පහේ ශිෂ්‍යත්වෙ...| 5% for SL Charity
මම මේ කියන්න යන කතාව නම් අපි හැමෝටම කවදා හරි වැදගත් වන අපි හැමෝම මුහුණ දුන්න අත්දැකීමක් ගැන කතාවක්. පෙරේදා 05 වසර ශිෂ්‍යත්ව විභාගය පැවැත්වුනා.මේ තිබුණ ශිෂ්‍යත්ව ප්‍රශ්න පත්තරේ ගැන ඇහුණ නොයෙක් කතාන්දර ඇහිලා තමයි මට මේක ලියන්න හිතුනේ.
ගොඩක් අය කියනවා පරිපාලන විභාගයක් තරම් මේ පේපර් එකේ ප්‍රශ්න අමාරුයි කියලා.අපි හැමෝම දන්නවා කොරෝනා නිසා ඉස්කෝල ගොඩක් කල් වහලා තියලා විභාග සේරම සැරින් සැරේ කල් ගිහින් ළමයින්ගේ පංති ඉගෙනුම් කටයුතු සේරම කඩා කප්පල් වුණ වාතාවරණයක් තියෙද්දී තමයි මේ විභාගෙ තිබුනේ කියලා.
ඇත්තටම කියනවා නම් ළමයින්ගේ මානසිකත්වය මට්ටම බිංදුවට වැටිලා තිබිබ කාලයක්.ඒ ඔක්කොමත් එක්ක ඇයි මේ පේපර් එක මේ තරම් අමාරු කලේ කියලා කියන්න මට තේරෙන්නේ නෑ.ශිෂ්‍යත්ව විභාගේ ගැන මෙහෙම මට හිතෙනවා.
ලංකාවේ ළමයෙක් ඉස්කෝලේ යන්න පටන් ගෙන අවුරුදු 05 කින් මුහුණ දෙන ලොකු විභාගයක් මේක.කඩඉම් විභාගයක්. එක අතකින් අවුරුදු 11 ක ළමයෙක්ට මොන කඩඉම් විභාගයක් ද කියලාත් හිතෙනවා.අපි හැමෝම දන්නවා ළමයෙක් ඉස්කෝලේ යන්න පටන් ගෙන අවුරුදු 02ක් විතර යනකන් ඒ ළමයට ගොඩක් දෙන්නේ බාහිර ක්‍රියාකාරකම්.
ඇත්තම කිව්වොත් මේක අපි කොහොමත් කියනවනේ අම්මලගේ විභාගයක් කියලත්. ඇත්ත ඉතින් ගොඩක්ම මේකට මහන්සිවෙන්නේ අම්මලා තමයි.ළමයි පංති අරන් යන්න .කොහමත් 3 වසරේ ඉඳන් ශිෂ්‍යත්ව පංති යනවා ළමයෙක්.
ඇත්තටම ලොකු පීඩනයකින් ළමයි මේ විභාගයට මුහුණ දෙන්නේ.ඒ වගේම ගෙවල් වලින් පවා ඒ ළමයින්ට පුදුම වදයක් දෙන්නේ.මෙච්චර තරඟකාරී විභාගයක් මෙච්චර පොඩි වයසක ළමයෙක් දරාගන්න විදිය නම් හිතාගන්න බෑ.විභාගයක් තියන දේට වඩා මෙතන බරපතල දේ තමයි ලකුණු බලා ගන්න තියෙන හදිසියට.
ඔයා හිතන්න ඔයා ඒ විභාගෙට මුහුණ දුන්න ඒ කාලය.මතක් කරගන්න.ඔයාට මතක ඇති ඔයා පංති ගිය විදිය.ශිෂයත්වය ලියපු ඉස්කොලේ.සමහරවිට ඔයාට මතක ඇති පේපර් එකේ ප්‍රශ්න පවා .මට නම් මතකයි එක ප්‍රශ්නයක් ."පූසන් ආහාරයට ගන්න ශාඛය" තෝරන්න තිබුණා."කුප්පමේනියා" කියලා කියන්න මම දන්නේ නෑ.
ගන්නපු ඒවා,ගිය පංති අනම් මනම් මතක වුනාට ඔයාට මතකද ඔයා සෙල්ලමි කරපු ඒවා.කරපු දඟ වැඩක් ඒ වයසේ ළමයෙක් විදියට. ගොඩක් අයට මතක විභාගෙට සම්බන්ධ දේවල් විතරයි.ඒ මොනවා වුනත් මෙහෙම පැත්තකුත් තියෙනවා.සමහර ලමයින්ට හොඳ ඉස්කෝලයක් ලැබෙන්නේ මේ විභාගේ නිසා.හොඳ ඉස්කෝලයක් කියලා කියන්නේ ඉතින් ජනප්‍රිය පාසලක් තමයි.
ඇත්තටම මමත් විභාගේ පාස් වෙලා තමයි බාලිකාවකට ගියේ.මම එතකන් ගියේ ගමේ පොඩි ඉස්කෝලෙකට.අපේ අම්මට ඉතින් මම මේ විභාගේ පාස් වෙන එක ගොඩක් වැදගත් වුණා.එක අතකින් අහිංසක අම්මලගේ බලාපොරොත්තු.
){kind=link}
ඇත්තටම වැරැද්ද මේ මුළු පද්ධතියම.මොකද අම්මලගේ ඔළුව කනවා ගොඩක් වෙලාවට ටියුෂන් මාස්ටර්ලා.ඇත්තටම ජනප්‍රිය පාසල්,ගමේ පාසල් කියන සංකල්පය මේ ශිෂ්‍යත්වය විභාගයේ තරඟකාරිත්වයට ගොඩක් බලපානවා. බලන්න ගිය අවුරුද්දේ ශිෂ්‍යත්ව විභාගේ ප්‍රතිඵල ළමයි ලකුණු 200 ක් ගන්නවා ඒ කියන්නේ ඔක්කොම ලකුණු.
ලකුණු ගැන කිවිවොත් හිතන්න, ශිෂ්‍යත්වයට ළමයෙක් ලකුණු 90 ක් ගත්තොත් ඒ ළමයා විභාගේ ඉහළින්ම අසමත්.ඒත් සාමාන්‍ය පෙළ ළමයෙක් ලකුණු 90 ක් ගත්තොත් ඒ ළමයා ඉහළින්ම පාස්.එතකොට මේ වයස් පරතරය බලන්න. වයස් මට්ටම් දෙකේ ළමයි දෙන්නෙක්ගේ මානසික මට්ටම හිතන්න.
ඇත්තටම ඒ ලමයි පව් කියලා තමයි කියන්න තියෙන්නේ.
source
කොහොමින් කොහොමහරි මෙන්න මේ වගේ කතාවකුත් පහුගියදා අපේ කනට වැටුනා.ඇත්තටම මේක ක්‍රියාත්මක උනොත් ගොඩක් අමාරුවෙන් උගන්වන්න උත්සහ කරන අම්මලට,ඉගනගන්න පොඩ්ඩොන්ට ලොකු අවස්තාවක් ලැබෙයි.ඒත් මේකටත් දේශපාලුවො අත දැම්මොත් බුදු සරණයි..!
ස්තූතියි
Ammala meka passe yanawa wadi.. me lagadi mage yaluwa qwa, eka wasare lamayata individual clz ekak karanna kiyala amma kenek katha kara kiyala. Shishshathwe lesiyenma pass wenna puluwan padam kirima saha parisaraya ekka muhu wena lamayekta.. mata terena widiyatanm..
එක වසරෙ ළමයෙක්ට group class...😮
දෙමව්පියෝ පොඩි කාලෙම ළමයින්ට මෙහෙම බර දුන්නොත්,ඉස්සරහට මොනා වේවිද..
ඇත්තටම මේ ක්‍රමය ඉක්මනටම වෙනස් වෙනස්වෙනවානම් හොදයි ..
බලං ඉමු.මොකද වෙන්නෙ කියල
හැබැයි ඒ වගේ වැඩක් කරනවනම් ගොඩක් වටිනව
බලමු නේ..
Term tests and exams wadima ratak tamai ape rata. education eka mechchara pressure ekak karanne natuwa podi lamayige mentality ekata match wena widihata haduwanam meeta wada free eke lamayita igena ganna puluwm
අන්තර්ජාතික විදියට අපිව education testing වල අංක එකේ ඇති.ඒත් පොඩි උන් pressure එකේ ඒ ගෙවෙන කාලෙ උන් කොහොමද ආයේ විදින්නෙ...
පොඩි උන්ට හරියට නිදහසේ හුස්මක්වත් ගන්න ලැබෙන් නෑ.මේ යන විදියට.ඇත්තටම වෙනස් උනොත් හොදයි.
aththama kathawa kiuwoth mata nm 5 shishshathweta padan karada mathakath na. e wage kramayak enawa nm hodai ithin.
අනේද කියන්නෙ.