අලස සුවය

_{From Unsflash}

රූරා වැටුණ මහා වරුසාවට මොහොතකට මත්තෙන් නිවසට විදුලිය සපයන ප්‍රධාන රැහැන පෝක් හඬ නගමින් බිමට පත්විය. ඊට ඉහලින් විහිදී තිබුණු ඩොන්කා අත්ත නොමැති වීමෙන් සිදුවන්නට ඇත්තේ කුමක්ද යන වග වටහා ගැනීමට අපහසු නොවීය. එසැනින් විදුලි බලමණ්ඩලයේ ස්වයංක්‍රීය පැමිණිලි අංකය වෙත ඇමතූ මා වහාම පැමිණිල්ලක් ගොනු කරෙමි. මේ මොහොතේ පටන් වැඩ නිම කරන බව ආයතනයට දැනුම් දුන් මම ඇඳ ඇතිරිල්ලක් සහ කොට්ටයක් රැගෙන ගබඩා කාමරයට පිවිස්සෙමි.

අප නිවසේ මට සුවපහසුම මෙට්ටය පවතින්නේ ගබඩා කාමරයේය. අපිළිවෙලට ස්ථානගත කර ඇති මහෝගනී පිඟන් අල්මාරියක්, මිත්තනියගේ කාලයේ සිට පවතින සිංගර් මහන මැසිමක්, පරණ රුපවාහිනී රාක්කයක් මෙන්ම යතුරු අඬු මිටි ආදී ආම්පන්න එල්ලූ ලෑල්ලක් මගින් මෙම කාමරය ගබඩා කාමරයකට වඩාත් උචිත කරේය.

සීතල මහ වැස්සක වුවද උණුසුම රඳන මේ උණුසුම් කාමරයේ සයනය මත මම සුවපහසුව වතිරුනෙමි. ඇස්බැස්ටෝස් වහලය මතින් නැගෙන හඬ සිතින් ප්‍රති නිර්මාණය කර ගැනීමට මම උත්සහ කලෙමි. "බ්ලොප් බ්ලොප්.... රක රක රක.." නිවස තුලින් මීක් හඬක් නොනැගෙන පරිසරයක් තුල වහල මතින් නැගුන මේ නාදය මසිතේ පහන් හැඟීමක් ඇති කරේය.

_source

සීතල මහ වැස්සක වුවද උණුසුම රඳන මේ උණුසුම් කාමරයේ සයනය මත මම සුවපහසුව වතිරුනෙමි. ඇස්බැස්ටෝස් වහලය මතින් නැගෙන හඬ සිතින් ප්‍රති නිර්මාණය කර ගැනීමට මම උත්සහ කලෙමි. "බ්ලොප් බ්ලොප්.... රක රක රක.." නිවස තුලින් මීක් හඬක් නොනැගෙන පරිසරයක් තුල වහල මතින් නැගුන මේ නාදය මසිතේ පහන් හැඟීමක් ඇති කරේය. සතියක් පුරා නාවිධ නාද වලින් පිරී ගිය කන් පෙති වලට නිහඬතාවය තරම් තවත් ඔසුවක් කොයින්ද?

එම නාදය සිතින් ප්‍රතිනිර්මාණය කරමින් මා සුවබර නින්දකට පිවිසුනෙමි. නැවත මගේ දැහැන බිඳී ගියේ පියාගෙන් ලැබුන දුරකථන ඇමතුමත් සමඟය. "ගාල්ලටත් කතා කරල් කියන්න" එපසින් ඇසුණි. අලස සුවය මදකට පසකින් තබා තවත් දුරකථන ඇමතුමක් ගැනීමට මම සාලය වෙත පියමැන්නෙමි .

_{5% to SL-Charity}