පරාජයේ උරුමක්කාරයෝ| The Inheritence of Loss!

ගොඩ කාලෙකට පස්සෙ ආයෙම පොතක් කියවන්න ගත්තා. අමාරුවෙන් හොයල හොයල හොයාගත්ත පොත. 2006 බුකර් සම්මානය දිනපු නවකතාව කියලා උඩින්ම ලියලා තිබිලා, පොතේ පිටු කීපයක් කියෙව්වම මේ පොත අරගෙන එන්න මම තීරණය කළා.

පොතේ නම තමයි පරාජයේ උරුමක්කාරයෝ. මේක ඉන්දියන් නවකතාවක් වගේම ලියලා තියෙන්නෙ Kiran Desai. මම දන්නෙ Anita Desai ව. මේ එයාගෙ කවුරුහරි මද දන්නෙත් නෑ. බුකර් සම්මානය ගන්න කතාවක් කියන්නෙ විශාල රසයක් තියෙන පොතක් වෙන්න ඇති කියලා දැක්ක ගමන්ම හිතුණ නිසයි අරගෙන ආවෙ. මං හිතපු විදිය හරි. මේක ලොකූ රසයක් තියෙන පොතක්. The inheritance Of Loss කියන මේ පොත සිංහලට පරිවර්තනය කරලා තියෙන්නෙ ප්‍රේමසිරි මාහිංගොඩ. මට හිතෙනවා එයා විශාල මහන්සියක් මේ වෙනුවෙන් දරන්න ඇති කියලා.

සායි, එයාගෙ සීයා වෙන විනිසුරුවරයා සහ ඔවුන්ගෙ අරක්කැමියා වටේ තමයි මේ කතාන්දරය ගෙතෙන්නෙ. මේ තුන් දෙනා වටේට සායි ගෙ පෙම්වතා ගයාන්, පරිසරයට දැඩිව ආදරය කරන බූටි පියතුමා, පොටි මහත්මයා, බිජූ, ලෝලා වගෙ චරිතත් එකතු වෙනව. හිමාලය පාමුල තියෙන ඉන්දියානු නගරයක තමයි මේ කතාව නිර්මාණය වෙන්නෙ.

ඉන්දියානු සමාජයේ දිළිඳු බව, විවිධ සමාජ ස්තර සහ ඒවායෙ ගැටීම්, නූගත් බව සහ නූගත් දුප්පත් මිනිස්සුන්ගෙ අවාසනාවන්ත ජීවන රටාව, ශ්‍රමය සූරා කෑම වගේ විශාල පරාසයක් පුරා මේ කතාව විහිදෙනවා. ඒ අතරෙම ආදරය වගේ ගැඹුරු මාතෘකා පුංචි සිද්ධි වලින් පෙන්වලා තියෙන විදිය සිත්ගන්නාසුලුයි. අනෙකාව තලා පෙලා සතුටු වෙන මිනිස්සු සතුව තියෙන හීනමානය වගෙ ගොඩක් දේවල් කතාන්දරය ඇතුළෙන් ගලන් යනවා.

හිමාලය පාමුල තියෙන ලස්සන නගරයක තියෙන තණකොළ වල ඉඳන් සමනල්ලු, කුරොල්ලො,කඳු, මේ පරිසරයේ ලස්සන ගැන එතනට නොගිහින් අපිට චිත්ත රූප මවාගන්න පුලුවන්.

මං නම් මේ දවස් වල ඉන්නෙ හිමාලය ළඟ තියෙන සායිගෙ ගෙදර. එහෙන් ආයෙම එන්නත් ටික දවසක් යාවි.!