හැපි පොංගල්!
තයි පොංගල් කියන්නෙ හින්දු ජනතාවගෙ අලුත් අවුරුද්ද. ඉරටයි, එයාලගෙ ගොවිතැන් වැඩ වලට උදව් කරපු ගවයටයි කළගුණ සලකන දවස. අපි පුංචි කාලෙදි ඉගෙන ගත්තා වගේ ගවයට මල් මාල දාල එයාව නාවනව වගේ දේවල් වව්නියා යාපනය මුලතිව් වගේ පැතිවල තාමත් සිද් ධ වෙනවා. ඒ කොහොම වුණත් ජීවිතේ තුන් වෙනි වතාවට ආයෙමත් පොංගල් සමරන්න යන්න දවසක් ආවා. ඒක ඇත්තටම සතුටු හිතෙන ආරාධනාවක්! ඉතින් අපි ඔක්කෝම ඒ ආරාධනාව සතුටුම සතුටු හිතින් පිළිගත්තා.
අපි එහෙට යනකොට දවල් දොළහ විතර වෙලා. ප්රවීන්ගෙ ආච්චි අම්මා අපිව ආදරෙන් පිළිගත්තා. කමක් නැද්ද කියලා අහලා නළලෙ පොට්ටුවකුත් තිබ්බා. මොනා කරන්න කලිනුත් පොංගල් කාලා ඉන් ඕනෙ. මං කලිනුත් කාල තියෙන නිසා මං දන්නවා ඒකෙ රස. ඉතින් පොංගල් කාලා ජූස් බීලා ඉන්න අතරෙ මූවි එකක් බලන්න යෝජනා කළේ මම. Hii Nanna මූවි එක. Too dramatic වුණාට ඉවර වෙනකම්ම ඒක බලාගෙන හිටියා කට්ටියම. ඔය හැම පින්තූරෙකම ඉන්නෙ අපි!
පොංගල් දවසට හින්දු අය හැමෝම වෙජිටේරියන්. ඉතින් අපේ රසම රස වෙජිටේරියන් කෑම වේල හම්බුණේ කෙසෙල් කොළේක. අම්මයි, ආච්චි අම්මයි උයන එක හැර වෙන මුකුත්ම කළේ නෑ. ඒ කෑම හරිම රසයි. පොංගල් දවසට අපි අලුත් අවුරුද්දට කරනවා වගෙම එයාලත් නෑගම් යනවා. සතුට බෙදාගන්නවා. නෑගම් අලුත් කරගන්නවා. ඒක කොච්චර හොඳඳ?
කාලා බීලා සතුටින් ඉඳලා හවස් වෙනකොට අපි එන්න පිටත් වුණා. ඇළයි ගසුයි පිරුණ පාර දිගේ. මට ඒක කවදාවත් අමතක වෙන්නෙ නැති සතුටු දවසක්! ❤️අපි ආදරේ අය ළඟින් ඉන්නකොට හැම දවසක්ම සාදයක් වගේ තමයි. ! ❤️