උස්වැටකෙයියාවට පායන හඳ ලස්සනයිද කියන්න?

අද පෝය දවස. හැමෝටම නිවාඩු. කම්මැලියෙක් වගේ දවලුත් නිදාගෙන ඉතුරු ටිකත් කාලා දාන්න කලින් මට කෝල් එකක් ආවා උස්වැටකෙයියාවෙ නාන්න යමුද අහලා. එක පයින් හා! ඊට පස්සෙ ඉතින් උස්වැටකෙයියාවෙ ගියා නාන්න. අද පෝය නිසා උස්වැටකෙයියාව නිකම් හැන්දෑ සාදයක් වගේ. පුදුම සෙනඟක්. කොළඹ අවට මම දන්න තරමින් උස්වැටෙකෙයියාව තරම් ලස්සන වගෙම ආරක්ශිත වෙරළක් නෑ නාන්න. හැමතැනම ස්වාභාවික නාන තටාක වගේ. මං ආස ගිනි අව්වෙ මුහුදට බැහැලා ඉන්න. මගේ මේද තට්ටුව අඩු නිසා නැත්නම් මට ගොඩාක් සීතල වෙනවා.

එච්චර අව්වෙ නාලත් සීතල වැඩි වෙලා උණුස්ම් වැල්ලෙ ටිකක් වැතිරිලත් හිටියා. ඒත් ඒක නියමයි! ඉන්පස්සෙ ආයෙම හොඳ වතුරින් නාලා, කාලා අපි දෙන්නා එන්න පිටත් වෙනකොට දැක්කා ඉර මුහුදට බැහැගෙන බැහැගෙන යනවා. මං වහාම තීරණය කලා තව ඉන්න ඕනෙ කියලා. නාන තැනින් ටිකක් ඈත තියෙන තැනක නතර වෙලා අපි photos ගන්න හිතුවා.

හිමින් හිමින් ඉර බැහැගෙන ගියා. ජෙට් එකක් ගොඩාක් පහළින් ඈතට ඉගිලිලා ගියා. පිටිපස්ස හැරිලා බලනකොට හඳත් ඇවිත්. පිරුණු ලස්සන හඳක් එයා. සුදු ඇඳගත්ත අය පාර දිගට. පෝය දවසක් ඉතින් එහෙම තමයි. මං ගොඩාක් කාලෙකට කලින් ලිව්ව කතාවක් මතක් වෙලා ඒක අලුතින් ලියන් ඕනෙ කියලා හිතුණා.

ඉතින් ඒක ලස්සන හවසක්! ❤️