අලුත් සොයාගැනීමක්!

නාරාහේන්පිට ඉඳන් රාගම යනකොට නාරාහෙන්පිට ස්ටේශන් එක පහුවෙනකොටම තියෙනවා ගොල්ෆ් පිට්ටනියක්. ඒ මුලු area එකම මාර ලස්සනයි. හරිත වර්ණය කියලා කියන්නෙ අන්න ඒකට. කොළඹ නගරාසන්නයේ ඒ වගේ පැත්තක් තියෙනවද කියලත් හිතෙනවා. රේල් පාර දිගේ ටික දුරක් ඇවිදගෙන යනකොට අන්න ඒ තැන හම්බවෙනවා. හැබැයි පරිස්සමින් යන් ඕනෙ. විශේශයෙන් හවසට train යන එන වෙලාව.

ඉතින් මේ ළඟදි දවසක අපි හිතුවා ඒ පැත්තට යන්න ඕනෙ කියලා. මං train එකේ යනකොට දැකලා තිබුණට එයා නම් දැකලා තිබ්බෙම නෑ. ඒ නිසා එයාට ගොඩක් excited. මමත් ඒ තරම් ලස්සනට දැකලා තිබුණෙ නෑ. අපි වගේම ඇවිදින්න ආව කීප දෙනෙක්, ගොල්ෆ් ගහන්න ආව අය ඇරුණම පරිසරය හරිම නිශ්ශබ්දයි. ඒ ළඟින් ඇළක් නිස්කලංකව ගලාගෙන යනවා. ලොකූ මාර ගස් කීපයක් ඒ ඇළ ගාවින් හෙවණ හදන ගමන් ඒ පැත්තෙ ඉන්න අහිංසක කුරුල්ලන්ට ගෙදරක් හදලා තිබුණා.

ඔය හැමදේම බල බල යනකොට දෙපාරක් ට්‍රේන් එහෙටයි මෙහෙටයි ගියා. අවධානෙයි පරිස්සමයි දෙකම ඕනෙ කියන්නෙ ඒකයි. ඇළ පාර ගාවින් තියෙන ලොකූ මාර ගහ ළඟ වාසි වෙලා අපි ටිකක් කතා කර කර හිටියා. හරිම නිස්කලංකයි. ඇළේ වතුර ගලාගෙන යන සද්දෙ, හැන්දෑවෙලා ගෙදර ආව කුරුල්ලන්ගෙ සද්දෙ ඒ ඔක්කෝම පැහැදිලිවම ඇහුණා.

ඉතින් අපි පැයක් විතර ඒ පරිසරයෙ ඉඳලා කලුවර වැටෙන්න කලින් එන්න ආවා. එහෙයි මෙහෙයි හරියට අගසයි පොළොවයි වගේ...!