It's Cat Day!

අද ලෝක පූස් දිනය. මේ තරම් කාලයක් හිටියා පූසොන්ට දිනයක් තියෙනවා කියලා දන්නෙ අද! මේ ඔක්කෝම අකුරු ටික මගෙ ජීවිතේ ලස්සන කරපු පූස් අම්මලට, තාත්තලට, සහ බබාලට.

Facebook

මං දන්නෙ නෑ මං කවදා ඉඳන්ද පූසොන්ට ආදරේ කරන්න පටන් ගත්තෙ කියලා. Social media සහ internet වලට පින් සිද්ධ වෙන්න මං දැන් දන්නවා මං වගෙම පූසොන්ට ආදරේ කරන මිලියන ගාණක් මිනිස්සු මේ ලොකෙ ඉන්නව කියලා. ලංකාවෙත් face book groups කොච්චරක් නම් තියෙනවද?

සුරතල් පූසන් ඇති කරන්නන්නගෙ සංගමය, Voice for helpless, ඔන්න ඔහොම තව නම් ගාණකින් මේ ආඩම්බරකාර ජීවියො වෙනුවෙන්ම මිනිස්සුන් එකතු වෙලත් ඉන්නවා. මහ පාරෙ අතරමං වුණ පූස් පැංචන්ට, පැංචියන්ට ගෙවල් හොයලා දෙනවා මං හොඳටම දැකලා තියෙනවා. මොකද මමත් පාරෙ අතරමං වෙලා උන්න පූස් පැංචියෙකුට ගෙයක් හොයලා දුන්නෙ එහෙම group එකක් හරහා නිසා..!

Facebook

ඉස්සර නැන්දලගෙ ගෙදර හිටිය පූස් අම්මලා පැටව් දැම්මම මට සතුටු හිතෙනවා. පුංචි කකුල් තිය තියා ඇවිදින හැටි, කිරි බොන හැටි, අම්මත් එක්ක දාන සෙල්ලම්, තමන්ගෙ සහෝදර සහෝදරියන් එක්ක දාන දඟකම් ඒ කාලෙත් මට මැජික්..! පූස් අම්මලගෙ ආදරේ, රැකවරණය ඒක මහා විශාල එකක්.

Ragama Rehabilitation centre එකේ පූස් අම්මත් ආයෙම බබාලා හතර දෙනෙක් තුරුලු කරන් ඉන්නවා මේ පාර යනකොට. ෆොටෝ එකක් නම් ගන්න බැරි වුණා. ඒ බබාලා ගොඩාක් බය නිසා විවේක වෙලාවෙදි ටිකක් ඈතින් ඉඳන් අම්මලගෙ බබාලගෙ කෝලම් බලන් ඉන්න එක මේ දවස් වල මගෙ විනෝදාංශ වලින් එකක්. අම්මටයි බබාලටයි කෑම දෙන්නයි ආදරේ කරන්නයි කට්ටිය වැහි වැහැලා.

පූසො කියන්නෙ මහ ආඩම්බරකාර සත්තු ජාතියක් කියලා මං අහලා තියෙනවා. ආඩම්බර හරි නැතිව හරි ඒ ගොල්ලො ගාව තියෙන ආදරේ පුරු පුරුවක් වෙලා එළියට එනකොට දැනෙන හැඟීමට මං හරිම ආසයි. උකුළට පැනලා නිදාගන්නවට මං ආසයි. ඇඳට පැනලා මගෙ ඇඟේ ගෑවී ගෑවී නිදාගන්න ඕනෙ වෙනවට මං ආසයි. අඬාගෙන මගෙ පස්සෙන් එනවට මං ආසයි. ඔන්න ඔය විදියෙ කප්පරක් පූස් ආසාවල් ඉශ්ට කරන්න මේ මුලු ජීවිත කාලෙම මට මුණගැහුණු පූස් රාළලාට ස්තූතියි. මගෙ ජීවිතේ ලස්සන වුණා ඔයාලා නිසා. ඔයාලව සුවපත් කරනකොට මාවත් සුවපත් වෙලා තියෙනවා..!

මේ ලෝකෙ කිසිම මනුස්සයෙක්ට හැබෑවට දැකගන්න බැරි හැම සුන්දර පූස් හීනයක්ම හැබෑ වෙන්න ඕනෙ..!

Happy cat day!