💚 Passion Girl 💚

මේ දවස්වල ගෙදරට වෙලා ඉන්න අතරතුර කම්මැලිකමට එක එක අත් හදා බැලීම් කරනවනෙ අපි හැමෝම. මාත් ඉතින් හිතුවා පොත් කියවන එක ෆිල්ම් බලන එකට අමතරව මොකක් හරි දෙයක් කරන්න.

මේ තියෙන්නෙ ඉතින් ඒ වගේ කරපු දෙයක් 😊.

කාමරේ අස් පස් කරද්දී ලස්සන පොතක් හම්බ වුණා . කැම්පස් එකේ යාලුවෙක් දීපු පොතක් පරිස්සමට අරන් තියල. පරිස්සම කොයි තරම් ද කිවොත් අවුරුදු ගාණක් ම පහු වෙලා තමයි පොත දැක්කෙ. ලස්සන පොත්වල මොනවත් ලියන්න මම හරි ලෝභයි. 😹.

මේ කලාව අලුත් දෙයක් නොවුණත් මට මේ වගේ දෙයක් කරන්න හිතුණෙ නම් අද. ඕනම නරක දෙයක මොකක්ම හරි හොඳක් තියෙනවා කියල කතාවට අපි කියනවානෙ. කොරෝනාවෙන් ලෝකෙම පීඩා විඳිනවා. ඒ ගැන ඇති වෙන්නෙ ලොකු කණගාටුවක්. නමුත් මේ නිසා කාර්‍යබහුල ජීවිතයට පොඩි විරාමයක් ලැබුණ නිසා හැමෝම අලුත් දේවල් ඉගෙන ගන්න එකට මම කැමති.

ගෙදර තියෙන වැල්දොඬම් කොළ, රත්මල් ටිකක් අරන් හරිම අමාරුවෙන් පොඩි චිත්‍රයක් බලාගෙන ඇන්ඳා.

මේ ඉන්නෙ ඉතින් ලස්සන ගවුම් විලාසිතාවකින් හැඩ කරපු කෙලි පොඩ්ඩ.

ස්භාවික පරිසරය කියන්නෙ මම ජීවත් වෙන්න කැමතිම තැන. ඒ කිවුවෙ ගස් කොළන්වලින් පිරුණු වටපිටාවකට. මේ සරල පොඩි නිර්මාණෙන් මම කියන්නෙ මිනිසා පරිසරයේ අනුබද්ධ වුණ සාමාජිකයෙක්. එකම කාසියෙ දෙපැත්ත වගේ. හැකි උපරිමෙන් පරිසරය රැක ගන්න අපි හැමෝම උත්සහ කරන්න ඕන.

හැමෝම පරිස්සමෙන් , සුවෙන් ඉන්න !!