ට්‍රිප - Part 13 | ගමනේ අවසානය

පොඩ්ඩක් හිතුවට වඩා වෙලා ගියා ට්‍රිපේ අන්තිම කොටස කියන්න. පොඩ්ඩක් වැඩ වැඩි උනා මේ දවස් වල.. අන්තිම කොටසට කලින් කොටස් 12ක්‌ පුරාවට මේ ට්‍රිපේ කතාව ගියා.. දැන් ට්‍රිප ගිහිල්ල.. මම හිතන්නේ මාස දෙකහමාරක් වෙන්න යන්නේ.. ඒක නෙවෙයි.. මෙන්න ඒනම් අන්තිම කොටස..

කලින් කීවා වගේ ඇඳිරි නීතිය දාපු රෑ අපි හිටියේ හපුතලේ පන්සලක. මම උදේම Train Station එකට කෝල් කරා. එතකොට කීවා කෝච්චි වැඩ කරනවා කියලා. ඒ හින්ද අපි කස්ටිය ඉක්මනට ලෑස්ති වෙලා පන්සලේ හාමුදුරුවෝන්ට පොඩි ආධාරයක් කරලා Train Station එකට ගියා.

කෝච්චියක්‌ තිබ්බ.. 11.15 ටද කොහෙද. ඒ කෝච්චියේ සෙනග.. ඒ Train එකේ හිටපු Guard කෙනෙක් කීවා 11.45 Train එකක් තීනවා කියලා. ඒක off-schedule එකක්. ඊයේ රෑ කොළඹ යන්න බැරි උන Night Mail එකද කොහෙද. අපි කෝකටත් කියලා පොඩි risk එකක් අරන් හිටිය ඒ කෝච්චිය එනකම්.

කෝච්චිය ආව. වෙලාව කියන්නේ එච්චර කස්ටිය හිටියේ නෑ. මේක Off-Schedule නිසා Reserved පෙට්ටි වල කස්ටිය නෑ නේ.. කෝච්චියේ තිබ්බ 3rd Class Reserved පෙට්ටි. අපි කස්ටිය ඒ එකකට නැග්ග. ඒක තින්නේ කෝච්චිය ඉස්සරහම. එතන ම රියදුරු සහයක ඉන්නවා. තරුණ කොල්ලෙක් හිටියේ. අපිත් එක්ක ෆිට් උනා ඉක්මනට.. කස්ටිය හුඟක් free එකේ කෝච්චියේ ගියේ. අනිත් අය හිතුවේ අපි ටිකට් බුක් කරලා ඒ පෙට්ටි වල යනෝ කියලා. අපිත් ඉතින් ලයින් එකේ හිටිය.

දන්නවනේ ඉතින් මේ හරියේ කෝච්චි පාර දෙපැත්ත හ‍රි ලස්සනයි.. ඉතින් කස්ටිය පොටෝ ගන්නවා.. වීඩියෝ කරනවා.. ඔන්න ඉතින් අපි අඹේවෙල ට ආව. එහෙදි එළවලු bag වලට දාගෙන මිනිස්සු එනවා විකුනන්න. පලතුරු ත් තිබ්බ. මම චවු චවු යි අලිගැට පේර යි ගත්ත. ගාන හුඟක් අඩුයි මෙහෙට වඩා. අම්මලා ට දෙන්න තමයි ගත්තේ ඒවා.

අපි ඔන්න අඹේවෙල ඉඳලා පොඩ්ඩක් යනකොට කෝච්චිය එකපාරටම නතර කරා. ඊට පොඩ්ඩකට කලින් වැස්සක් එක්ක හුළං පාරක් ආව. ඒකට ද කොහෙද ගහක් පාත් වෙලා තිබ්බ රේල් පාරට. අපි ඉතින් කෝච්චිය ඉස්සරහ ම හිටපු නිසා අපි බැහැල ගියා. එච්චර ලොකු ගහක්‌ නෙවෙයි. කෝච්චියේ හිටපු අය ගහ අයින් කරන වැඩේට උදව් ඇවිල්ල හිටිය. අපේ ළඟ ටිකක් ලොකු පිහියක් තිබ්බ. අපි ඒක අරන් ඇවිල්ල දිග අතු ටික කපල ගහ පැත්තට කරලා කෝච්චිය ට යන්න ඉඩ හැදුව.

තව යනකොට Train එකට නැගල තිබුන සාරවිට විකුනන කෙනෙක්. එයා අපේ පෙට්ටියට ආව. කස්ටිය ම වගේ සාරවිට ගත්ත. මම ඒ සාරවිට කෑවේ මුල් පාරටම. ඒක නිකන් විට වගේ නෙවෙයි. රහයි. පැණි රහ, කුළුබඩු වගේ රස එක්ක.. අමුතු ගතියක්‌ තිබ්බ.

බදුල්ල - කොළඹ කෝච්චි ගමන හුඟක් දිගයි නේ.. ඉතින් කස්ටියට සින්දු කියලා එපා වෙලා, පොටෝ ගහලා එපා වෙලා වගේ වෙලාවක් ආව. එතන් ඉඳලා වගේ හුඟක් අය නිදි ඉතින්.. අනික අපේ කෝච්චි පෙට්ටිය ට කස්ටිය එන්න ගත්ත. එතකොට කලින් වගේ ෆන් එකක් ගන්න අමාරුයි නේ..

පොඩ්ඩ පොඩ්ඩ කොළඹ පැත්තට කෝච්චිය ලං උනා. සීදුවේ අය කොටුවට කලින් බැස්ස. පොළොන්නරුවේ අය ඊට කලින් බැස්ස.. පොල්ගහවෙල ද කොහෙද බැස්සේ. කෝච්චිය 8 වෙනකොට වගේ කොටුවට ආව. පස්සේ අපි තුන්දෙනා කළුතර ට යන Slow Train එකකට නැගල මොරටුවෙන් බැස්ස. මොරටුවේ ඉඳලා බස් එකෙත් යන්න පුළුවන්. ඒත් අපි පයින් ගියා 😂

කටුබැද්ද හන්දියට පයින් ගිහිල්ල.. හන්දියේ කොත්තු කඩෙන් කොත්තු ත් අරන් කැම්පස් එකට ත් පයින් ගිහිල්ල.. බෝඩිමට ආව. බෝඩිමට ඇවිල්ල ගිය දවස් ටිකේ උන දෙවල් ගැන හිතල බැලුවම.. ඒක තමයි මම දැනට ගිහිපු Adventurous ම ට්‍රිප කියලා හිතුන.. කිලෝමීටර් ගානක් පයින් ගියා, පාර වැරදුන, අලුත් අය හම්බුනා, අන්තිමට ඒ ඔක්කොම කොත්තුවකින් ඉවර උනා..