සාරි හරි ගණන්

_{Photo by soumya parthasarathy on Unsplash}

හැම සති අන්තෙකම කොහේ හරි රෝන්දයක් යන එක දැන් පුරුද්දක් වෙලා. ඉතින් සතිය උනත් ගෙවෙනකම් බලන් ඉන්නෙ සති අන්තෙ කොහේ හරි ගමන් ගතවෙන හීනෙකුත් එක්ක තමයි. කොහොම හරි අද ගාලු යන්න තිබුන අම්මට සාරියක් ගන්න. ලබන මාසේ එන ලඟම හිතවත් ගෙනෙක්ගේ wedding එකකට ගැලපෙන සාරියක් තමයි අපට ගන්න ඕන වෙලා තිබුනේ.

ඉතින් ලඟම නගරය ගාල්ලට තමයි අපි සුපුරුදු විදියට යන්න හිතුවෙ. අද කතාව අන්තිමට මම ඔයාලට suggest කරන්නම් අද දවසේ learnings වලින් කරණු කිහිපයක්.

ඉතින් අපි මුලින්ම ගියේ කාන්තිසිරි එකට. ඉතින් මම කවදත් සාරියක් ගන්න නම් මුලින්ම බලන්නේ මේකේ තමයි. මොකද මේ කඩේ වෙනත් කඩ වලට වඩා උනන්දුවෙන් සාරි ටික එලියට ඇදල පෙන්නනවා. ඉතින් ගියාම මුලින්ම ඇහුවේ budget එක කියද කියල. මම convocation එකට ඇදපු velvet සාරී එකත් දෙසැම්බර් වලත් 6000 කට ආසන්න වුණ නිසා මම 10 000 ට අඩු සාරී බලමු කියල යෝජනා කරා. දැන් සාරි හරිම ගණන් කියල එතකොට තමයි මට තේරුනේ. අපට පෙන්නන්න ගත්තේ සේරම 8500 න් උඩ සාරි. හැබැයි අපට ඕන වුන colors සහ designs ඕන තරම් මේ කඩේ තිබුන. අපට උදව් කර කෙනත් පැයකට ආසන්න ප්‍රමාණයක් සාරි විශාල ප්‍රමාණයක් අපට පෙන්නුවා. අම්මට හිත ගිය සාරි කිහිපයක්ම මේකේ තිබුනා. එකෙනුත් වැඩියෙන්ම හිත ගියේ beige color, material එකෙත් පොඩි pattern එකක් තියන එකකට. ඉතින් ඒක 15300 ක් වුණා.

අපි තව ටිකක් බලල එමු කියල එලියට ආව. ඊට පස්සේ ඒ කිට්ටුව තිබුන තව පොඩි කඩේකට ගියා. එතනත් හිටි අය නම් අපට ගොඩක් උවමනාවෙන් සාරි පෙන්නුවා. එත් අපි හිතන් හිටපු design නම් තිබුනේ නැහැ. මිල ගණන් නම් කන්තිසිරි එකට වඩා මේකේ අඩුයි.

එකෙන් පස්සේ අපි Hemara Bridal එකට ගියා. එතන අය නම් ඒ හැටි ගණන් ගත්තේ නැති පාටයි. එකම වර්ගයේ designs කිහිපයක් තමයි අපට පෙන්නුවේ. ඒ හැම එකක්ම කාන්තිසිරි එකට සාපේක්ෂව රුපියල් 1000, 2000 වගේ ගණන් වලින් වැඩියි. ඉතින් එතන හිත ගිය සාරිය රුපියල් 29 000ක්. ඉතින් එච්චර එකක් ගන්න මමත් ලේස්ති වෙලා ගියේ නැහැ. කොහොමටත් මීට අඩු ලස්සන එකක් අපි කලිනුත් බලල තිබුන නිසා අපි මුකුත් නොකිය එතනින් ආව.

ඊළඟට මහා වීදියේ තව කඩ කීපෙකට ගිහින් බැලුවත් ඒ ඔක්කොම හරිම පරණ සහ too much designs තමයි තිබුනේ. ඊළඟට නිකමට richlook එක පැත්තට හැරිලා යද්දී අහම්බෙන් තමයි දැක්කේ සැලෝන් nayanasari එකෙත් සාරී collection එකක් තියනව. එතන හිටි පිරිමි ළමයත් බොහොම දක්ෂ විදියට අපට පාට සහ ගැලපෙන සාරී හොයල දුන්න. ඇත්තටම එතන ටිකක් modern සාරි collection එකක් තියනව. ඔයාලත් decent color එකකින් සාරී එකක් හොයනවා නම් මුලින්ම මෙතනින් ගිහින් බලන්න. මෙතන තිබ්බ හරිම ලස්සන සාරියකට අපේ හිත ගියා. එතන හිටි පිරිමි ළමය ඒක අම්මට ලස්සනට අන්දල පවා බැලුව. මේකේ මිල රුපියල් 16900 ක් තමයි තිබුනේ. අය්යෝ සල්ලි :(. ඉතින් කොහොමහරි bargain කරලා 15700 කට අඩු කරගන්න පුළුවන් වුණා.

හැබැයි සමහර විට මට කොළඹ ගියා නම් මීට වඩා අඩු ගානකට මේ වගේම සාරි එකක් ගන්න තිබුණ. කොටින්ම මම convocation එකට මෙහෙන් ගත්ත සාරිය වගේම, ඒත් two tone යන සාරී එකක් රුපියල් 3000 ගානකට තර්මිලා දෙහිවල Glitz එකෙන් ගත්තා.

කොහොම උනත් දැන් මේ ඉහල යන ඇදුම් මිල එක්ක වැඩියෙන්ම ලාබදායක වෙන්නේ thrift shopping තමයි. ඒ ගැන අපි වෙන දවසක කතා කරමු. කොහොම උනත් සාරි දැන් මිලයි.