අවුරුදු ටයිම්...

අප්‍රේල් ත් උනා.. අප්‍රේල් 13 ත් ආව.. ඇත්තටම නිකන් දැනුනේ නෑ වගේ නේ.. අලුත් අවුරුද්ද ගැන එච්චර ම සීන් එකක් දැනුනේ නේ.. ගස් නම් ලෑස්ති උනා ඔක්කොටම කලින්.. දැන් නම් අපේ රබුටන් ගස් වල තාම රබුටන් ගැට තමයි ඒත් පොඩ්ඩක් ලොකු වෙලා දැන්..

පරිසරය අලුත් අවුරුද්දට ලෑස්ති වුනත්.. හුඟක් අයගෙ මනස තිබ්බේ අලුත් අවුරුද්ද ගැන නෙවෙයි.. අරගලය ගැන.. කස්ටිය අරගල කරන්න ගිහිල්ල.. ගෙදර කස්ටිය නෑ.. නැත්නම් අවුරුද්දට මොනාහරි හදන්න බඩු ගන්න සල්ලි නෑ..

කෝමඋනත්.. මේ අවුරුද්ද එකහිතින් සමරන්න බැ මේ රටේ තීන තත්වේ එක්ක.. ඒත් ඉතින්.. ආච්චිට කන්න ආසයි කියපු නිසා අම්මා පොඩ්ඩක් එක එක ටිකක් හැදුව.. කලින් අවුරුදු වල මේම නෙවෙයි ඉතින්.. මීට වඩා හදනවා.. මීට වඩා දේවල් හදනවා..

අම්මා මුලින්ම හැදුවේ කොකිස්.. කොකිස් හදන්නත් ලේසි නේ.. වෙලාවට වැඩි වෙන්න කලින් ගෑස් එකක් ගත්ත. දර ලිපේ එකගානට රස්නේ තියාගන්න බැරි නිසා එකේ හදන්න අමාරුයි.. කොකිස් නම් රහයි. හැබැයි කොකිස් මුලින්ම හදපු එක ගැන අම්මා දැන්ම පසුතැවෙනවා.. මොකද දැනටමත් බාගයක් විතර ඉවරයි ඒවා..

මුං කැරලි ත් පොඩ්ඩක් හැදුව අම්මා.. සමහර පාරවල මුං කැරලි බදිනකොට පුපුරලා යනවා.. කෑල්ල විදියට තීන්නේ නෑ. මේ පාර උනේ නෑ ඒම. මේ පාර බෝල හැදුවෙත් නෑ. කිරිබත් කෑල්ල හැඩේ ඒවා විතරයි.. ඒවත් රහයි. ඒවා පැණිරස නිසා කොකිස් තරම් කැවෙන්නේ නෑ..

තව අම්මා තල ගුලි හදන්න තල වේලෙන්න දාල තිබ්බ හෝදලා. තාම හදන්න ගත්තේ නෑ. අද රෑ හදාවි.. තව කැවුම් හදන කතවක් කීවා.. වෙයි ද දන්නේ නෑ.. මම නම් කෝමත් කැවුම් වලට එච්චර කැමැත්තක්‌ නෑ. ඒ හින්ද මම ඒ ගැන වැඩිය ඇහුවේ නෑ 🤭

රස කැවිලි හැරෙන්න අවුරුද්දට තව මෝජු, අච්චාරු වගේ දේවලුත් හදනවා නේ.. මේ පාර ඒවත් පොඩ්ඩක් අඩුයි.. බිලිං වගයක් හැදිලා තිබ්බ. ඒත් හොඳට වේලෙන්න වෙලාව මදි උනා නේ. ඒ හින්ද ඒවා හදන්න උනේ නෑ. ඒත් අම්මා ළුණු අච්චාරු හදලා තිබ්බ. මිරිස් ගොඩයි ඒකෙ. වම්බටු මෝජු හදපු නැති එක නම් ලොකු අඩුවක් මට‍.. කමක් නෑ ඉතින්..

ඔන්න ඕව හදලා තමයි අපේ ගෙදර පොඩ්ඩක් අලුත් අවුරුද්දට ලෑස්ති උනේ. ඒ අතරේ අපේ යාලුවෝ එකතු වෙලා මේ අවුරුදු දවස් වල අමාරුවේන් ජිවත් වෙන පවුලකට බඩු මල්ලක් දෙන වැඩක් කරා. ඒකටත් මම පොඩි සප් එකක් දුන්න.. කෝමද ඔයාලට අවුරුදු?? ඒකත් කියලා ම යන්ට.. සුභ අලුත් අවුරුද්දක්‌ වේවා ඔක්කොටම 🙏