السلام عليكم ورحمة الله وبركاته

.........اخلاق حسنہ.........

گفتگو میں سب سے اہم الفاظ کا چناؤ ہے کیونکہ لفظ
دل جیت لینے اور دل چیر دینے کی صلاحیت رکھتے ہیں. اور لفظوں کے بعد باری آتی ہے لہجے کی جس کا درستگی ازحد ضروری ہے. خراب لہجے میں کی جانے والی بات کتنی ہی اچھی کیوں نہ ہو اثر کھودیتی ہے. ہمارے دین میں اچھے اخلاق پہ بہت زور دیا گیا ہے
نبی اکرم صلی اللہ علیہ وسلم نے فرمایا: ”قیامت کے دن مومن کے میزان میں اخلاق حسنہ سے بھاری کوئی چیز نہیں ہو گی اور اللہ تعالیٰ بےحیاء، بد زبان سے نفرت کرتا ہے“۔
جامع ترمذی حدیث نمبر 2002
الفاظ کے گھاؤ بہت گہرے ہوتے جنہیں بھرنے میں زمانے لگ جاتے ہیں. میں نے اکثر لوگوں کو کہتے سنا ہے کہ فلاں شخص دل کا بہت اچھا ہے بس زبان کا تلخ ہےس سوال یہ ہے دل کس نے دیکھا دل کا حال تو اللہ ہی جانتا ہے اور دل تک رسائی بہت خاص لوگوں کو ہوتی ہے. بےشک دل کا اچھا ہونا بہت ضروری ہے پر زبان کی نرمی اور الفاظ کا چناؤ بہت اہم ہے. ہمارا طرز گفتگو ہماری شخصیت کا عکاس ہوتا ہے. ہم اپنے الفاظ سے دکھی دل پہ مرہم رکھ سکتے ہیں. بعض اوقات ہمارا نرم لہجہ کسی دکھے دل کے سکون کا باعث بنتا ہے. سو گفتگو میں آداب کا خیال رکھیے اور کوشش
.کریں کہ ہمارا شمار دلوں کو جوڑنے والے میں ہو
جزاک اللہ خیرا کثیرا
👆👆👆