Bir it qucaqlayıb ayaqlarımı...

Salam, Steemit Azərbaycan ailəsi. Uzun bir aradan sonra gəldim. (3 gün) Başımdan ağır, həkim demişkən babat bir covid olayı keçdi. Atlatdım sayılır. Yenə aylardan kasım mənə bir həyat dərsi keçdi. Dünən yenidən təhlillər üçün sağlamlıq mərkəzinə getdim. Analizlərin cavabını gözləmək üçün parkda bir az oturdum. Elə mən oturan kimi bir it gəlib yanımda oturdu.

O əvvəlki postum yadıma düşdü. Bir it qucaqlaya ayaqlarımı. Arzum sanki yerinə yetmişdi. Çoxdandı havaya çıxmırdım. Park, tənbəl günəş, təmiz hava, yerə tökülən yarpaqlar çox yaxşı gəldi mənə.

Fürsətdən istifadə edib mənimlə maraqlanan, maraqlanmaq niyyəti olan, maraqlanmayanlara da təşəkkür edirəm. (Lənət olsun içimdəki insan sevgisinə) Başlıqda #club5050 tağını qeyd eləmədim, çünki bizim məsələ bilirsiniz nəyə oxşayır? Siz bizim kurallara əməl edin qazancınızın yarısını gücə çevirin. Biz istəsək sizi fərq edəcəyik, istəməsək fərq etməyəcəyik deyirlər:) Heç etməsinlər. Biz özgələrdən incimərik, arkadaş:) Yəni sevmədiklərimiz bizi incidə bilməz!
Sonda onu deyirəm ki, canınıza yaxşı baxın, gerisi boş söhbətdi. Hal hazırda müalicəm davam edir. Qızdırma salıcı vasitələrdən o qədər istifadə etmişəm ki, indi də 36 dərəcəyə çıxmır temperatur. Bir daha özünüzə yaxşı baxın. Mənə gəldikdə bu gün varam, sabah birdən yox olaram)
Hamınıza dərin sayğılarımla:@nurengizbagirova