙමයි. එක එක සහෝදර සහෝදරියෝ ඒ අවුරුදු දවස බෙදා ගන්නවා. ඒ එකතු වුණාම අපි අවුරුදු උත්සවයකුත් දානවා. මෙදා පාරත් ඒ වගේ ඒ විදියට එකතු වෙලා අවුරදු උත්සවය දැම්ම.
ගොඩාක් පවුල වල අය එන්න ටිකක් පරක්කු වුණා නොයෙකුත් වැඩ නිසා. ඒ නිසා අපි කෑම කාල තමා අවුරුදු උත්සවයේ වැඩ පටන් ගත්තේ. පොඩි අයට බැලුම් පුපුරවන්න, ටොෆි ඇහිදින්න වගේම ඉරට්ටට මල් එකතු කිරීමේ තරඟ පවත්වල දිනපු අයට තෑගි දුන්න.
ලොකු අයටත් වෙනම තරඟ තිබ්බ. බෝල පාස් කිරීම, බැලුම් බෝලෙට වතුර පුරවල කණ්ඩායම් දෙකක් අතර විසි කර ගැනීම. ඇස් වහල යෝගට් කැවීම, කුඩයක් තුලට බෝල හයක් විසි කිරීම වගේ තරඟ තිබ්බ.
හැමෝටම සහභාගී වෙන්න පුළුවන් විදියට තවත් තරඟ කීපයක් තිබුණ. ලොකුම බොරුව කීම, ජන ගායනා තරඟයක් පැවැත්වීම ඒ වගේම ලොකුම හිනහව වගේ තරඟත් සංවිධානය කරලා දිනන හැමෝටම තෑගි දුන්න.
මේ තෑගි සඳහා අපි එක එක්කෙනාට තෑගි භාණ්ඩ බෙදා දුන්න අරන් එන්න කියලා. ඊට අමතරව අප කීප දෙනෙක් මුදල් එකතු කරලා පොඩි ළමයි හැමෝටම හරියන විදියට තෑගි බෝග මිලදී ගත්ත.
ඒ වගේම තරඟ සහභාගිත්වයට පොඩ් ළමයි හැමෝටම මොනව හරි තෑග්ගක් දුන්න. ඉතින් ලොකු කුඩා හැමෝම සතුටු වුණා. මේ වගේ දේවල් නිසා පවුලට එකතු වෙන අනෙක් අය අතරත් බැදීම් වැඩි වෙනවා.
ශබ්ද වාහිනී උපකරණත් ළෑස්ති කරලා තිබ්බේ. නිවේදක හැටියට වැඩ කලේ මගේ පුතා. එයා තරඟවලට සහභාගී වෙන වෙලාවට වෙනත් කවුරු හරි නිවේදක හැටියට වැඩ කලා.
අපේ පවුල් මේ එකතුව ඇති වෙන්න එක හේතුවක් වෙන්නෙත් මේ වගේ වැඩ සටහන්. අපි දානයක් දුන්නත් වෙන වැඩ සටහනක් තිබ්බත් හැමෝම එකතු වෙලා තමා කරන්නේ. අපේ අම්ම තාත්ත ජිවත් වෙලා ඉද්දි ඇති කල ඒ සමගිය අපි අතර තාම තියනවා. ඒක ගැන අපි හැමෝම සතුටින් ඉන්නේ.
අපි මේ වගේ එකතු වෙලා ඉද්දි අපේ දරුවනුත් ඒවා ආදර්ශයට අරන් ඒ දරුවොත් මේ වගේ ඉදිරියට වැඩ කටයුතු කරන එක තමා අපේ සතුට.
Facebook එකෙත් මම දැක්කා ගොඩක් අය පවුලේ අවුරුදු උත්සව තියලා තියෙනවා මේ පාර. ඇත්තටම පවුලේ හැමෝම එකතු වෙලා ඒ ගන්න අත්දැකිමනම් හරිම සුන්දරයි❤️