වාහන මිල මාෆියාව - 5% to Sl Charity

ලොකූ වැස්සක් තියෙන වෙලාවක ලැබුණු පොඩි විවේකයක් අතරේ ඔන්න මං ලිපියක් ලියන්න පටන්ගත්තා. වැස්ස ගැනනම් මේ ටිකේ කියන්න දේවල් ගොඩයි. ඒ ගැන Contest එකේදී කතාකරන්න තියාගෙන මං අද වෙන මාතෘකාවක් ගැන කතා කරන්නයි යන්නේ. මේ ලිපියටම අදාලවෙන කරුණු ටිකක් මං කලින් ලිපියකත් ඔයාලට අරගෙන ආවා. ඉතින් එකේදි මං ඉදිරිපත් කරලා තියෙන කරුණුවලට අමතරව තවත් දේවල් කිහිපයක් ගැන තමයි මං අද කතා කරන්නේ.

Source

මේ දේවල් මං අත්දැකීමෙන්ම කියන දේවල්. ඔයාලටත් මෙහෙම අත්දැකීම් ඇති වාහන ගන්න හොයපු කෙනෙක්නම්. මේ දවස්වල මාත් වාහනයක් ගන්න හොයන හින්දා තමයි මට මේ දේවල් වලට මුහුණදෙන්න උනේ. අපි සාමාන්‍යයෙන් කරන්නේ අන්තර්ජාලයේ තියෙන දැන්වීම් බලලා වාහනයක් තෝරාගෙන ඒකෙ තියෙන දුරකථන අංකයට කතා කරන එක. එතැනදී ඇතිවෙන සංවාදයට අනුව අපි තීරණය කරනවා ඒ වාහනය අපිට ගැලපෙනවද නැද්ද කියනඑක. ඉතින් ඒ වහනය හොඳයි කියලා හිතුනොත් අපි ගිහින් බලලා හිමිකරුත් එක්ක එකඟතාවයකට ඇවිල්ලා වාහනය මිලදී ගන්නවා. ඕක තමයි ගොඩක් අවස්ථා වලදී වෙන ක්‍රියාවලිය.

ඉතින් මීට අමතරව ඉන්නවා වාහන බ්‍රෝකර් වැඩ කරන අය. මෙන්න මේ අයගෙන් කොටසකුත් ඉන්නවා මිල ඉහලයන එකට ප්‍රධානවම බලපාන. මං වාහනයක් හොයද්දි මට හම්බුනා අන්තර්ජාලයේ විවිධ වාහන වලට එකම දුරකථන අංකය යටතේ ලංකාවේ විවිධ ප්‍රදේශවලින් දැන්වීම් දාලා තියෙන අයව. ඒ අංකයට මං එක එක දුරකථන අංක වලින් කතා කරලා දැන්වීම් දාලා තියෙන වෙනස් වෙනස් වාහන ගැන විස්තර ඇහුවා. එයා ලංකාවේ ප්‍රදේශ කිහිපයකම තියෙන වාහන එයාගේ ඒවා විදියට තමයි කතාව කරගෙන ගියේ. ඉතින් ඒ එක එක වාහනයට එයා කීව මිල මං සටහන් කරගත්තා. මට තේරුණා මෙතන වංචාවක් තියෙනවා කියලා. ඒත් ඉතින් ඔප්පු කරගන්න විදියක් නෑනේ. ඔහොම ඉද්දි මං දැක්කා එයා විකුනන්න දාලා තිබුණු වාහනයක් වෙන කෙනෙක් විකුනන්න දාලා තියෙනවා. මං ඒ වෙලාවේම ඒ දැන්වීමේ තිබුණු අංකයට කතා කලා. කලින් කෙනා මට ගාල්ලේ තියෙනවා කීව වාහනේ ඇත්තටම තියෙන්නේ පානදුරේ. මේ කෙනා තමයි ඇත්තම අයිතිකාරයා වාහනේ. කලින් කෙනා මට ලක්ෂ 18.50 ට දෙන්නම් කීව වාහනේ ඇත්ත අයිතිකාරයා ලක්ෂ 16.25 ට දෙන්නම් කීවා.

Source

ඉතින් අර මනුස්සයා අතරමැදියෙක් වෙලා වාහනේ විකුණන ඒකෙන් ලක්ෂ 2.25 ක ලාබයක් ලබනවා. ඉතින් ඒ වාහනේ අතරමැදියා දාපු දැන්වීම දකින වෙන කෙනෙක් තමන්ලඟ තියෙන ඒ තත්වයේම වාහනයකටත් ඒ මිලම දාලා දැන්වීමක් දානවා ඒක තමයි වර්තමාන මිල කියලා නිගමනය කරලා. අපි හැමෝම කැමතියිනේ අපිට ලාභයක් ලැබෙනවට. ඉතින් ඔන්න ඔය වැඩේ තමයි දිගින් දිගටම වෙන්නේ. ඊටපස්සේ අර අතරමැදියා බලනවා හැමෝම මගේ මිලම දාලා හින්දා මට දැන් ලාභයක් නෑ. ඒ හින්දා මං තව ටිකක් ගණන් වැඩි කරනවා කියලා හිතලා ඊළඟට තියෙන වාහනවල මිල වැඩියෙන් දාලා දැන්වීමක් දානවා. සුපුරුදු විදියට ඒක සාමාන්‍ය මිල වෙනවා. ඉතින් මේවගේ මිල පාලනය කරන්න නියම විදියේ වැඩපිලිවෙලකුත් නැති හින්දා වාහනයක් ගන්න ඉන්න කෙනාට ඒකෙ ගොදුරක් බවට පත්වෙන්න වෙනවා. මේක මට අහුඋන එක සිද්ධියක් විතරයි. තවත් මොනතරම්නම් මේ වගේ දේවල් වෙනවා ඇත්ද...