Linat-an bisayang manok paresan ug tangad ug kapayas || ipahinungod sa steemfoods

Maayong adlaw mga amigo ug amiga!

Akong giluto karon mao kining gisabwan nga bisaya nga manok nga giparesan ug "tangad" ug "kapayas."

Mao kini ang dagway sa manok nga akong giluto.

Sa pagsugod, mao kini akong mga lamas:

LAMAS:

Tibuok manok
Tangad
Kapayas
Asin
Bitsin
Tubig

Una sa pagsugod ug luto, preparasyon una ako itudlo ninyo.

PREPARASYON:

• Una mag init ug ininit tubig para sa paglapwa sa manok ug pabukalon.

• Ituslo ang tibuok lawas sa manok sa ininit tubig nga binukal.

• Haw ason ang tibuok lawas sa manok sa tubig nga binukal.

• Himulbulan dayon ang mga balahibo sa manok.

• Limpyuhan ang sulod ug gawas sa lawas sa manok.

Mao kani karon ang akong pagtudlo sa pagluto.

PAGLUTO:

• Ibutang ang limpyo nga tibuok manok sa kaldero.

• Isulod ang tangad sa lawas sa tibuok manok.

• Timplahan ug asin ug bitsin.

• Itak-ang dayon sa sung-agan nga kahoy.

• Pila ka minuto pa-abota nga mohubas ang tubig para pagkuha sa lasmo.

• Kung mohubas na ang tubig ibubo ang sabaw nga tubig balig duha ka litro.

• Luto-a ug usa ug tunga sa oras para sakto mahumok ang manok.

• Ilunod ang gihiwa nga kapayas.

• Kung humok ang kapayas timplahan ug balik ug asin ug bitsin.

• Humana akong giluto pwede na kan-on.

Salamat sa pagbasa sa akong binisayang pinulongan.
Mao kini akong giluto linat-an nga bisaya nga manok giparesan ug tangad ug kapayas.

DAGHANG SALAMAT.

INYONG KUSINERO.
@natz04