ට්‍රිප - Part 1 | අපිට හිතිලා අපි ගියා

සමහර දේවල් තිනවා, අපි ඒ දේ කරන්න ඕන කියලා ඒ ගැන හිතල හීතල ම හරියට කරන්න බැ කියලා කල් යනවා. නැත්නම් තව වැඩක් වැටෙනවා. මේ වැඩේ ට්‍රිප් සංවිධානය කරනකොට හුඟක් වෙලාවට වෙනවා. ප්ලැන් කරලා දවසක් දෙකක් යනකොට කස්ටිය හැලෙනවා වැඩ වැටුන කියලා..

අපිට ඉතින් ඔය වගේ දේවල් වෙලා හුඟක් අත්දැකීම් තිනවා.. ඒත්.. මේ ලඟදි, ලඟදි කිවේ ලඟම නෙවෙයි.. ජුලි 11 වෙනිදා. බෝඩිමේ හිටියේ 4දෙනයි.. එකෙක් කැම්පස් එකේ Hiking Club එකේ ඉන්නවා.. දැන් මේ පෝස්ට් එක ලියනකොට ත් මිනිහා ට්‍රිපක් යනෝ කියලා ගිහිල්ල ඉන්නේ 😂.

අපිට තාම පොඩ්ඩක් ඇඟට අමාරුව තිබ්බ 9 ගෝල්ෆේස් ගිහිල්ල. ඒත් එච්චරම නෑ ඉතින්.. ඔහොම ඉන්න ගමන් මිනිහා කීවා යමු ද කියලා ට්‍රිපක්. බදුල්ලේ පැත්තේ.. මටත් ඉතින් අව්ලක් තිබ්බේ නෑ. අරගල අව්ල් නිසා Exam කල් ගිහිල්ල එක එක ඒවා වෙලා තිබ්බේ. ඔලුව පොඩ්ඩක් නිදහස් වෙන්න කියලා යමු කීවා.

ඒත් බෝඩිමේ හිටපු එක පොරක් යන්න ම බැ කීවා. ඇඟට අමාරුයි කියලා. මේ ට්‍රිප යන්න කතා උනේ දවල් 2ට වගේ.. ඉන්ටනෙට් එකෙන් බැලුවම බදුල්ලේ Night mail Train එක රෑ 8 40 යනවා කියලා තිබ්බ. කඩෙන් බඩු ටිකක් ගන්න අවශ්‍යතාව තිබ්බ නිසා බෝඩිමෙන් 4 30 ට වගේ යන්න ප්ලැන් කරලා bag වලට බඩු ලෑස්ති කරන්න ගත්ත.

Hiking Club bro, මන්ජිත ගාව තිනවා කුඩාරමක්. ඒ හින්ද Camping කරන්න එක්ක බඹරකන්ද ඇල්ල පැත්තට යන්න තමයි ප්ලැන් කරේ. එහෙ ගිහිල්ල උයන්න භූමිතෙල් ලිපක් ඒම අරන් ගියා අපි. හාල්, පරිප්පු, කුළුබඩු ඒම බෝඩිමෙන් අරගත්ත. අපි pack කරනකොට ත් යන්න බැ කියපු පොර ගෙන්නගන්න ට්‍රයි කරා. හ‍රි ගියේ නෑ..

වැඩේ කියන්නේ..ලඟදි දවස් ගානකින් එකෙක් කතා කරේ නෑ පිට්ටනියේ සෙල්ලම් කරමු කියලා.. එදාම... එදාම කෝල් කරලා ඇහුවනේ අද සෙල්ලම් කරන්න එනෝ ද කියලා.. මොනව කරන්න ද ඉතින්. ඇත්ත කීවා. ඇත්ත තත්වේ කීවම පොර තේරුම් ගත්ත ඉතින්. ඒ හින්ද අව්ලක්‌ උනේ නෑ.

කොහොමෙන් කොහොම හ‍රි අපි 4 40ට වගේ බෝඩිමෙන් පිටත් උනා. බෝඩිම තින්නේ Campus එකේ back එකේ. කැම්පස් එක මැදින් ගිහිල්ල ඉස්සරහ ට යන්න පුළුවන්. ඒත් කොට කලිසම් ගහන් bag උස්සන් යනකොට යාලුවෝ තව දැක්කොත් උන්ටත් අව්ල්.. අපිටත් අව්ල්.. ඒ හින්ද කැම්පස් එක වටේ පාරින් ඉස්සරහ ට ආව.

ඇවිල්ල බස් එකක නැගල කටුබැද්ද හන්දියට ගියා.. කටුබැද්ද හන්දියේ ඉඳලා Three Wheel එකකින් මොරටුව Railway Station එකට ගියා. ඇත්තටම දැන් තමයි මතක් උනේ.. අපරාදේ අර බස් එකෙන් ගල්කිස්ස Railway Station එකට යන්න තිබ්බ කියලා..

දැන් ඔන්න මොරටුව Railway Station එකට ආව. ටිකට් ගත්ත කොටුවට.. මන්දගාමී කෝච්චිය ක්‌ තිබ්බේ. අව්ලක් නෑ ඒක. ස්ටේෂන් අතර හය්යෙන් යනවා. ඔන්න කොහොම හ‍රි අපි 6 වගේ වෙනකොට කොළඹ කොටුවට සේන්දු උනා..

දවල් 2ට ප්ලැන් කරේ.. හවස 6 වෙනකොට කොටුවට ත් ආව.. කලින් ප්ලැන් කරා නම් යැවෙන්නේ නෑ මෙහෙම.. ඔන්න ඕම තමයි ට්‍රිපේ මුල කොටස අවසන් වෙන්නේ.. ඊළඟ කොටස හෙට කියන්න බලන්නම්..