Family Is A Gift That Lasts Forever | Steem Sri Lanka 3G Contest Series | Week 10 | The Most Comfortable Shade On this Earth

පවුලක් කියන්නෙ මොකක්ද??

සමහර වෙලාවට මං අහලා තියෙනවා ජීවිතේ කියන්නෙ ගඟක් වගේ දේකට කියලා. ඒත් ඒක ඊට වඩා සංකීර්ණ දෙයක්. සමහර වෙලාවට මහන්සියි. දුවන්න වෙනවා. වැටෙන්න වෙනවා. එහෙම වැටුණම රිදිලා තුවාල වෙන්නත් පුලුවන්. එහෙම වැටිලා රිදිලා තුවාල වෙලා ඉන්න නරකම මොහොතෙදිත් අපිව දරාගන්න පුලුවන් තැනක් කෙනෙක් කොහේ හරි ඉන්නවා කියලා දැනෙන හැඟීමට කියන්නෙ "පවුලක්" කියලා. ඒක ජීව විද්‍යාත්මක පවුලම වෙන්නත් පුලුවන් නොවෙන්නත් පුලුවන්.

මගේ පවුල

එකක් දෙකක් විතර වෙන මගේ සමහර යාලුවෝ ඇත්තටම මට පවුල වගේ. ඒත් මේ කියන්න යන්නෙ මගේ ජීව විද්‍යාත්මක පවුල ගැන. මගේ පවුලෙ සාමාජිකයො හතක් ඉන්නවා. මගේ අම්මා, තාත්තා, නංගිලා දෙන්නා, ආච්චි සහ නැන්දා. මගේ අම්මා ගුරුවරියක්. තාත්තා රියදුරෙක් විදියට වැඩ කරන්වා. ලොකු නංගියි, මමයි කැම්පස් දෙකක ඉගෙන ගන්නවා. චූටි නංගි උසස් පෙළ කරනවා.

My grand ma and aunty

අපි පුංචි කාලෙ ආච්චි තමයි අපිව බලාගත්තෙ. එයා අසනීප වෙන්න කලින් කාලෙදි මහන්සිය නොබලා එයා අපිට රස කෑම හදලා දුන්නා. ඊටත් වඩා එයා හරිම මෘදු කෙනෙක්. ආදරේ දෙන්න දන්නවා උතුරන්න. ලෝකෙ සිද්ධ වෙන දේවල් ගැන හරිම නොදැනුවත්. ඒත් බාහිර ලෝකෙට එයාගෙ ඔලුවටයි හිතටයි රිංගන්න බැරිවුණ හින්දා වෙන් ඇති එයාගෙ මුලු ඔලුවම ආදරේ කරන්න විතරක් දන්නෙ.

ලෝකෙ තියෙන ලස්සනම ආදරය, විශ්වාසදායීම රැකවරණය මට ලැබෙන්නෙ, ලැබිලා තියෙන්නෙ මගේ පවුලෙන්

ලස්සනම මතක

මට අවුරුදු දහ අටක් විතර වෙනකම් සීයා අපි එක්ක හිටියා. එයා අකුරු පුලුවන් පොත් කියවන සීයා කෙනෙක්. මං ඉස්කෝලෙ පුස්තකාලෙන් පොත් ගෙනත් දෙනවා. අපි දෙන්නම එකතු වෙලා කියවනවා. එයා සමහර වෙලාවට ඇස් වලින් කඳුලු එනකම් සමහර වෙලාවට හිනාවෙනවා. මතක් කරනකොට ඒක පුදුම තරම් ලස්සන මතකයක්.

චූටි නංගි ගැන තියෙන මතකත් එහෙමයි. එයා ඉපදුණ දවස පවා. මට හිතෙන්නෙ එයා ඉපදෙනකොට මං තව ගොඩාක් ලොකු වෙලා හිටියා නම් හොඳයි කියලා. එහෙම වුණා නම් නංගිගෙ මගෙයි සෙල්ලම් වැඩ වලට එයාව නොගන්නවා වගේ නපුරු වැඩ නොකර ඉන්න තිබුණා.

My mom with sisters

මගේ උපන්දිනේ දවසට නංගිලා දෙන්න ළඟ මොකක් හරි ලස්සන පුදුම කිරීමක් තියෙනවා. ඒත් ඒක නොදන්නවා වගේ ඉඳලා බොරුවට පුදුම වෙන එකත් දවසක මං හිනාවෙන ගමන් මතක් කරයි.

ඒ වගේ පොඩි පොඩි සතුටු කලාප වලින් තමයි පවුලක උණුසුම මොකක්ද කියලා දැනෙන්නෙ.

මගේ පවුල මට ගොඩාක් වැදගත්

සමහර වෙලාවට මම දැකලා තියෙනවා මගේ අත්ල තරම් පුංචි කුරුලු අම්මලා එයාලගේ පුංචි පවුල රකින්න වෙහෙස වෙන හැටි. අපේ බල්ලගෙ කටටම අහුවෙලා පොඩි දඬුලේන් පැටව් මැරෙනකොට අම්මලා තාත්තලා ගස් උඩ ඉඳන් විලාප තියන හැටි. කොයි අම්මත් කොයි තාත්තත් එහෙමයි. ඒ හින්දා අපි දැනගන් ඕනේ මානසිකවත්, කායිකවත් තුවාල නොවී ඉන්න. අපිට එහෙම වුණාම අපේ පවුලෙ අයට අපිට වඩා වුණත් රිදෙන්න පුලුවන්.

My sisters

මම හිතන විදියට නම් පවුලක් ඇතුළෙ කරන්න හොඳ නැතිම දේ ආදරේ පෙන්නන එකයි, සමාව ගන්න එකයි කල් දාන එක. සමහර විට එහෙම කරන්න දෙවෙනි අවස්තාවක් නෑවිත්ම තියෙන්න පුලුවන්. මොකද කවුරුහරි කෙනෙක්ට හොඳ පවුලක් තියෙනවා නම් ලෝකෙ තියෙන ලස්සනම දේවල් වලින් එකක් ඒ කෙනාට අයිති.

ඒ හින්දා මට මගේ පවුල කියන්නෙ මේ ලෝකෙ තියෙන වැදගත්ම හොඳම දේ.මම දන්නවා මම මොන දේ කළත්, මට මොන මොන දේ වුණත් අත්පුඩි ගහන්න හරි වැළඳගන්න හරි පවුලක් තියෙනවා කියලා. ඒක තමයි මේ ලෝකෙ තියෙන ආරක්ශිතම හැඟීම.!!!