ආදරෙයි මම අපේ පූජාට.
ධම්මි නැන්දගේ දුවනේ පූජා
එයා හරි හොඳ කෙනෙක් අම්මේ
වෙරළු ගෙඩියක් මට ගෙනත් දුන්නා
ඉතින් මම ආදරෙයි කියලා
කොල කෑල්ලක ලියල දුන්නා
පූජටත් හරි සතුටු හින්දා
එයා ටීචර්ට කොලේ පෙන්නා
වට දෙකක් කැරකිලා ඇවිදින්
මගේ මූණත් හෙමින් ඉම්බා
අම්මා ඉඹිනව වගේ ඉම්බා
මෙහෙට එනවා මනුක කියලා
ටීචර් හරි තරහකින් කිව්වා
මේක ලිව්වේ තමුන්දැයි
කියා ටීචර් මගෙන් ඇහුවා
ටීචර් හිතුවද දන්නේ නෑ
මම බොරුවටයි එය ලිව්වේ කියලා
ඒත් අම්මා දන්නවා ඇති
ඇත්තමයි ඒ කිව්වේ කියලා
කාර්යාලෙට ගිහින් ටීචර්
ප්රින්සිපල්ටත් මාව පෙන්නා
හිතා ගන්නත් බැරි මොනවා හරි
විස්තරේකුත් හෙමින් කිව්වා
ප්රින්සිපල් සර් ඇසුත් උස්සා
උඹද ලිව්වේ මේක කියලා
මහා හයියෙන් මගෙන් ඇහුවා
අම්මේ චූ බර වගෙත් ආවා
සර් හිතුවෙත් බොරුයි කියලා
බොරු නෙමෙයි මම කියන්නේ සර්
ඇත්තමයි ආදරෙයි පූජට
කියල කිව්වම සර් වේවැල
අරන් ගැහුවා පස්ස පැත්තට
රිඳුන අම්මේ අනේ හරියට
අම්මේ අම්මා තමයි දන්නේ
මගේ හැටි හොදටෝම හරියට
අම්ම පිළිගන්නවානම් ඇති
ආදරෙයි මම අපේ පූජාට
මට මෑතකදී හරි අපුරු කවියක් අහන්න ලැබුණ. මේ කවිය නිර්මාණය කරල තිබුණේ කැලුම් ධම්මික කියන විශ්ව විද්යාල කථිකාචාර්ය වරයා විසින්. ඒ කවිය මොන තරම් නිරමාණශීලි ද කියල ඔයාලටත් කියවල තේරුම් ගන්න අපි අතර බෙදා ගන්න මම තීරණය කලා.
මේ කවියෙන් කියවෙන්නේ හරි අපූරු අදහසක්. කුඩා ළමයෙක් තවත් ඒ වයසේම දරුවකුට ආදරෙයි කියනවා, අර දරුවා එයාට වෙරළු ගෙනත් දුන්න නිසා. මේක දැකල ගුරුවරයා සහ විදුහල්පති තුමා දරුවට දඩුවම් කරනවා. ඉතින් මේ දරුවගේ ළමා මනස මේ පාසලේ ටීචර්ට සහ ප්රින්සිපල් තේරුම් ගත්තේ වැඩිහිටි අයගේ ආදරයක් හැටියට. ඒකයි දරුවට පහර දෙන්නේ. නමුත් ඒ ළමයාගේ ළමා මනසට අනුව පූජා වෙරළු දුන්න නිසා එයා පූජාට ආදරෙයි. ඒක තමා ලියල තියෙන්නේ. තාමත් දරුවා හිතනවා එයා ආදරෙයි කියල කියන්නේ බොරුවට කියලා හිතල ගුරුවරු එයාට තරවටු කළේ කියල. ඒ නිසා තමා එයා කියන්නේ අම්මේ අම්මා දන්නවා ඇති ඇත්තමයි ඒ කිව්වේ කියලා. ඒ කියන්නේ එයා පූජාට ආදරෙයි කියල තියෙන්නේ ඇත්තට. මේ කවිය කියවපුවම ඔයාලට හිතෙනේ නැද්ද දරුවෝ මොන තරම් අහිංසකද කියල.
අපේ ලංකාවේ අධ්යාපනයේ තියන එක වැරැද්දක් තමයි ගුරුවරු දරුවන්ව හරියට තේරුම් අරගෙන නෙමේ අධ්යාපනය දෙන්නේ. ඒ නිසා තමා දරුවෝ පුංචි කාලේ ඉදන්ම ඇට්ටර වෙන්නේ. අද සමාජය මේ තරම් කෘර වෙන්නත් හේතුව අධ්යාපන ක්රමයේ ඇති වැරදි. මල් වගේ අහිංසක දරුවෝ පාසලින් එලියට එන්නේ ද්වේශය, ආවේගය හිතේ තද කරන්. ඉතින් අපිට යහපත් සමාජයක් බලාපොරොත්තු විය හැකිද.
Thank you, friend!
![image.png](https://steemitimages.com/640x0/https://cdn.steemitimages.com/DQmd7of2TpLGqvckkrReWahnkxMWH6eMg5upXesfsujDCnW/image.png)
![image.png](https://steemitimages.com/640x0/https://cdn.steemitimages.com/DQmWDnFh7Kcgj2gdPc5RgG9Cezc4Bapq8sQQJvrkxR8rx5z/image.png)
I'm @steem.history, who is steem witness.
Thank you for witnessvoting for me.
please click it!
(Go to https://steemit.com/~witnesses and type fbslo at the bottom of the page)
The weight is reduced because of the lack of Voting Power. If you vote for me as a witness, you can get my little vote.
Incident ekak gena liyauna deyak unata loku message ekak denawa eken. Harima lassana kawiyak....
ශා!❤
සරල වචන වලින් කියලා තියෙන කතාව ලොකූ එකක්. ලස්සන කවියක්.
කවියාගේ දක්ෂතාවය. මුහුණු පොතේ එහෙ මෙහෙ යද්දී අහම්බෙන් ඇහුවේ මම.