ජම්බු කාලේ...

ජම්බු කියන්නේ අපි බොහෝ අය කන්න කැමති කෑමක් නේ.. හැබැයි නෝමල් ජම්බු කඩේ එහෙම විකුනන්න දාල තිනවා මම දැකල නෑ. පිණි ජම්බු නම් තීනව විකුනන්න.

අපේ ගෙදර ජම්බු ගහේ කලින් පාර වල වගේ ම ගෙඩි හුඟක් හැදිලා. මම ගෙදර හිටියෙත් නෑ නේ. ගෙඩි හුඟක් තිබුන ගහේ මම එනකොට. හැබැයි එතකොට ගෙඩි පොඩියි. මම ඇවිල්ල දවස් කීපයක් වැස්ස. එතකොට ගෙඩි එකපාරටම ලොකු උනා.

එහෙම වෙනවා සාමාන්‍යයෙන්. ජම්බු ගෙඩි වල වතුර ම වගේ නේ තින්නේ. ඉතින් වැස්සම වැටෙන වතුර ගස් මගින් ගෙඩි වල ගබඩා කරනවා වගේ සීන් එකක් වෙනවා ඇති. ඉතින් ඉක්මනට ගෙඩි ලොකු වෙලා එනවා.

හැබැයි අව්ල තින්නේ මෙහෙම ලොකු වෙන ගෙඩි එච්චර රහ නෑ. පැණි රහක් නෑ. තියෙන්නේ ප්‍රධාන වශයෙන් ඇඹුල යි ලුණු රහයි තමයි. එත් කන්න පුළුවන් ඉතින්. මොන රහ තිබ්බත් ලුණු පොඩ්ඩක් එක්ක කනකොට මාර ගති හැබැයි.

කන්න ඉතින් ගෙඩි කඩන්න එපැයි. ඕක තමයි ජම්බු වල එපාම කරපු සිද්දිය. ඇයි ඉතින් ගෙඩියක් කඩන්න ඇල්ලුවා විතරයි ගෙඩි 5, 6ක්‌ බිම. අනික බිම වැටුන විතරයි තැලෙනවා. කුරුල්ලෙක් ඒම ගහේ වාඩි වෙලා ආයේ පියඹල යනකොට ආයේ ගෙඩි 10, 15ක්‌ බිම.

මම ජම්බු, ලෙමන්, දෙහි එහෙම කඩන්න පොඩි කෙක්කක් හදාගෙන තියෙන්නේ. ඒකෙ තියන්නේ හීනි යකඩ කම්බි කොක්කක්. ඒකෙන් පොඩ්ඩක් ගෙඩියකට තට්ටුවක් දැම්මම ගෙඩි වැටෙනවා. ගේම තියෙන්නේ ගෙඩි අල්ලගන්න එක තමයි. අල්ලගන්න ඕන බිම නොවැටෙන්න. නැත්නම් ඉතුරු වෙන්නේ මෙන්න මේ වැටිලා තීන ගෙඩි වගේ තමයි..