News
व्यंग्यात्मक टिप्पणी~ आज एक कति आठवां अजूबा होया म्हारे सरकारी स्कूलां में । दो दिन पहला हम कति कुक कुक मरा थे के डिपार्टमेंट न किताब न भेजी इब लग तो फिर जुलाई की परीक्षा क्यों धक्के त ले रहे है बिन किताबां क बालक न हमने के पढ़ाया होग्या अर के वे पढ़े होंगे अर के वे फेर पेपर म लिखेंगे । इस बात प मैं भी कुकू था ।
इस बात की थोड़ी बहुत म्हारे इस माहान डिपार्टमेंट न सुनवाई भी करी अर अपनी कमी न छुपोन खातर बीच क़ा रास्ता काडया अर एक लेटर जारी कर दिया क जित किताब नही पहुँची वो जो उन न इन 3 महीनाे में पढ़ाया है ज्युकर क crp स्किल पास बुक जोयफूल सैटरडे ढिमका ढिमका का खुद का पेपर तैयार करे अर बालका का पेपर ले लेव ।
यो लेटर आनंदे ही मेरे जिसे कुकनिये आधे त ज्यादा मास्टर चु चाप होंगे अर आज सब स्कूल न दफ्तर त पेपर ले लिए जिसने नही मिले उसने एक दो का जुगाड़ कर फ़ोटो स्टेट करा ली पर पेपर लिए जरूर । ( न्यू कहके क हमने पुरानी किताब त करवा दिया था सेलेब्स)
अर न किसी यूनियन न कहया के हम विरोध करते है हम कोणी लेंदे बिना किताबां क बालका के पेपर ।
अर एक ही पल में हमने मान लिया के हा सा हम हुसियार अर म्हारे बालक जो बिन किताबा के भी पेपर दे सके अर इबे तो एक चाला ओर होना है सारे बालक पास पाने है अर कई तो सो बटा सो भी लिए पानवेंगे ।
इस तरिया बिना पहुचे ही हमने बता दिया के हा म्हारे धोरे किताब पहुच गी अर हमने बांट क पढ़ा भी दी ।
जय राम जी की
धन्यवाद
प्रहलाद सिंह डांगरा