රටට බරක් වූ රාජ්‍ය සේවය.
අද වන විට ලංකාවේ රාජ්‍ය සේවකයින් ගණන ලක්ෂ දාහත ඉක්මවා ගොස් ඇත. මෙය ලංකාවේ ජනගහනය හා සංසන්ධනය කර බලන විට සෑම පුරවැසියන් 19 දෙනෙකුට එක් රාජ්‍ය සේවකයකු ලෙස ගණන් බැලිය හැක. එය එසේ වුවද ලංකාවේ රාජ්‍ය ආයතනයකින් අපට කාර්යක්‍ෂම සේවයක් ලබා ගත හැකිද? අනෙක මේ සමහර රාජ්‍ය ආයතන වලින් රටට සිදුවන යපතක් තිබේද? අපි රජයේ ආයතනයකින් වැඩක් කරවා ගැනීමට ගිය මොහොතක මොනතරම් නම් අපහසු තාවයට පත් වන්නේද?
අපි ගමක් අරන් බලමු. ගමකට විතරක් රාජ්‍ය සේවකයින් කී දෙනෙක් සිටීද? ග්‍රාම සේවා නිළධාරි, තාක්ෂණික නිළධාරි, පවුල් සෞඛ්‍ය සේවා නිළධාරි, සමුර්ධි නිළධාරි, සංවර්ධන නිළධාරි, කෘෂිකර්ම නිළධාරි යනාදී වශයෙන් රාජ්‍ය නිළධාරීන් බොහොමයකි. මේ සමහර රාජ්‍ය නිළධාරීන් වැස්සකටවත් ගමකට ගොඩ වැදී නොමැත. ගමට වැඩක් කරන්නේ මින් කීයෙන් කීදෙනාද?
ආයතන වශයෙන් ගත් කල අධ්‍යාපන හා සෞක්‍ය සේවා යන ආයතනවලින් නම් උපරිම දායකත්වයක් රටට ලැබෙන බව නොරහසකි. එහෙත් සමහර රාජ්‍ය ආයතන රටට අවශ්‍ය ද කියා හිතෙන අවස්ථා බොහෝය. මේ සියළු රාජ්‍ය සේවකයින්ට පඩි ගෙවන්නේ මහජන මුදලෙනි.
අද රට පත්ව ඇති මේ දුක්බර තත්වයට එක හේතුවක් ලෙස මේ අධික රාජ්‍ය සේවය දැක්විය හැක.
වර්ථමානයේ රජයට මේ රාජ්‍ය සේවකයන්ට පඩිය ගෙවා ගැනීමට බැරි තත්වයක් උදාවී ඇත. එහෙත් කෙසේ හෝ එය ගෙවිය යුතුය. රට සම්පුර්ණයෙන්ම අඩ පණ වී ඇති මොහොතක රජයට ආදායම් ලැබෙන මාර්ග සම්පුර්ණයෙන් ඇහිරී ගොස් ඇත. රජයට මේ සඳහා මුදල් මුද්‍රණය කරනවා හැර වෙනත් කිසිදු පිළි සරණක් නොමැත. 2022 අප්‍රියෙල් මස 5 වෙනිදා සිට ජුනි 7 වනදා වන දින 73 ක කාල සිමාවේ පමණක් රජය රුපියල බිලියන 316 ක මුදලක් මුද්‍රණය කොට ඇත. එනම් දිනකට රුපියල් බිලියන 4.3 ක් මුද්‍රණය කර ඇත. මෙසේ නෝට්ටු මුද්‍රණය කර හෝ මේ සා විශාල රාජ්‍ය සේවකයින්ට පඩි ගෙවිය යුතුව ඇත.
ලංකාවේ රාජ්‍ය සේවකයන් මේ තරම් පුළුල් වීමට එකම හේතුව වැරදි රාජ්‍ය පාලනයයි. මෑත කාලීනව සිදු වූ දේශපාලනිකව වෙනස් කම් හේතුවෙන් වර්තමානය වන විට මේසා විශාල රාජ්‍ය සේවක සංඛ්‍යාවක් බිහිවී ඇත. යම් කිසි දේශපාලකයකුට ඇමති කමක් හෝ රාජ්‍ය ඇමති කමක් ලැබුණු විට ඔහු හෝ ඇය තමාගේ ළගම හෙන්චයියන්, ගෝලයන්, නෑදෑයින් සහ සමීපතමයන්ව මොකක් හෝ රජයේ රැකියාවකට තල්ලු කර දැමීම හේතුවෙන් අහේතුකව රාජ්‍ය සේවක සංඛ්‍යාව ඉහළ ගොස් ඇත. මෙය සෑම රජයක් මගින්ම මාරුවෙන් මාරුවට සිදු කරණු ලැබුවකි.
කෙසේ හෝ අද වන විට සම්පුර්ණයෙන්ම රාජ්‍ය සේවය රටට බරක් වී ඇත. මේවට වග කිව යුතු වන්නේ මේ මජර දේශපාලනය නොවන්නේද? අද මේ රාජ්‍ය සේවකයන්ට ගෙවන වැටුප වෙනුවෙන්, බර කර දීමට සිදුව ඇත්තේ මහජනතාව වන අපටය. ඒ මුද්‍රණය කරණ සෑම නොට්ටුවකින්ම සිදුවන්නේ බඩු මිළ ඉහළ යාමකි. අප ගැන අපටම පව් කියා සිතෙන්නේ මට විතරද?
ස්තුතියි.
Hi, @senehasa,
Thank you for your contribution to the Steem ecosystem.
Your post was picked for curation by @randula.
Please consider voting for our witness, setting us as a proxy,
or delegate to @ecosynthesizer to earn 100% of the curation rewards!
3000SP | 4000SP | 5000SP | 10000SP | 100000SP
@randula thanks for your support.