හොඳම දේ දරුවන්ට ද?
හොඳම දේ දරුවන්ට . මේක අපි පුංචි කාලේ ඉඳලා අහල තියෙන කියමනක් . අහල විතරක් නෙවෙයි අත්විඳලා තියෙන දෙයක් . ගෙදරට මොන දේ ගෙනාවත් අම්මලා තාත්තලා අපිට දෙන්නෙ හොඳම ටික. කෑමක් ගෙනාවත් අම්මයි තාත්තයි අපිට ඒ දේවල් දෙන්නෙ, දරුවන්ට හොදම දේ දෙන්න ඕන නිසා. හැබැයි අද වෙනකොට දෙමව්පියන්ට වත් දරුවන්ට හොදම දේ දෙන්න පුලුවන්ද ? අන්න ඒ ගැන චුට්ටක් කතා කරන්න මට හිතුණා.
ලංකාව ගැන අද වෙනකොට කතා කරන්න වචන නෑ. ඒ තරම් කළකිරීමක් හිතට දැනෙන්නේ රටේ පාලකයන්ගේ නොමනා තීරණ නිසා, අද හැමෝම දුක් විඳින නිසා . වැඩිහිටියෝ කිව්වට දරුවන්ට හොඳම දේ දෙනවා කියලා අද වෙනකොට දරුවන්ට හොදම දේ දෙන්න කාටවත් පුලුවන්ද ? මිනිසුන්ට අතේ සතේ නැතුව දුක් විඳින කොට දරුවන්ට හොඳම දේ තියා කිසිම දෙයක් දෙන්නෙ කොහොමද .
රට පාලනය කරන්නෙත් දරුවෝ කිහිප දෙනෙක්ගේ අම්මලා තාත්තලා . එයාලා තමන්ගේ දරුවන්ට හොදම දේ දෙනකොට අනිත් මිනිස්සු කොහොමද තමන්ගෙ දරුවන්ට හොඳම දේ දෙන්නෙ කියලා චුට්ටක් හිතලා බැලුවා නං අද මේ තත්වය ලංකාවට සිද්ධ වේවිද . හරියට හිතුවොත් ඇත්තටම නැහැ . ලංකාවෙ මෙච්චර කාලයක් පාලනය කරපු මිනිසුන්ගෙන් බහුතරයක් තමන්ගෙ දරුවො ගැන හිතුවා මිසක් රටේ අනිත් කිසිම දරුවෙක් ගැන පරාර්තකාමී විදියට හිතලා නැහැ . එහෙම හිතුවා නම් තමන්ගේ දරුවන්ට වගේම අනිත් මිනිස්සුන්ගේ දරුවන්ටත් හොඳම දේ කෙසේවෙතත් හොඳින් දෙයක් දෙන්න පුළුවන් විදිහට විදිහට පාලකයෝ තීරණ ගන්නවා .
අද වෙනකොට පැනඩෝල් පෙත්තේ ඉඳල
ගෑස් ටැංකිය වෙනකම්ම තිබුන මිල දෙගුණ තෙගුණ වෙලා . ඉහල තියෙන්නේ මම මුහුණු පොතේ දැකපු පෝස්ට් එකක් . මාස කීපයකට කලින් රුපියල් තුන් දහස් ගානකට අපිට ගන්න පුළුවන් වෙච්ච බඩු ටික ම අද ගන්නවනම් ඒ වියදම දෙගුණයකටත් වඩා වැඩියි . ඒකෙ ප්‍රතිඵලයක් විදිහට hanke's inflation dashboard එක අනුව ලංකාව ලොව 6 වෙනි තැනට පත් වෙලා.
හිතන්න, මේ රට කොච්චර පහලට වැටිලා ද කියලා.
අපි මේ ගෙවන්නේ අපේ ජීවිතයේ හොඳම කාලේ .හරියට කියනවා නම් ජීවිතය විඳින්න , ජීවිතය මොකක්ද කියලා කියල හරියටම ඉගෙන ගන්න ඕන කාලෙ. හැබැයි එක්තරා කොටසකගේ නොමනා තීරණ නිසා, නොමනා පාලනය නිසා අපිට විතරක් නෙමෙයි අපිට වඩා පුංචිම දරුවන්ටත්, නොතේරෙන දරුවන්ටත් දුක් විඳින්න සිද්ධ වෙලා .
තරුණ වයසෙදි ඕනම ගෑණු ළමයෙක්ගෙ, පිරිමි ලමයෙක්ගේ හීනෙ වෙන්නේ හොඳ රැකියාවකට යන එක ,තමන්ටම කියලා නිවසක් හදා ගන්න එක , තමන්ගෙම කියලා වාහනයක් මිලදී ගන්න එක ,අම්මලා තාත්තලාට හොඳින් සලකන එක . මොන තරාතිරමක දරුවෙක් වුණත් නිසි වයසට එද්දි ඒ හීන වලින් හිත් පිරෙනවා . අපේ හිත්වලත් පුංචි කාලේ එහෙම හීන තිබුනට අද වෙනකොට ඒ ගොඩක් හීන, හීන බවටම පත් වෙලා .
ඉතිං හිතල බලන්න , හොඳම දේ දීලා තියෙන්නේ දරුවන්ට ද ?
මට දුකම මේ මොකුත් දන් නැතිව, මේකට වග කියන්න ඕනෙත් නැතිව දුක් විඳින අපේ චූටි පරම්පරාව ගැන.
Hariyatama hari. Anagathe gena hithala thama hema deyak ma karanna oni...
Harima sensitive topic ekak. Demaupiyanta denena hegeema ethin hari dukai hithuwama.
Me hamadeyakma dakiddi matanm hitenne jeewithe nidahase inna ona kale wena aya athi karapu prashna nisa api duk widinawa kiyala
අරගලයට තාමත් සාධාරණයක් වෙලා නෑ.. මේ පාදඩ පාලකයෝන්ගෙන් කවදා අපි ගැලවෙයිද දන්නෑ 😐 හොදම කාලේ අපේ නිකරුනේ ගෙවිලා යනවා..☹️
minissu paksha walata maraganna ekai thaman kamathi pakshaya mona warada karath eka nodakka wage idapu ekai thamai minissungeth lokuma waradda. den wath eka niwaradi karagathtot hodai.
mathak weddi hitha wadiyenma ridena deyak thamai meka. mulin corona awilla campus kale mul bage lept. den me rajaye dewal nisa
හරිම ලොකු ඛේදවාචකයක්. යාලුවො, තරුණයො එක්ක කතා කරද්දි තේරෙනවා කොච්චර පීඩනයකින්ද ඉන්නෙ කියල. හැමෝගෙම හීන එකින් එක කඩාගෙන වැටෙනව 😐