Burnsteem25 +Club5050|| Diary Game Season 3|| August 11, 2022|| "Pansit With Sardines Recipé"

Hindi mawawala sa hapag-kainan ang ulam. Tradisyon na nating mga tao ang may kapares na ulam kapag tayo ay kakain ng almusal, pananghalian o haponan man. Kahit gaano ito ka simple ay maituturing talagang ulam na siyang nakakagana sa ating kinakain. Ngayong gabi ay ibabahagi ko sa inyo ang simpleng potahe na niluto ko kaninang tanghali at ito ay ang Pansit Na may Kasamang Sardinas. Kahit napakasimpleng ulam lang ito ay masasabi kong masarap pa rin. Ito ay isang uri ng pagkaing pang Probinsya at masarap din itong kainin kahit walang kanin. Ang Pansit kasi ay isang uri ng pagkain na nagtataglay ng carbohydrates kaya pwede ring kainin kahit walang kanin na kasama.

May mga kakaunting sahog kong tayo ay magluluto ng ganitong uri ng ulam, hindi magastos at madali lang lutuin. Nakasanayan na namin itong lutuin simula noong bata pa ako. Mas masarap din kapag maanghang na sardinas ang sinasahog sa pagluluto ng pansit. Sa halagang 60 pesos ay makakaluto ka na nito, kaya simulan na nating magluluto ng Pansit Na may Sardinas.

Narito ang mga sangkap;
° Sardinas (Chilli Flavor)
° Bawang
° Sibuyas
° Asin
° Ibang pampalasa
° Tuyo
° Pansit
° Mantika

Una, Balatan muna natin ang bawang at sibuyas dahil ito talaga ang inuuna kapag tayo ay nagigisa ng pagkain.

Ito ang hitsura ng ng pansit kapag hindi pa luto. Isang mataas na kulay dilaw na parang mga sticks. Kapag inilagay ito sa mainit na tubig ay lalambot ito.

Kapag handa na ang lahat, igisa ang bawang at sibuyas sa mainit na mantika. Gisahin ito hanggang sa lumabas na ang mabangong amoy nito at kulay na golden brown nito.

Sunod na igisa ang sardinas at gisahin lang ito sa loob ng 20 sigundo. Kapag malabis ang pagisa nito ay mawawala ang laman ng sardinas at sabaw nalang ang matitira.

Isunod ilagay ang Tuyo at haluin ng mabuti at pagkatapos ay isunod ang pansit na ilagay at tubig para may sabaw ito. Pakuluan ito ng ilang minuto. Pagkumolo na ay lagyan ng angkop na dami ng asin at iba pang pampalasa sa mga nilulutong ulam. Haluin ito ng mabuti para maging balanse ang lasa nito at pakuluan ng ilang minuto hanggang sa tuluyan na itong maluto.

Ito ang ating potahe para sa araw na ito, ang Pansit na may kasamang Sardinas. Napakasimple at hindi magastos ito kaya makakaluto talaga tayo agad nito.

Bago ko tatapusin ang talaarawan ko para sa araw na ito ay nais kong ibahagi ang 25% mula sa payout kong ito sa @null.