The Diary Game (29-07-2024) A Beautiful Day!

آللہ تعالیٰ کے نام سے شروع کرتا ہوں۔ جو بڑا مہربان نہایت رحم کرنے والا ہے۔ اور تمام جہانوں کا پالنے والا ہے ۔میں ٹھیک ہوں اور میں امید کرتا ہوں آپ سب دوست خیر خیریت سے ہوں گے۔ آللہ تعالیٰ آپ سب کو صدا خوش رکھے آمین

آج میں نے ایک ڈائری بنائی ہے۔ جو آپ کے ساتھ شیئر کر رہا رہا ہوں۔ مجھے امید ہے آپ کو پسند ائے گی۔

آج میں صبح تقریبا چار بجے کے قریب اٹھا ۔اس کے بعد میں غسل کیا پھر میں مسجد چلا گیا۔ مسجد جا کے میں نے فجر کی نماز پڑھی۔نماز پڑھنے کے بعد میں واپس گھر آگیا ۔

جب میں مسجد سے گھر آیا تو میں نے تھوڑا آرام کیا پھر میری بیوی اٹھ گئی۔ اور ناشتہ بنانے لگ گئی۔ تو میری بیوی نے پوچھا کہ آپ نے کس سے ناشتہ کرنا ہے تو میں نے کہا کہ گھی والا پراٹھا بنا دیں ۔اج میں خالی گھی والا پراٹھا کھاؤں گا۔ تو میری بیوی نے میرے لیے گھی والا پراٹھا بنایا۔ اور میں نے گھی والا پراٹھا کھایا۔

ناشتہ کرنے کے بعد میں باہر مہمان خانہ والی حویلی میں گیا ۔اور میں نے دیکھا کہ مہمان خانہ کی حویلی کے باہر گیٹ کے ساتھ کانٹے دار جھاڑی ہے۔ جو کہ کافی بڑی ہو چکی ہے۔ اور سڑک پر آنے جانے والے لوگوں کو رکاوٹ پیدا کرتی ہے تو میں نے کلہاڑی کے ساتھ جھاڑی کو کاٹ دیا۔ اور کاٹ کے حویلی کی دیوار کے ساتھ سائیڈ پہ رکھ دیا۔ تاکہ آنے جانے والے لوگوں کو مشکلات پیدا نہ ہو۔

جھاڑی کاٹنے کے بعد پھر میں کھیتوں میں گیا۔ اور وہاں جا کے جانوروں کے لیے جو ار کاٹی۔ اور جوار کاٹ کے گھر لے آیا ۔پھر اس کا مشین میں کترا کیا۔ کترا کرنے کے بعد جانوروں کی کھلیوں میں ڈال دیا۔ اور جانور کھانے لگ گئے۔ جب جانوروں نے چارہ کھا لیا تو میں نے ان کو باہر کھیتوں میں جا کے درختوں کے نیچے باندھ دیا تھا کہ گرمی سے محفوظ رہیں۔

جانوروں کو درختوں کے نیچے باندھنے کے بعد میں اپنے ڈیرے پر بیٹھ گیا کیونکہ ہمارے درختوں کی چھاؤں بہت ٹھنڈی ہے۔ گھر پنکھے کی ہوا سے کافی بہتر ہے۔ تو میں کچھ دیر بیٹھا رہا۔ ہم نے اپنے ڈیرے پر نلکا لگایا ہوا ہے ۔تو مجھے بہت گرمی لگ رہی تھی۔ تو میں نلکے پر نہایا۔ دوستو بزرگ کہتے ہیں کہ ساون کے مہینے میں زیادہ نہانا چاہیے اس سے صحت اچھی رہتی ہے ۔تو میں نلکے کے نیچے خوب نہایا اور اپنے درختوں کے نیچے ٹھنڈی ہوا کو انجوائے کیا۔

پھر میں گھر چلا گیا۔ گھر جا کے تھوڑا آرام کیا پھر دوپہر کے کھانے کا ٹائم ہو گیا ۔دوپہر کو کھانا کھایا۔ کھانا کھانے کے بعد مجھے فون آگیا ایک دوست کا کہ مجھے آپ سے ملنا ہے کوئی کام ہے ۔تو میں نے کہا آپ میرے مہمان خانہ پر آ جائیں۔ وہاں بیٹھ کے بات کرتے ہیں ۔تو ایک مہمان آگیا اس کو مہمان خانہ پر بٹھایا۔ اور اس سے پوچھا کہ چائے پینی ہے یا بوتل تو اس نے کہا کہ گرمی بہت زیادہ ہے ٹھنڈی بوتل منگوا لیں۔ تو اس کے لیے بوتل منگوائی۔ مہمان بوتل پی کر بہت خوش ہوا ۔میں نے بھی مہمان کے ساتھ بوتل پی۔ اور مہمان کے ساتھ کچھ وقت گزارا۔

جب مہمان چلا گیا تو تقریبا دو بجے کے قریب میں باہر مہمان خانہ پر بیٹھا تھا۔ کہ موسم ٹھنڈا ہو گیا ۔اچانک بدل آگئے ٹھنڈی ہوائیں چل گئی۔ میں نے قمیض اتار کر باہر حال میں بیٹھ گیا ۔اور موسم انجوائے کرنے لگ گیا۔ بہت ہی اچھا اور دلکش موسم بن گیا۔ اور گرمی کا زور ٹوٹ گیا۔

جب بچوں نے دیکھا کہ موسم ٹھنڈا ہو گیا ہے۔ تو وہ بھی باہر مہمان خانہ والی حویلی پر آ گئے۔ بچوں نے بھی خوب انجوائے کیا۔ میری بچی نے سائیکل نکال لی اور حویلی کے حال میں سائیکل چلانے لگ گئی ۔اور موسم ٹھنڈا دیکھ کر بہت خوش ہوئی۔ میں نے اپنی بچی کی تصاویر بنائی۔ میں بھی بہت خوش ہوا۔ پھر ہلکی ہلکی بارش شروع ہو گئی۔ اور بچوں نے بہت انجوائے کیا۔

پھر جب بارش رکی تو میں حویلی سے گھر آگیا۔ گھر آیا تو پھر آرام کیا پھر تقریبا چھ بجے کے قریب ہلکی ہلکی بارش شروع ہو گئی۔ اور موسم بہت ٹھنڈا ہو گیا ۔اتنے میں شام ہو گئی تو شام کو میری بیوی نے کہا کہ آج ٹھنڈ بن گئی ہے۔ اور میں آپ کو پکوڑے بنا دیتی ہوں۔ تو میں نے کہا ٹھیک ہے۔ تو میری بیوی نے پکوڑے بنائے اور ساتھ تندورکی روٹی بنائی۔ تو شام کا کھانا میں نے پکوڑوں اور تندور کی روٹی کے ساتھ کھایا۔ کھانا کھا کے مجھے بہت لطف آیا ۔کھانا کھانے کے بعد میں نے گھر میں تھوڑی سی چہل قدمی کی۔ تاکہ کھانا ہضم ہو جائے۔ اس کے بعد میں آرام سے سو گیا۔