වැස්සයි ධරණි යි!

මොණරාගලට නම් ඉවරයක් නැති වැස්ස! උදේ ඉඳන් රෑ වෙනකම්ම චුරු චුරු ව. මේ සති දෙකම මට free. ඉතින් ඒක හරිම ශෝක්. ඇතුළට වෙලා මට කරන්න වැඩ තියෙනවා. ඒ වැඩ අතරෙ එයා දැන් බැඳලා ටෙලි නාට්‍ය බලලා ඉවර කරන එකයි, ධරණි කියවන එකයි දෙකත් තියෙනවා. එයා දැන් බැඳලා කියන්නෙ මං බලපු හොඳම ටෙලි නාට්‍ය වලින් එකක්. ඒ ගැන කියන එක පස්සට දාලා ධරණි ගැන කියන එක හොඳයි කියලා මට හිතෙනවා.

ධරණි කියන්නෙ 2019 ස්වර්ණ පුස්තක සම්මාන අවසන් වටයට නිර්දේශ වුණ නව කතාවක්. පොත කත්‍යානා අමරසිංහ මහත්මියගෙ. යුද්ධයෙදි දකුණටත් වැඩියෙන් හානි වුණ උතුරේ ඛේදවාචකය ගැන මොනවහරි දෙයක් එතුමිය මේ පොතෙන් කියන්න උත්සාහ කරලා තියෙනවා. ඒ වගෙම 88/89 ඛේදවාචක ගැන යමක්. එයා ඒ ඔක්කෝම මේ පොතට අරන් ඇවිත් තියෙනවා. ඒ අතරින් හිත රිදෙන ආදර කතන්දර දෙක තුනකුත් ගලන් යනවා

ඒත් එක්කම මානසික රෝග වල තත්වයක් වෙන Hallucinations and Dillusions ගැනත් මේ කතාවෙ තියෙනවා. ඒ කියන්නෙ සමහරක් නැති දේවල් යතාර්තය විදියට අපිට ඇහෙන පේන සහ හිතෙන එක. සමහර පොත් කියවන් යද්දි අපිට හිතෙනවා මේ ඉන්නෙ අපිමයි නේද කියලා. මේ කතාවෙත් මට එහෙම හිතෙන තැන් තියෙනවා.

අනෙක් හොඳම දේ තමයි නාමල් ජයසිංහ මහත්මයත් සහෝදරයා තුළින් කියන්න හදලා තියෙන දේවල් වල තියෙන, උතුරෙ වුණත් දකුණෙ වුණත් තමන්ගෙ ජාතියට විතරක් සංවේදී මිනිස්සු හරිම ගෝත්‍රිකයි කියන කතාව ඇත්ත බව මේ කතාවෙදිත් කියන්න උත්සාහ කරලා තියෙනවා.

ගිය දේ එසේ තිබේවා.. ඔබ නිදුකින් සිටිනු දැකීම මගේ ප්‍රාර්ථනයයි. කොපමණ කිව්වත්, ඔබට කිසිදා මට වයිර කළ නොහැකි බවත් සහතික වශයෙන්ම දනිමි!

මම හිතන්නෙ මේ රටේ ඔක්කොම වුණත් මේ පොත කියෙව්වට කමක් නෑ කියලයි. මම මේ කියෙව්වෙ තුන් වෙනි පාරට. වෙන වැඩකුත් නැති එකේ!