ගිලන් බාර් සින්ඩ්‍රෝම් /Guillain-Barré syndrome
ගිලන් බාර් එහෙමත් නැත්නම් ගිලන් බාර් සින්ඩ්‍රෝම් එක සමහර වෙලාවට ඔයාල අහල ඇති. එහෙමත් නැත්නම් මේක අමුතුම නමක් වගේ පේන්න පුලුවන්. කොහොම වුණත් මම කැමතියි මේ ගැන මං දන්න දේ ඔයාල එක්ක බෙදාගන්න. ගිලන් බාර් සින්ඩ්‍රෝම් එක කියලා කියන්නෙ neurological disease එකක්. මේකෙදි වෙන්නෙ බොහෝ විට infection එකක් නිසා අපේ ශරීරයේ හැදෙන antibodies අපේ නියුරෝන වල මයලීන් sheath එකට පහරදීලා ඒ හරහා ආවේග සම්ප්‍රේශණය අඩපණ කරන එකට. එහෙම වෙන්නෙ කොහොමද කියන එකට නිශ්විත හේතුවක් තවම හොයාගෙන නෑ. කොහොම වුණත් එහෙම වෙනකොට අපේ කකුල්, අතපය ටිකෙන් ටික අක්‍රීය වෙන්න ගන්නවා.
ගිලන්බාර් සින්ඩ්‍රෝම් එකේ විවිධ ප්‍රබේද තියෙනවා. ඉතින් එයින් සමහරක් ඒවා අතිශය මාරාන්තිකයි වගේම සමහරක් ප්‍රබේද දිගු කාලීන සටනකින් පස්සෙ සුව කරගන්න පුලුවන්. ඉතින් මේ රෝගය මුලින්ම බලපාන්නෙ කකුල් දෙකට. එයින් පස්සෙ ටිකෙන් ටික ශරීරයේ ඉහළට ගමන් කරන්න පටන් ගන්නවා. කතනය, ශ්වසනය, කෑම ගිලිමේ අපහසුතා, වගේ රෝග ලක්ශණ ගණනාවක් මේ condition එකේදි රෝගියාට අත් විඳින්න සිද්ධ වෙනවා. හුස්ම ගැනීම හා සම්බන්ධ මාංශ පේශීන්ට ආවේග සපයන්න ස්නායු පද්ධතිය අසමත් වෙන නිසා මුල් අවස්තාවේ රෝගියෙකුට ventilator එකක සහය පතන්න සිද්ධ වෙනවා.
රෝගය වැළඳී මුල් සති දෙකේ රෝග ලක්ශණ වැඩිවෙමින් යනවා. ගොඩක් වෙලාවට රෝගියා ඉන්නෙ ICU එකේ. ඒ වගේම ඒ වෙනකොට එයාගෙ අත් සහ කකුල් paralayse වෙලා ඉවරයි. ක්‍රමයෙන් සුව වෙනකොට අත් සහ කකුල් වල පවතින අප්‍රාණිකත්වය යම් තරමකට සුව වුණත් physiotherapy සහ occupational therapy හරහා සිද්ධ වෙන ව්‍යායාම දිගු කාලීනව කරන්න වෙනවා සහ එහෙම කිරීමෙන් විතරයි සුව වෙන්න පුලුවන්. ඒ වගේම speech language therapy ත් අනිවාර්ය යි.මොකද එයාලට කතා කරන්නත් බැරිව යන නිසා. පුංචිම වයසෙ ළමයි ඉඳන් තරුණ වැඩිහිටි රෝගීන් මුණගැහිලා තියෙන නිසා රෝගය වැළඳෙන වයසක් කියන්න බැහැ. නමුත් වැඩිහිටි පිරිමි රෝගීන් ගණන සාපේක්ශව වැඩි. කොහොම නමුත් මේ රෝගය ගැන දැනුවත්භාවය වැදගත්.
මතකනෙ! මුලින්ම එන්නෙ කකුල් දෙකට. ඉන් පස්සෙ ක්‍රමයෙන් උඩට! දැනුවත්භාවය තුලින් ඉක්මන් ප්‍රතිකාර වලට යොමුවෙන්න පුලුවන්. හානිය අවම කරගන්න පුලුවන්!