ජුදාස් හාදුව

මන් කිව්වනේ අපි බුක් ෆෙයා ගියපු විස්තරේ. ගනිපු පොත්වලින් එකක් මන් ගෙදර අරන් ආවා. ඉතින් ඒක මෙසේ උඩම තියාගෙන හිට්යේ ඉඩ ලැබුන වෙලාවක කියවන්න කියල හිතාගෙන. වැඩට ගිහින් ආවම එන කම්මැලිකමේ තරම කියන්න වචන මතක් වෙන්නෙත් නෑ. පුදුම කම්මැලිකමක් ඒක.

ඉතින් ඒක නිසාම පොත මේසේ උඩ තියාගෙන හිටියා මිසක් පොත කියවන්න නම් වුනේ නෑ. ගෙනාපු ගමන් ආසාවට කියවපු පිටු ටික විතරමයි කියෙව්වේ. ඔන්න පෙරුම් පුරලා පෙරුම් පුරලා පොත කියවන්න ගත්ත. ඒක ආස හිතෙන පොතක්. එක පාරම පොතේ බාගයක් විතර කියවල ඉවර කරා.

ඉස්සර වගේ වුණා නම් නිදිමරාගෙන කියවන්න තිබ්බ. දැන් ඉතින් අයේ උදේ ඇහැරිලා වැඩට යන්න ඕන නිසා කලින් නිදාගන්න එක පුරුද්දක් වෙලා. මුල් ටික කියවද්දි ම ආස හිතුනම කියවල ඉවර වෙනකන් නින්ද යන්නේ නෑ. එහෙම පොතක් හම්බුනේ ගොඩක් කාලෙකින්. ඉස්සර ෂර්ලොක් හෝම්ස් කියවන කලේ වගේ.

එකේ භාෂා, කතා විලාශය මන් ආස කරන විදියට තිබුනේ. මේකේ පරිසරය අපි පොඩි කාලේ කියවපු පොත්වල තිබ්බ පැරණි ගම්බද බ්‍රිතාන්‍ය වගේ පරිසරය. ඉතින් මේ ආස හිතෙන කතාව එක හුස්මට කියවන් යන්න පුළුවන්. කතාවේ අග කොටස ලියවෙන්නේ ජර්මානු බැවේරියන් රාජ්‍යය වටේ.

කතා නායිකාව පිප්පා එවෙල්. ප්‍රීතිමත් ළමා කාලයක උරුමක්කාරියක්. ඒ ඇයගේ මව හා පියා සමග සිටි කාලය. ඒ දෙන්නගේ හදිසි වියෝවත් එක්ක ඇයට හා ඇගේ ලෝකේ වීරවරිය වන ඇගේ අක්කට ඇගේ සීයා ළඟට එන්න වෙනවා. එතනින් තමයි ඇගේ ජිවිත කතාව වෙනස් වෙන්නේ. අහිමිවීම් දෝත දරාගෙන තමයි ඇයට ඇගේ ජීවිතය ගෙවන්න වෙන්නේ.

මේක වික්ටෝරියා හෝල්ට්ගේ කතාවක්. පරිවර්තනය නයනා ජයසිංහගේ. ආශීර්වාද ප්‍රකාශකයන්ගේ පොතක්. මන් වැඩි විස්තර කියන්න යන්නේ නෑ. ඒත් මන් ආරාධනා කරනවා පොත කියවල බලන්න කියල. ජුදාස් හාදුව. ඒක අවසානයේදී ලස්සන ආදර කතාවක්. ඉතින්... කියවල බලමු. 😍