ချောင်းဆိုးဆေသောဆေးများ
နာတာရှည် ချောင်းဆိုးရောဂါကြောင့် ငွေကုန်၊ လူပန်း ဖြစ်နေကြသူ အများအပြားကို တွေ့ရတတ်ပါတယ်။
သတိမမူမိကြတဲ့ နာတာရှည် ချောင်းဆိုးစေတဲ့ အချက်တွေထဲမှာ သောက်နေတဲ့ ဆေးဝါးတွေလည်း ပါတတ်ပါတယ်။ ဒါကြောင့် လူနာတစ်ယောက်ဟာ ကိုယ်သောက်နေရတဲ့ ဆေးဝါးတွေရဲ့ ဘေးထွက်ဆိုးကျိုးများကို သိထားသင့်ပါတယ်။ ဒါ့အပြင် ဆေးတွေရဲ့ တစ်ခုနဲ့တစ်ခု ဓာတ်ပြုမှုတွေ ရှိတတ်တယ်ဆိုတာကိုလည်း သတိထားသင့်ပါတယ်။
ချောင်းဆိုးစေတတ်တဲ့ ဆေးဝါးတွေကတော့ -
Lisinopril (သွေးပေါင်ကျဆေး) Enalapril, Quinapril, Ramipril နဲ့ Benazepril စတဲ့ ဆေးအနွယ်ဝင်များဟာ သွေးပေါင်ကျဆေးအဖြစ် အသုံးများပါတယ်။ ဒီဆေးအနွယ်ဝင်များဟာ သွေးတိုး၊ ဆီးချိုနဲ့ နှလုံးရောဂါတို့အတွက် ဈေးနှုန်းသင့်တော်ပြီး အကျိုးရှိတဲ့အတွက် အသုံးများတဲ့ဆေးများပဲ ဖြစ်ပါတယ်။ Lisinopril ဟာ ဆေးသောက်သူ 3% - 20% မှာ ဆေးသောက်ပြီး ရက်ပိုင်းကစလို့ နှစ်နဲ့ချီအောင် သလိပ်ကပ်၊ ချောင်းခြောက် ဆိုးတတ်ပါတယ်။ တချို့မှာ ချောင်း တစ်ချိန်လုံး ဟန့်နေရတဲ့အတွက် ရာသီလိုက် ဓာတ်မတည့်ရောဂါနဲ့ မှားလေ့ရှိပါတယ်။ Lisinopril သောက်နေသူတွေမှာ ချောင်းခြောက်ဆိုးတဲ့အခါ အကြောင်းအရင်းကို ရှာချင်တဲ့အတွက် ဆရာဝန်ရဲ့ ထောက်ခံပေးမှုအရ 4 ပတ်ခန့် ဆေးဖြတ်ပြီး ပြန်လည်စစ်ဆေးသင့်ပါတယ်။ Lisinopril ကြောင့် ဆိုးတဲ့ချောင်းဟာ 6 လအထိ ကြာတတ်ပါတယ်။
Fluticasone နှာဖြန်းဆေး ဓာတ်မတည့်မှုကြောင့်ဖြစ်တဲ့ နှာရည်ယိုခြင်းမှာ အသုံးပြုလေ့ရှိတဲ့ စတီးရိုက် နှာဖြန်းဆေးဟာလည်း ချောင်းခြောက်ဆိုးခြင်းကို ဖြစ်စေနိုင်ပါတယ်။
Carvedilol သွေးတိုးခြင်းနဲ့ နှလုံးအားနည်းရောဂါ စတဲ့ ရောဂါအတော်များများမှာ အသုံးပြုလေ့ရှိပါတယ်။ ဒီဆေး သောက်သုံးသူ 5% - 8% တို့ဟာ ချောင်းခြောက်ဆိုးတတ်ကြပါတယ်။
Simvastatin သွေးတွင်း ကိုလက်စထရော ကျဆေးတစ်မျိုးဖြစ်ပြီး နှလုံးရောဂါဖြစ်နှုန်းကို လျော့နည်းစေပါတယ်။ ဒါပေမဲ့ 9% သော ဆေးသောက်သူတွေမှာ ချောင်းဆိုးဝေဒနာ ခံစားရတတ်ပါတယ်။
Actonel နဲ့ Fosamax Risedronate ခေါ် Actonel နဲ့ Alendronate ခေါ် Fosmax စတဲ့ အရိုးပါးရောဂါ ဆေးဝါးတွေဟာ 10% သော သောက်သုံးသူတွေမှာ အအေးမိရောဂါလက္ခဏာတွေ၊ အသက်ရှူလမ်းကြောင်း ရောင်ရမ်းမှုတွေ၊ လည်ချောင်းနာခြင်းနဲ့ အသက်ရှူပြွန် ရောင်ရမ်းမှုတွေကို ဖြစ်စေတတ်ပါတယ်။
Keppra Levetiracetam သို့မဟုတ် Keppra ဟာ အတက်ရောဂါအတွက် သုံးတဲ့ ဆေးတစ်လက်ပဲ ဖြစ်ပါတယ်။ 11% သောသူတွေမှာ ချောင်းဆိုးတတ်ပြီး 14% မှာ နှာစေး၊ လည်ချောင်းနာခြင်းကို ခံစားရတတ်ပါတယ်။ အချုပ်ဆိုရသော် ဆေးများမှာ ဘေးထွက်ဆိုးကျိုးအမျိုးမျိုး ရှိတတ်တဲ့အတွက် ချောင်းဆိုးတာ ပုံမှန်ထက် ပိုကြာနေပြီး ဘယ်လိုလုပ်လုပ် မသက်သာခဲ့ရင် သောက်သုံးနေတဲ့ ဆေးတွေကြောင့်လည်း ဖြစ်နိုင်တယ်ဆိုတာ သတိပြုသင့်ပါတယ်။