Mart öz ampulasında🌦️||CLUB5050

Salam Steemit Azərbaycan ailəsi necəsiniz? Necə gedir işləriniz? Bu günlərdə mart ayına ayaq uydurmağa çalışıram desəm yalan olmaz. Səhər oyanırsan gözəl günəş adamın üzünə şəfəq saçır, şən əhval-ruhiyyə ilə evdən çıxırsan, günəşin gözəl enerjisi üzərində olur🌤️

Aradan bir iki saat keçməmiş həmin havadan əsər-əlamət qalmır. Qara buludlar göy üzünü bürüyür. Bir yağış, leysan başlayırkı gəl görəsən. "Bəyin oğurlanması" filmində dediyi kimi "bir yağış yağır ki, tut ucundan göyə çıx".

Yağışlı, dumanlı hava biraz adamın əhvalına təsir edir amma belə havanında öz gözəlliyi var. Mənə görə isə hava necə olursa olsun Qəbələm hər zaman gözəldir.

Bir bu dağlardakı əzəmətə, məğrurluğa baxın. Sanki zirvələrindəki qara görə qürurlanırlar.

Dağların başını dumanlı görəndə gülərüz şəhidimiz Xudayarın o gözəl səsi ilə oxuduğu ifa yadıma düşür duyğulanıram

Dumanlı dağların başında durdum, Dumandan özümə bir xeymə qurdum.
Keçdi xəyalımdan öz gözəl yurdum,
Dumanlar başında duman göründü.

Yorucu keçən bir iş gününü isə bu sertifikatı alaraq tamamlamaq olduqca xoş oldu.

Belə əziz yazarlar, bugünlük də bu qədər. Havanın necə olmasından asılı olmayaraq əhval-ruhiyyəniz həmişə xoş olsun🙃 Gələn görüşlərədək hələlik🖐🏻