කුරක්කන්...
මේ දවස් වල අවුරුද්දට කැවිලි හදන්න එක එක ඇට වර්ග ගෙනල්ල හෝදලා වේලෙන්න දානවනේ. අනික අව්වත් තියෙනවා, එක දවසින් වේලෙනව. ඉතින් මේ විදිහට අම්මලා කුරක්කන් වගයක් වේලෙන්න දාල තියෙනවා ටිකක් කාලෙකට කලින්. කුරක්කන් කීවම සමහර අයට තාම මතක් වෙන්නේ කුරහන් සාටකේ😏.
පැලේ ගැන කිවොත්, අපි මුලින්ම හිතුවේ නිකන් ඊතන ගහක් කියලා. හැදිලා තිබ්බේ ඉස්තෝප්පුව අයිනෙන් වගේ. පොඩ්ඩක් ඒ වගේ පොඩි කාලේ. එත් අම්මට සාධාරණ සැකයක් ඇවිල්ල ඕක ගලවන්න නැතුව තිබ්බ. හැබැයි මම ගෙදර ම හිටිය නම් ඕක ගලවල 🙂.
සතියෙන් සතිය මම ගෙදර එනකොට මේ ගහ ලොකු වෙලා. පොඩ්ඩක් උස ගිහිල්ල. එතකොට අම්මලා ට තේරිලා තිබ්බේ ඒ කුරක්කන් ගහක් ම තමයි කියලා. ඒක තවත් තහවුරු උනා ගහේ මලක් ආවම. මෙන්න ඊලග සතියේ එනකොට ඒක කරලක් වෙලා. එතකොට තමයි මේ පොටෝ ටික ගත්තේ. පොඩ්ඩක් එහායින් තවත් පැලයක් ලොකු වේගෙනත් ඇවිල්ල.
ටික කාලයක් යාවී මේ කරල වේලිලා ඇට ගන්න පුළුවන් ගානට එන්න. අපි කතා උනේ ඒ ඇට ටික වපුරන්න පොඩ් ඉඩක. Update එකක් දෙන්නම්කෝ මොකක්ද කරන්නේ කියලා 🥂.