Got an epic card today

Hello Dosto, Aaj mujhe quest me ek epic card mila hai aur sab se achhi baat ye hai ki aaj maine 2800 rank hasil kar liya isliye mujhe aaj 10 card mile hai quest me. Sabhi card achhe hai lekin ek card thoda jyada achha hai iss ki demand jyada hai lekin supply bhi jyada hai isliye iss ka rate kam hai. Iss card ka naam manticore hai aur ye ek dragon monster hai matlab aap iss se quest nahi jeet sakte hai lekin tournament me khel sakte hai. 

Mujhe lagta hai steemmonsters ko dragon ka bhi ek quest rakhna chahye yaar tab maja aata. Lekin dragon ka koi quest hi nahi hai aur dragon ke bahut se card hai lekin wo sirf tournament me hi use kar sakte ho aap quest me uska koi faayda nahi hai. Khair koi nahi jo mil raha hai sahi mil raha hai aur itna me hi khush rahna chahye. Mujhe aaj achhe card hi mile hai aur parso bhai season end ho jaayega. 

Usme ek gold card mil jaaye badhiya wala tab to maja hi aa jaayega ya fir ek legendary card mil jaaye water wala fir dil khush ho jaayega. Pichli baar to koi badhiya card nahi mila tha lekin quest me iss baar kuch achhe card bhi mile hai ab bas duwa hai ki agle season me thoda achha card mile fir maja aayega yaar. 

Ye dekhiye quest me baaki ke mile aaj ke card, kul mila kar aaj 10 card mila hai. 

Ab to sab hi card sahi hi lagte hai pahle dikkat thi jab dec nahi tha tab lekin ab dec hai agar bekaar card bhi mile to dec se convert kar lo mast chij hai ye. Mujhe to bahut achha laga hai iss ka ye system aur ho sakta hai main iss me aur bhi jyada paisa invest karu. Main apne card ko diamond level ka karna chahta hoon aur filhaal mere card gold level ke hai. 

Bas jaldi se diamond level ke ho jaaye to fir bhai maja hai aur kya. Abhi paisa juta raha hoon jaise hi paise ho jaayenge main mast mast card le lunga aur apne card ko diamond level ka kar dunga yahi soch ke rakha hai maine. Tab tak bas hard fork ka intezaar karna hai uske baad hi faisla lunga ki kya karna hai mujhe.