ලන්දේසීන් පැරදූ ශ්‍රී ලංකා ක්‍රිකට් කණ්ඩායමට තරගාවලි ජයක්

ශ්‍රී ලංකාවාසී සියලුම දෙනාට සුබ දවසක් වේවා. අද ශ්‍රී ලාංකික ක්‍රිකට් ලෝලීන්ට සුවිශේෂී දවසක්. 2023/07/ 09 වන අද දින ලෝක කුසලානයට සුදුසුකම් ලැබීමේ තරගාවලියේ අවසාන මහා තරගයට ශ්‍රි ලංකා කණ්ඩායම නෙදර්ලන්ත කණ්ඩායම සමඟ තරඟ වැදුනා. ඒ අපරාජිත කන්ඩායමක් ලෙස සිම්බාබ්වේ හරාරේ අග නුවරදී. එම තරගයෙන් ලකුණු 128ක සුවිශේෂී ජයග්‍රහනයත් සමඟ ලෝක කුසලානයට සුදුසුකම් ලබා සිටි ඔවුන් මෙම තරඟාවලියේ ශූරතාවය ද තමන් සතු කරගත්තා.

තරගයේ කාසිය වාසිය දිනා ගත් නෙදර්ලන්ත කන්ඩායමේ නායක Scott Edwards මුලින්ම පන්දුවට පහර දීමට ශ්‍රී ලංකා කණ්ඩායමට ආරාධනා කලා. එහිදී පන්දුවාර 47.5ක් තුල සියලු දෙනා දැවී ලකුණු 233ක් ලබා ගැනීමට ඔවුන් සමත් වුනා. එහිදි මුල් පෙල පිතිකරුවන් යම්කිසි ස්ථාවරයක් ලබා ගත්තද මැද පෙල හා පසුපෙල පිතිකරුවන් අඩු ලකුණු සංඛ්‍යාවකට දැවී ගියා. එහිදී ආධුනික ක්‍රීඩක සහන් ආරච්චිගේ ශ්‍රී ලංකා ඉනිමේ නැංගුරම වෙමින් වටිනා ලකුණු 57(71)ක් ලබාගැනීමට සමත් වුනා. පන්දු යැවීමේදී Van Beek කඩුලු 2 ක්, Ryan Klein කඩුලු 2 ක්, Vikramjit Singh කඩුලු 2ක්, Aryan Dutt එක් කඩුල්ලක් දවාගැනීමට සමත් වුනා.

_{Source Link}
පිලිතුරු ඉනිමට පිටියට පිවිසි නෙදර්ලන්ත කන්කණ්ඩායට පන්දුවාර 23.3ක් තුල සියලු දෙනා දැවී ලබාගත හැකි වූයේ ලකුණු 105ක් පමණි. මෙහිදී ශ්‍රී ලංකා කණ්ඩායමේ වේග පන්දු බලඇණියේ හා දඟපන්දු බල ඇණියේ දක්ශතා කැපී පෙනුනා. ඒහිදී මහීෂ් තීක්ෂණ කඩුලු 4ක් , දිල්ශාන් මධුසංක කඩුලු 3 ක් , වනිඳු හසරංග කඩුලු 2ක් ලබා ගැනීමට සමත් වුනා. මෙහිදී ශ්‍රී ලංකා කණ්ඩායමේ පන්දු රැකීමද ඉහල මට්ටමක පැවතුනා. තරඟයේ පලමු කඩුල්ල ලබාගත් උඩපන්දුව අපහසු උඩ පන්දුවක්. එහිදී අසලංක එය මනාව රැකගත්තේ ශ්‍රී ලංකා පන්දු රැකීමේ දක්ෂතාවය විදහා පෙන්වමින්. ඒ වගේම තරඟයේ හැරවුම් ලක්ෂයක් වූ නෙදර්ලන්ත නායකයා දුවද්දී දැවී ගිය අවස්තාවේද ඔවුන් පන්දු රැකීමේ දක්ෂතාවය පෙන්නුම් කලා.

_{Source Link}
ඒ අයුරින් අපරජිතව තරගාවලි ජයක් ලබාගැනීමට ශ්‍රී ලංකා කණ්ඩායම සමත් වුනා.එහිදී තරඟයේ වීරයා සම්මානය දිල්ශාන් මධුසංක දිනා ගනිද්දී තරගාවලියේ වීරයා සම්මානය සිම්බාබ්වේ කණ්ඩායමේ Sean Williams හට හිමි වුනා. ඒ ඔහු පිත්තෙන් ලකුණු 600ක් ලබාගෙන දැක්වූ දක්ෂතාවය වෙනුවෙන්.

ඒ ආකාරයෙන් ජයග්‍රහණ පිපාසයෙන් පසුවූ ශ්‍රි ලංකා කණ්ඩායම තරඟාවලි ජයග්‍රහණයකින් තරගාවලිය අවසන් කරනවා. ඉදිරියේදී ඉන්දියාවේදී පැවැත්වීමට නියමිත ලෝක කුසලාන තරගාවලියේදිත් මෙවැනි දක්ෂතා දැක්වීමට ඔවුන්ට හැකිවේවායි ප්‍රාර්ථනා කරනවා.

ස්තූතියි!