සිහිවටන

අපි පුංචි කාලේ ඉඳන් එක එක පුරුදුවලට හැඩ ගැහිලා ඉන්නවා . සමහර ළමයි ලස්සන ලස්සන දේවල් එකතු කරනවා. විවිධ විනෝදාංශ වලට පුරුදු වෙලා ඉන්නවා. මේ වගේ එක එක්කෙනාට ආවේණික දේවල් තියෙනවනේ. ඒ අතරින් සමහර අය තමන්ගේ පුංචි කාලේ පාවිච්චි කරපු දේවල්, තමන්ට ලැබුණු ලස්සන තෑගි මතක සටහන් විදියට අවුරුදු ගාණක් තිස්සේ පරිස්සං කරනවා. අන්න ඒ වගේ එක්කෙනෙක් තමයි මම. ඉතින් අද උදේ අල්මාරිය ටිකක් අස් පස් කරනකොට පරණ මතක සටහන් කිහිපයක් හමු වුණා .

මේ ගණක රාමුව මතක ඇති විදියට 2003 අවුරුද්දෙ වගේ ඒ කියන්නේ මම 2 වසරෙදි වගේ මට තාත්තා අරන් දීපු එකක්. මතක විදියට මම ඊට කලින් පාවිච්චි කරපු එක නම් මම කැඩුවා . හරියටම ඒ ගැන මට මතකයක් නෑ . කොහොම වුණත් මේක තමයි මට අරන් දීපු අන්තිම ගණකරාමුව. අදටත් ඒක මම ගොඩක් පරිස්සමින් අරන් තියලා තියෙනවා. අක්කලගෙ බබාලා කොච්චර ඉල්ලුවත් ඒක දෙන්න නං ලෝබයි මම.

ගණකරාමුවත් එක්කම මම අරන් තියපු තව දෙයක් තමයි මේ පන් පර්ස් එක. මම දන්න විදියට ඒක ලොකු අක්කට හම්බවුන තෑග්ගක්. මම පුංචි කාලේ කරදර කරල ඉල්ලලා ඉල්ලලා එයා මට ඒක දුන්නා. කාලයක් මම ඒකෙ ආසාවට පැන්සල් දාගෙන ඉස්කෝලෙත් අරන් ගියා. පස්සේ ඒක මතක හිටින දෙයක් විදියට තියාගන්න ඕනි කියලත් මට හිතුනා. ඒ මම පහ වසරෙදි විතර. ඉතිං අද වෙනකම්ම එක පරිස්සමට මං ළඟ තියාගෙන ඉන්නවා.

මේ සෙල්ලම් පිස්තෝලයත් මම පුංචිම කාලෙ තාත්තා අරන් දීපු එකක්. කොයි කාලෙද කියල නම් මතක නැහැ. ඒක මට අරන් දීපු එකක් උනාට එක පාවිච්චි කරන්න නම් තාත්තා මට ඉඩ දුන්නේ නෑ. මොකද ඒක වෙඩි රෝල් දාලා පත්තු කරන එකක්. ඉතිං මං හරි බයයි. සෙල්ලම් කරලා ඉවර උන කාලෙක කොහේ හරි දාල තිබුනට මේක පහුගිය දවසෙ මට හම්බ උනේ වුණේ තාත්තාගේ බෑග් එකක තිවිලා. ඒක මට වටින්නේ නැති උනත් වුණත් තාත්තට නම් ගොඩක් වටිනවා වගේ.

මේ කැමරාව ලොකු අක්කා මට අරන් දුන්නේ 2008 වගේ.ඒක fujifilm 35mm manual compact camera එකක්. එක බැටරියෙන් වැඩ කරන එකක්. දැන් නම් පාවිච්චි කරන්න බෑ. හැබැයි තාම ලස්සනට තියෙනවා. අන්තිමට දාපු codac රෝල් එකත් තාම ඇතුලේ.

මේ ෆොටෝ එකත් ගොඩක් වටින ෆොටෝ එකක්. අපි 11 වසර අන්තිමේ අපේ ගණිතය පංතිය ඉවර උනාම සර් අපිට මතක සටහනක් විදියට දීපු ෆොටෝ එකක්. මේක අනිවාර්යයෙන් ම @randulakoralage , @punsari වගේම @kalana ලගත් ඇති. මේ ෆොටෝ එකට පුළුවන් හරිම ලස්සන මතක සටහන් ගොඩක් අපිට ආයෙමත් ගේන්න.

ඉස්සර මට පොඩි විනෝදාංශයක් තිබුණා කොහේ හරි ට්‍රිප් එකක් ගියාම නූල් එකතු කරගෙන එන. මම කවදාක්වත් ඒ ගන්න නූල් අතේ නම් බඳින්නේ නැහැ. ආසාවට එකතු කරලා අල්මාරයේ කන්ණාඩිය ලඟ එල්ලලා තියෙනවා. ඒ අතරේ යාලුවෝ ට්‍රිප් ගියාම අරගෙන ආපු නූල් පවා තියෙනවා.

ඉතින් මේවා දකිනකොට හරි සතුටුයි. පුංචි කාලේ අපිට අමතක නොවන එක මතකයක් හරි මේ නූල් වල ගැබ් වෙලා තියෙනවා. මේ වගේ එකතු කරපු පුංචි පුංචි දේවල් ඔයාලා ළඟත් ඇති. ඒ දේවල් ප්‍රමාණයෙන් පුංචි උනාට ඒවත් එක්ක තියෙන මතකයන් නම් ගොඩක් ලොකුයි. කවදහරි දවසක ආයෙමත් ඒවා බලලා අපිට සතුටු වෙන්න පුළුවන් වෙයි. ❤